Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба қарори Ҳукумати Ҷумҳурии Тоҷикистон аз 24 декабри соли 2016, № 529

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Низомномаи Кумитаи ҳамоҳангсоз оид ба соддагардонии расмиёти савдо, ки бо қарори Ҳукумати Ҷумҳурии Тоҷикистон аз 24 декабри соли 2016, № 529 "Дар бораи таъсис додани Кумитаи ҳамоҳангсоз оид ба соддагардонии расмиёти савдо" тасдиқ шудааст, банди 8(1) бо мазмуни зерин илова карда шавад:

"8(1). Дар ҳолати набудани раиси кумита (рухсатии меҳнатӣ, беморӣ ва сафари хизматӣ) муовини он дорои ваколатҳои пешбининамудаи банди 8 Низомнома, ба истиснои ваколатҳои дар сархатҳои шашум, ҳафтум ва ҳаштуми банди мазкур нишондодашуда, мебошад.".

2. Ба замимаи 2 қарори Ҳукумати Ҷумҳурии Тоҷикистон аз 24 декабри соли 2016, № 529 "Дар бораи таъсис додани Кумитаи ҳамоҳангсоз оид ба соддагардонии расмиёти савдо" пас аз калимаҳои "Аъзои Кумитаи ҳамоҳангсоз:" сархати якум бо мазмуни зерин илова карда шавад:

"Муовини якуми вазири рушди иқтисод ва савдои Ҷумҳурии Тоҷикистон;".