Замимаи 2

Бо қарори Ҳукумати

Ҷумҳурии Тоҷикистон

аз "30" апрели соли 2016, № 190

тасдиқ шудааст

РЕГЛАМЕНТИ ТЕХНИКИИ "БЕХАТАРИИ ГӯШТ ВА МАҲСУЛОТИ ГӯШТӢ"

1. Муқаррароти умумӣ

1.Регламенти техникии Ҷумҳурии Тоҷикистон "Бехатарии гӯшт ва маҳсулоти гӯштӣ", (минбаъд - Регламенти техникӣ) мутобиқи Қонуни Ҷумҳурии Тоҷикистон "Дар бораи бамеъёрдарории техникӣ" таҳия шудааст ва талаботи бехатарии ҳатмиро ба маҳсулоти забҳӣ ва маҳсулоти гӯштӣ барои истифода ва иҷро дар қаламрави Ҷумҳурии Тоҷикистон ва талаботи ба онҳо алоқамандро ба равандҳои истеҳсол, нигоҳдорӣ, интиқол, фурӯш ва истифодаи партовҳо ва ҳамчунин талаботро ба тамғагузорӣ ва борҷомакунии маҳсулоти забҳӣ ва маҳсулоти гӯштӣ, ки дар қаламрави Ҷумҳурии Тоҷикистон ба муомилот бароварда шудаанд, муқаррар менамояд.

2.Гӯшт ва маҳсулоти гӯштӣ дар ҳолати мутобиқат ба талаботи Регламенти техникии мазкур ва ҳамчунин талаботи дигар Регламентҳои техникии Ҷумҳурии Тоҷикистон, ки амалашон ба онҳо татбиқ карда мешавад, барои фурӯш дар бозори Ҷумҳурии Тоҷикистон иҷозат дода мешаванд.

2. Доираи истифода

3. Регламенти техникии мазкур бо мақсади ҳифзи ҳаёт ва саломатии одамон, муҳити атроф, ҳаёт ва саломатии ҳайвонот, амалҳои огоҳкунанда, ки истеъмолкунандагони маҳсулоти забҳӣ ва маҳсулоти гӯштиро вобаста ба таъинот ва бехатарии онҳо ба иштибоҳ меоранд, таҳия шудааст ва ба маҳсулоти забҳӣ ва маҳсулоти гӯштӣ, ки барои фурӯш ба қаламрави Ҷумҳурии Тоҷикистон иҷозат дода мешаванд ва ҳамчунин ба равандҳои истеҳсол, борҷомакунӣ, тамғагузорӣ, нигоҳдорӣ, интиқол, фурӯш ва истифодаи партовҳои онҳо татбиқ карда мешавад.

4. Объектҳои бамеъёрдарории техникии Регламенти техникии мазкур инҳо мебошанд:

а) маҳсулоти забҳӣ ва маҳсулоти гӯштӣ:

- гӯшт;