ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба фармони Президенти Ҷумҳурии Тоҷикистон аз 23 июни соли 2015, № 510

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Аз муқаддимаи фармони Президенти Ҷумҳурии Тоҷикистон аз 23 июни соли 2015, № 510 "Дар бораи Оинномаи интизомии Агентии назорати маводи нашъаовари назди Президенти Ҷумҳурии Тоҷикистон" калимаи "(Сарқонуни)" хориҷ карда шавад.

2. Ба Оинномаи интизомии Агентии назорати маводи нашъаовари назди Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 23 июни соли 2015, № 510 тасдиқ шудааст, тағйиру иловаҳои зерин ворид карда шаванд:

- дар муқаддима, банди 7, номи боби 3, бандҳои 23, 24, 25, номи боби 5 калимаҳои "муҷозоти" ва "Муҷозоти" мувофиқан ба калимаҳои "ҷазои" ва "Ҷазои" иваз карда шаванд;

- аз банди 1 калимаи "(Сарқонуни)" хориҷ карда шавад;

- сархати дуюми банди 6 дар таҳрири зерин ифода карда шавад:

"- риояи қоидаҳои тартиботи дохилӣ;";

- дар банди 19 калимаи "афсарони" ба калимаи "сафорони" иваз карда шавад;

- дар сархати ҳаштуми банди 21 калимаҳои "вазифаи штатии" ба калимаи "мансаби" иваз карда шавад;

- дар банди 23 сархати сеюм бо мазмуни зерин илова карда шавад:

"- танбеҳи қатъӣ;";

- дар банди 23 сархати панҷум дар таҳрири зерин ифода карда шавад:

"- аз мансаб озод намудан;";

- дар банди 24 сархати сеюм бо мазмуни зерин илова карда шавад:

- "- танбеҳи қатъӣ;";

- сархати панҷуми банди 24 дар таҳрири зерин ифода карда шавад:

"- ба мансаби паст гузаронидан;";

- сархати ҳафтуми банди 24 дар таҳрири зерин ифода карда шавад:

- "- аз мансаб озод намудан;";

- дар банди 25 сархати сеюм бо мазмуни зерин илова карда шавад:

- "- танбеҳи қатъӣ;";

- банди 42 дар таҳрири зерин ифода карда шавад:

"42. Ҷазои интизомӣ дар он сурат бардошта мешавад, ки агар дар давоми шаш моҳ аз рӯзи додани ҷазо нисбат ба ҳайати қаторӣ ва роҳбарикунандаи Агентӣ ҷазои дигари интизомӣ татбиқ нашуда бошад. Ҳангоми ба ҳайати қаторӣ ва роҳбарикунандаи Агентӣ дар давраи амали ҷазо татбиқ намудани ҷазои нав, муҳлати ҷазо аз лаҳзаи додани ҷазои нав ҳисоб карда мешавад.";

- бандҳои 43 ва 44 хориҷ карда шаванд;

- банди 48 дар таҳрири зерин ифода карда шавад:

"48. Ҷазоҳои интизомӣ дар намуди як зина паст кардани рутбаи махсус, ба мансаби паст гузаронидан ё аз мансаб озод намудан, агар дар қонунгузорӣ тартиби дигар пешбинӣ нагардида бошад, дар он сурат нисбат ба ҳайати қаторӣ ва роҳбарикунандаи Агентӣ татбиқ мегардад, ки агар ҷазоҳои сабуки қаблан додашуда ба шахси вайронкунандаи интизоми хизматӣ таъсир набахшида бошанд.".