Ҳукумати Ҷумҳурии Тоҷикистон

ҚАРОР

Дар бораи таъсиси Шӯрои миллии суботи молиявӣ дар Ҷумҳурии Тоҷикистон

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Шӯрои миллии суботи молиявӣ дар Ҷумҳурии Тоҷикистон таъсис дода шавад.

2. Низомнома ва ҳайати Шӯрои миллии суботи молиявӣ дар Ҷумҳурии Тоҷикистон тасдиқ карда шаванд (замимаҳои 1 ва 2).

3. Вазорату идораҳои аъзои Шӯрои миллии суботи молиявӣ дар Ҷумҳурии Тоҷикистон дар сохтори худ воҳиди дахлдорро барои иҷрои уҳдадориҳо дар доираи Низомномаи Шӯрои миллии суботи молиявӣ дар Ҷумҳурии Тоҷикистон ваколатдор намоянд.

4. Вазорату идораҳои дахлдор ҷиҳати иҷрои қарори мазкур тадбирҳои зарурӣ андешанд.