Ҳукумати Ҷумҳурии Тоҷикистон

ҚАРОР

Дар бораи масъалаҳои Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулодда

Мутобиқи моддаи 28 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ", бо мақсади гузаронидани сиёсати ягонаи давлатӣ ва тайёрии тамоми зинаҳои мақомоти идораи ҷумҳуриявӣ барои амалиёти фаврӣ дар ҳолати фавқулодда, Ҳукумати Ҷумҳурии Тоҷикистон қарор мекунад:

1. Низомнома ва Ҳайати Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулодда дар таҳрири нав тасдиқ карда шаванд (замимаҳои 1 ва 2).

2. Дар вазорату идораҳо, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва ташкилотҳо комиссияҳо оид ба ҳолатҳои фавқулодца таъсис дода шаванд.

3. Қарорҳои Ҳукумати Ҷумҳурии Тоҷикистон аз 3 августи соли 2002, № 323 "Масъалаҳои Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулодда" ва аз 3 августи соли 2007, № 416 "Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 августи соли 2002, № 323 "Масъалаҳои Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулодда" аз эътибор соқит дониста шаванд.