Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба қарори Ҳукумати Ҷумҳурии Тоҷикистон аз 3 майи соли 2010, № 227

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Дар банди 5) Низомномаи Хадамоти зиддиинҳисории назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, № 227 "Дар бораи Хадамоти зиддиинҳисории назди Ҳукумати Ҷумҳурии Тоҷикистон" тасдиқ гардидааст, пас аз сархати чилу панҷум сархатҳои нав бо мазмуни зайл илова карда шаванд:

"- барномаҳои давлатӣ оид ба рушди реклама ва фаъолияти рекламавиро таҳия ва иҷрои онро ташкил менамояд;

- муҳити рақобатро дар бозори реклама ва фаъолияти рекламавӣ таъмин менамояд;

- мониторинги ҳолати бозори реклама ва фаъолияти рекламавиро амалӣ менамояд;

- махзани маълумот дар бораи реклама ва фаъолияти рекламавиро ташкил карда, онро идора менамояд;

- ба рекламадиҳандагон, истеҳсолкунандагон ва паҳнкунандагони реклама амрнома оид ба бартараф намудани вайронкунии қонунгузории Ҷумҳурии Тоҷикистон дар соҳаи реклама, инчунин қарори анҷом додани рекламаи мутақобилро ирсол карда, назорати иҷрои онро таъмин менамояд;".