Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 марти соли 2014, № 146

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 3 марти соли 2014, № 146 "Дар бораи Вазорати меҳнат, муҳоҷират ва шуғли аҳолии Ҷумҳурии Тоҷикистон" тағйироти зерин ворид қарда шаванд:

- дар сархатҳои бисту сеюм, бисту ҳафтум, бисту ҳаштум, чилу сеюм, чилу шашум, панҷоҳу ҳаштум, панҷоҳу нуҳум ва шасту панҷуми Номгӯи ташкилотҳои системаи Вазорати меҳнат, муҳоҷират ва шуғли аҳолии Ҷумҳурии Тоҷикистон калимаҳои "Муассисаи давлатии таълимии "Литсейи касбии техникии ноҳияи Восеъ", "Ҷиликӯл", "Қумсангир", "Ғончӣ", "ноҳияи Ҳисор", "Тавилдара" ва "Ҷиргатол" мутаносибан ба калимаҳои "Муассисаи давлатии таълимии "Литсейи касбии техникии ноҳияи Восеъ ба номи Рустами Холалӣ", "Дӯстӣ", "Ҷайхун", "Деваштич", "шаҳри Ҳисор", "Сангвор" ва "Лахш" иваз карда шаванд.