Ҳукумати Ҷумҳурии Тоҷикистон

ҚАРОР

Дар бораи оинномаи муассисаи давлатии "Донишгоҳи аграрии Тоҷикистон ба номи Шириншоҳ Шоҳтемур"

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Оинномаи муассисаи давлатии "Донишгоҳи аграрии Тоҷикистон ба номи Шириншоҳ Шоҳтемур" тасдиқ карда шавад (замима мегардад).

2. Вазорати кишоварзии Ҷумҳурии Тоҷикистон ҷиҳати ба қарори мазкур мутобиқ намудани ҳуҷҷатгузории муассисаи давлатии "Донишгоҳи аграрии Тоҷикистон ба номи Шириншоҳ Шоҳтемур" чораҳои зарурӣ андешад.

3. Қарори Ҳукумати Ҷумҳурии Тоҷикистон аз 2 декабри соли 2009, № 658 "Дар бораи тасдиқи Оинномаи Муассисаи давлатии Донишгоҳи аграрии Тоҷикистон ба номи Шириншоҳ Шоҳтемур" аз эътибор соқит дониста шавад.