Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 15 майи соли 1999, № 218

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқ" Ҳукумати Ҷумҳурии Тоҷикистон қарор мекунад:

Ба Қоидаҳои иқомати шаҳрвандони хориҷӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 15 майи соли 1999, № 218 "Дар бораи тасдиқи Қоидаҳои иқомати шаҳрвандони хориҷӣ дар Ҷумҳурии Тоҷикистон ва Қоидаҳои убури транзитии шаҳрвандони хориҷӣ аз тариқи ҳудуди Ҷумҳурии Тоҷикистон" тасдиқ шудааст, тағйироти зерин ворид карда шавад:

- дар банди 2 калимаҳои "се шабонарӯз" ба рақам ва калимаҳои "10 рӯзи корӣ" иваз карда шаванд;

- дар банди 15 калимаҳои "се шабонарӯз, ба истиснои рӯзҳои ид ва истироҳат," ба рақам ва калимаҳои "10 рӯзи корӣ" иваз карда шаванд;

- дар зербанди "г" банди 16 калимаҳои "се шабонарӯз дар рӯзҳои маъмулӣ" ба рақам ва калимаҳои "10 рӯзи корӣ" иваз карда шаванд;

- дар банди 20 калимаҳои "се шабонарӯз, ба истиснои рӯзҳои ид ва истироҳат" ба рақам ва калимаҳои "10 рӯзи корӣ" иваз карда шаванд.