Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 2 апрели соли 2015, № 188

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Барномаи миллии бехатарии авиатсияи граждании Ҷумҳурии Тоҷикистон барои солҳои 2015-2020, ки бо қарори Ҳукумати Ҷумҳурии Тоҷикистон аз 2 апрели соли 2015, № 188 "Дар бораи Барномаи миллии бехатарии авиатсияи граждании Ҷумҳурии Тоҷикистон барои солҳои 2015-2020" тасдиқ гардидааст, тағйироти зерин ворид карда шаванд:

- дар бандҳои 8 ва 9 калимаҳои "Раёсати авиатсияи граждании Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шуда, калимаҳои "(минбаъд - РАГ ВН ҶТ)" хориҷ карда шаванд;

- дар бандҳои 10 ва 11 калимаҳои "Хадамоти давлатии назорат ва танзим дар соҳаи нақлиёти Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шуда, калимаҳои "(минбаъд - ХДНТСН ВН ҶТ)" хориҷ карда шаванд;

- дар бандҳои 14, 16, 51, 52, 53, 54, 55, 56, 57, 63, 64, 65, 66, 73, 132, 176, 191, 201, 219, 220 ва 224 калимаҳои "Вазорати нақлиёти Ҷумҳурии Тоҷикистон" ва "Вазорати нақлиёт" мувофиқан ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шаванд;

- дар банди 18 калимаҳои "Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шуда, калимаҳои ", ки бо фармони Вазири нақлиёт ва коммуникатсияи Ҷумҳурии Тоҷикистон аз 31 январи соли 2011, № 21" ва ", ки бо фармони Вазири нақлиёт ва коммуникатсияи Ҷумҳурии Тоҷикистон аз 31 январи соли 2011, №22 тасдиқ шудаанд, " хориҷ карда шаванд;

- дар банди 20 калимаҳои "Раёсати авиатсияи гражданӣ ва Хадамоти давлатии назорат ва танзим дар соҳаи нақлиёти Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шаванд;

- дар банди 36 калимаи "авиатсионии" ба калимаи "авиатсионӣ" иваз карда шуда, калимаҳои "Вазорати нақлиёти Ҷумҳурии Тоҷикистон" хориҷ карда шаванд;

- дар банди 37 калимаҳои "Вазири нақлиёти Ҷумҳурии Тоҷикистон" ба калимаҳои "директори Агентии авиатсияи граждании назди Ҳукумати Ҷумҳурии Тоҷикистон" иваз карда шаванд;

- дар банди 38 калимаҳои "Хадамоти навбатдорию диспетчерии (минбаъд - ХНД) Вазорати нақлиёти Ҷумҳурии Тоҷикистон" ва "ХНД" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шаванд;

- дар банди 39 калимаҳои "Вазорати нақлиёти Ҷумҳурии Тоҷикистон" ва "мақоми ваколатдор оид ба бехатарии авиатсионии Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шаванд;

- банди 58 дар таҳрири зерин ифода шавад:

"58. Дар сурати ба миён омадани зарурати Агентии авиатсияи граждании назди Ҳукумати Ҷумҳурии Тоҷикистон ба гирифтани кумак аз давлати хориҷӣ ҷиҳати бартараф намудани оқибатҳои амали мудохилаи ғайриқонунӣ, аз тарафи Ҳукумати Ҷумҳурии Тоҷикистон ба унвонии ҳукумати давлати дахлдор дархост фиристода мешавад, агар дархостҳои қаблан фиристодаи Агентии авиатсияи граждании назди Ҳукумати Ҷумҳурии Тоҷикистон қонеъ гардонида нашуда бошанд.";

- банди 59 дар таҳрири зерин ифода шавад:

"59. Агентии авиатсияи граждании назди Ҳукумати Ҷумҳурии Тоҷикистон метавонад намояндаи худро ҳамчун мақоми ваколатдор оид ба бехатарии авиатсионӣ дар яке аз минтақаҳои Ҷумҳурии Тоҷикистон ё давлатҳое, ки дар ҳудуди онҳо ё аз ҳудуди онҳо истифодабарандагони дар Ҷумҳурии Тоҷикистон бақайдгирифташуда фаъолияти худро амалӣ менамоянд, таъин кунад. Низомнома дар бораи намояндаи мақоми ваколатдор оид ба бехатарии авиатсионӣ дар минтақаи Ҷумҳурии Тоҷикистон ё дар давлати хориҷӣ аз ҷониби мақоми ваколатдор дар соҳаи бехатарии авиатсиони таҳия ва тасдиқ карда мешавад.";

- дар банди 60 калимаҳои "Вазорати нақлиёти Ҷумҳурии Тоҷикистонро" ба калимаҳои "Агентии авиатсияи граждании назди Ҳукумати Ҷумҳурии Тоҷикистонро" иваз карда шаванд;

- дар банди 76 калимаҳои ", ки бо фармоиши Вазорати нақлиёти Ҷумҳурии Тоҷикистон аз 2 июни соли 2014, № 86" ва ", ки бо фармони Вазорати нақлиёт ва коммуникатсияи Ҷумҳурии Тоҷикистон аз 15 феврали 2011, №41 тасдиқ шудаанд, " хориҷ карда шаванд;

- бандҳои 80, 81 ва 82 параграфи 4 боби 6 мувофикан бандҳои 82(1), 82(2) ва 82(3) ҳисобида шаванд;

- дар банди 82 параграфи 4 боби 6 калимаҳои "Шахсоне, ки ба минтақаи назоратӣ ворид мешаванд ва аз он хориҷ мешаванд. Бо мақсади бехатари азназаргузаронии шахсӣ, ашёе, ки онҳо бо худ доранд ба воситаи металлкобӣ равокдор ё дастӣ ва дигар таҷҳизот, ки дар нуқтаҳои назоратию иҷозатдиҳии гузошта шудааст, мегузаранд" ба калимаҳои "Шахсоне, ки ба минтақаи назоратӣ ворид мешаванд ва аз он ҷо хориҷ мешаванд, инчунин ашёе, ки онҳо бо худ доранд, мутобиқи талаботи бехатарии авиатсионӣ ба воситаи таҷҳизоти махсуси техникӣ аз муоина мегузаранд" иваз карда шаванд;

- дар банди 97 калимаҳои ", ки бо фармони Вазири нақлиёт ва коммуникатсияи Ҷумҳурии Тоҷикистон аз 7 июли соли 2010, № 131 тасдиқ гардидааст" хориҷ карда шаванд;

- дар банди 125 калимаҳои ", ки бо фармони Вазири нақлиёт ва коммуникатсияи Ҷумҳурии Тоҷикистон аз 7 июни соли 2010, № 131 тасдиқ шудааст" ҳориҷ карда шаванд;

- дар бандҳои 203 ва 204 калимаҳои "мақоми ваколатдори назоратӣ дар соҳаи авиатсияи граждании Вазорати нақлиёти Ҷумҳурии Тоҷикистон" ба калимаҳои "Агентии авиатсияи граждании назди Ҳукумати Ҷумҳурии Тоҷикистон" иваз карда шаванд.