ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба фармони Президенти Ҷумҳурии Тоҷикистон аз 10 марти соли 2016, № 647

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба Низомнома дар бораи тартиби гузаронидани озмун барои ишғоли мансабҳои холии маъмурии хизмати давлатӣ, ки бо фармони Президенти Ҷумҳурии Тоҷикистон аз 10 марти соли 2016, № 647 "Оид ба Низомнома дар бораи тартиби гузаронидани озмун барои ишғоли мансабҳои холии маъмурии хизмати давлатӣ" тасдиқ шудааст, тағйиру иловаҳои зерин ворид карда шаванд;

- дар банди 7 пайвандаки "ва" ба аломати "," иваз карда шуда, пас аз калимаҳои "Ҳукумати Ҷумҳурии Тоҷикистон" калимаҳои "ва Дастгоҳи иҷроияи Президенти Ҷумҳурии Тоҷикистон" илова карда шаванд;

- дар банди 15 пайвандаки "ё" ба аломати "," иваз карда шуда, пас аз калимаҳои "Ҳукумати Ҷумҳурии Тоҷикистон" калимаҳои "ё Дастгоҳи иҷроияи Президенти Ҷумҳурии Тоҷикистон" илова карда шаванд:

- дар банди 16 калимаҳои "бо овози машваратӣ" хориҷ ва ҷумлаи нав бо мазмуни зерин илова карда шавад:

"Намояндаи Дастгоҳи иҷроияи Президенти Ҷумҳурии Тоҷикистон дар кори комиссияи озмуни мақомоти давлатӣ метавонад бо ҳуқуқи овоздиҳӣ иштирок намояд.";

- дар ҷумлаи сеюми банди 19 пас аз калимаи "довталабон" калимаҳои "Дастгоҳи иҷроияи Президенти Ҷумҳурии Тоҷикистон," илова карда шаванд;

- дар банди 31 калимаҳои "ба озмун" ба калимаҳои "ба суҳбат" иваз карда шаванд;

- дар банди 37 ҷумлаи нав бо мазмуни зерин илова карда шавад: "Аз натиҷаи суҳбат бо довталабон барои занон ва ҳамчунин мутахассисони ҷавоне, ки хизмати ҳарбиро тибқи даъват адо намуда, барои нахуст ба хизмати давлатӣ дар мақомоти давлатӣ ва мақомоти худидоракунии шаҳрак ва деҳот қабул мегарданд, се хол илова карда мешавад.";

- дар банди 38 калимаи "намояндаи" ба калимаҳои "намояндагони Дастгоҳи иҷроияи президенти Ҷумҳурии Тоҷикистон ва" иваз карда шаванд"

- дар ҷумлаи панҷуми банди 39 калимаи "пасттари" ба калимаҳои "баробар ё пасттари" иваз карда шавад;

- дар банди 57 калимаи "намояндаи" ба калимаҳои "намояндагони Дастгоҳи иҷроияи Президенти Ҷумҳурии Тоҷикистон ва" иваз карда шаванд;

- банди 59 бо мазмуни зерин илова карда шавад:

"59. Барои риоя накардани талаботи Низомномаи мазкур шахсони масъули мақомоти давлатӣ тибқи тартиби муқаррарнамудаи қонунгузоии Ҷумҳурии Тоҷикистон ба ҷавобгарӣ кашида мешаванд.".