ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи Комиссия оид ба масъалаҳои бахшиши ҷазои назди Президенти Ҷумҳурии Тоҷикистон

Мутобиқи моддаи 69 Конститутсияи Ҷумҳурии Тоҷикистон ва моддаҳои 51 ва 62 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Комиссия оид ба масъалаҳои бахшиши ҷазои назди Президенти Ҷумҳурии Тоҷикистон таъсис дода шавад.

2. Низомнома ва Ҳайати Комиссия оид ба масъалаҳои бахшиши ҷазои назди Президенти Ҷумҳурии Тоҷикистон тасдиқ карда шаванд (замимаҳои 1 ва 2).

3. Фармонҳои Президенти Ҷумҳурии Тоҷикистон аз 8 майи соли 1997, № 721 "Дар бораи комиссия оид ба масъалаҳои бахшиши ҷазо ва шаҳрвандӣ" ва аз 26 майи соли 1997, № 729 "Дар бораи тасдиқи Низомномаи тартиби бахшиши ҷазои ашхоси аз тарафи судҳои Ҷумҳурии Тоҷикистон маҳкумшуда" аз эътибор соқит дониста шаванд.

4. Фармони мазкур аз 1 сентябри соли 2017 мавриди амал қарор дода шавад.