ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи тартиби дар Ҷумҳурии Тоҷикистон татбиқ гардидани Протокол оид ба механизми расонидани кӯмаки ҳарбӣ-техникӣ ба давлатҳои аъзои Созмони Аҳдномаи амнияти дастаҷамъӣ дар ҳолати ба вуҷуд омадани таҳдиди таҷовуз ё содир шудани таҷовузкорӣ

Мутобиқи моддаи 7 Қонуни Ҷумҳурии Тоҷикистон "Дар бораи мудофиа" бо мақсади муқаррар кардани тартиби дар Ҷумҳурии Тоҷикистон татбиқ гардидани Протокол оид ба механизми расонидани кӯмаки ҳарбӣ - техникӣ ба давлатҳои аъзои Созмони Аҳдномаи амнияти дастаҷамъӣ дар ҳолати ба вуҷуд омадани таҳдиди таҷовуз ё содир шудани таҷовузкорӣ, ки дар шаҳри Душанбе 6 октябри соли 2007 ба имзо расидааст, фармон медиҳам:

1. Низомнома дар бораи тартиби дар Ҷумҳурии Тоҷикистон татбиқ гардидани Протокол оид ба механизми расонидани кӯмаки ҳарбӣтехникӣ ба давлатҳои аъзои Созмони Аҳдномаи амнияти дастаҷамъӣ дар ҳолати ба вуҷуд омадани таҳдиди таҷовуз ё содир шудани таҷовузкорӣ тасдиқ карда шавад (замима мегардад).

2. Вазорати мудофиаи Ҷумҳурии Тоҷикистон мақомоти ваколатдори масъул барои мувофиқакунонии ҳамаи масъалаҳо вобаста ба номгӯи маҳсулоти таъиноти ҳарбӣ, ҳаҷму шароит ва мӯҳлати амалисозии таҳвили он дар доираи татбиқ гардидани Протокол оид ба механизми расонидани кӯмаки ҳарбӣ - техникӣ ба давлатҳои аъзои Созмони Аҳдномаи амнияти дастаҷамъӣ дар ҳолати ба вуҷуд омадани таҳдиди таҷовуз ё содир шудани таҷовузкорӣ муқаррар карда шавад.

3. Вазорати корҳои хориҷии Ҷумҳурии Тоҷикистон мувофиқи тартиби муқарраргардида Котиботи Созмони Аҳдномаи амнияти дастаҷамъиро дар бораи қабули Фармони мазкур хабардор намояд.