Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 марти соли 2013, № 89

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 2 марти соли 2013, № 89 (бо тағйирот аз 13 марти соли 2014, № 185) "Дар бораи масъалаҳои тартиби гузаронидани озмунҳо барои ҳуқуқи истифодаи қаъри замин" тағйиру иловаҳои зерин ворид карда шаванд:

1. Ба Замимаи 1 "Тартиби гузаронидани озмунҳо барои ҳуқуқи истифодаи қаъри замин", ки бо қарори Ҳукумати Ҷумҳурии Тоҷикистон аз 2 марти соли 2013, № 89 (бо тағйирот аз 13 марти соли 2014, № 185) тасдиқ шудааст, тағйироти зерин ворид карда шавад:

- дар номи Тартиб калимаи "баргузории" ба калимаи "гузаронидани" иваз карда шавад;

- дар сархати чоруми банди 6 калимаи "пардохт" ба калимаи "хироҷ" иваз карда шавад;

- дар банди 7 калимаи "хабарнома" ба калимаи "эълон" иваз карда шавад;

- дар банди 9 калимаи "Котиботи" ба калимаи "Котиби" иваз карда шавад;

- дар сархати якуми банди 18 ва сархатҳои дуюм ва сеюми банди 26 калимаи "ҳаҷми" ба калимаи "андозаи" иваз карда шавад;

- банди 19 дар таҳрири зайл ифода карда шавад:

"19. Агар дар ҳуҷҷатҳои озмунӣ тартиби дигаре муқаррар нашуда бошад, муҳлати баррасӣ ва таҳлили ҳуҷҷатҳои озмунӣ ва пешкаш намудани пешниҳодҳои озмунии иштирокчии Озмун наметавонад аз 90 рӯзи тақвимӣ аз рӯзи баохиррасии санаи пешниҳоди дархостҳо зиёд бошад.";

- дар банди 22 калимаҳои "забонҳои давлатӣ, русӣ ва/ё англисӣ" ва "забони русӣ ва/ё англисӣ" ба калимаҳои "забони давлатӣ, инчунин забонҳои русӣ ё англисӣ" иваз карда шаванд;

- ҷумлаи якуми банди 24 дар таҳрири зайл ифода карда шавад:

"Комиссияи ҳукуматӣ ҷаласаи худро дар шакли пӯшида мегузаронад.";

- аз ҷумлаи дуюми банди 24 ва банди 25 калимаи "масъули" хориҷ карда шавад.

2. Ба Замимаи 2 "Ҳайати Комиссияи ҳукуматӣ оид ба гузаронидани озмунҳо барои ҳуқуқи истифодаи қаъри замин", ки бо қарори Ҳукумати Ҷумҳурии Тоҷикистон аз 2 марти соли 2013, № 89 (бо тағйирот аз 13 марти соли 2014, № 185) тасдиқ шудааст, пас аз калимаҳои "Аъзои Комиссия:":

- сархати якум бо мазмуни зайл илова карда шавад:

"- муовини якуми Роҳбари Дастгоҳи иҷроияи Президенти Ҷумҳурии Тоҷикистон;";

- дар сархати чордаҳум аломати нуқта "." ба аломати нуқта вергул ";" иваз карда шуда, сархати понздаҳум бо мазмуни зайл илова карда шавад:

"- муовини Сардори Раёсати банақшагирии стратегӣ ва ислоҳоти Дастгоҳи иҷроияи Президенти Ҷумҳурии Тоҷикистон - Котиби Комиссияи ҳукуматӣ.".

3. Дар Замимаи 3 "Низомномаи Комиссияи ҳукуматӣ оид ба гузаронидани озмунҳо барои ҳуқуқи истифодаи қаъри замин", ки бо қарори Ҳукумати Ҷумҳурии Тоҷикистон аз 2 марти соли 2013, № 89 (бо тағйирот аз 13 марти соли 2014, № 185) тасдиқ шудааст, тағйироти зерин ворид карда шавад:

- аз банди 3 калимаи "(Сарқонуни)" хориҷ карда шавад;

- дар бандҳои 6 ва 25 рақамҳои "13" ва "7" мувофиқан ба рақамҳои "18" ва "9" иваз карда шаванд;

- бандҳои 19 ва 20 дар таҳрири зайл ифода карда шаванд:

"19. Аъзои Комиссияи ҳукуматӣ уҳдадоранд:

- дар ҷаласаҳои Комиссияи ҳукуматӣ, ба истиснои мавҷуд будани сабабҳои узрноки муқаррарнамудаи қонунгузории Ҷумҳурии Тоҷикистон, шахсан иштирок намоянд;

- ба ошкор кардани маълумоте, ки ба онҳо дар рафти омодасозӣ ва гузаронидани озмун дастрас мегардад, ба ғайр аз ҳолатҳои мустақиман пешбининамудаи қонунгузории Ҷумҳурии Тоҷикистон роҳ надиҳанд;

- ба протоколҳои ҷаласаҳо ва хулосаҳои Комиссияи ҳукуматӣ имзо намоянд;

- дар муҳокима ва овоздиҳӣ вобаста ба масъалаи муайян намудани ғолиби Озмун иштирок намоянд.

20. Ҳар як узви Комиссияи ҳукуматӣ барои иштироки фаъолона дар гузаронидани расмиёти кушодан ва сабт кардани дархостҳо ҷиҳати иштирок дар Озмун масъул мебошад.";

- аз сархати ёздаҳуми банди 22 калимаи "масъули" хориҷ карда шавад;

- матни банди 23 дар таҳрири зайл ифода карда шавад:

"23. Фаъолияти фаврии Комиссияи ҳукуматиро Котиби комиссия ташкил ва таъмин менамояд, аз ҷумла:";

- банди 34 хориҷ карда шуда, банди 35 банди 34 ҳисобида шавад.