Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи давлатии телевизиони "Синамо"

Мутобиқи моддаҳои 52 ва 132 Кодекси граждании Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии телевизиони "Синамо" таъсис дода шавад.

2. Оиннома ва сохтори Муассисаи давлатии телевизиони "Синамо" тасдиқ карда шавад (замима мегарданд).

3. Шумораи ниҳоии кормандони Муассисаи давлатии телевизиони "Синамо" 75 воҳид аз ҳисоби маблағҳои буҷети ҷумҳуриявӣ муқаррар карда шавад.

4. Кумитаи телевизион ва радиои назди Ҳукумати Ҷумҳурии Тоҷикистон дар мӯҳлати як моҳ тибқи тартиби муқарраргардида Муассисаи давлатии телевизиони "Синамо"-ро бо бино, таҷҳизоти техникӣ, нақлиёт ва дигар молу мулки зарурӣ таъмин намояд.

5. Вазорати молияи Ҷумҳурии Тоҷикистон мутобиқи банди 3 қарори мазкур аз 1 январи соли 2016 фонди музди меҳнат ва дигар хароҷоти вобаста ба фаъолияти Муассисаи давлатии телевизиони "Синамо"-ро таъмин намояд.

6. Вазорати рушди иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон ва Кумитаи телевизион ва радиои назди Ҳукумати Ҷумҳурии Тоҷикистон дар нишондиҳандаҳои дурнамои рушди иқтисодию иҷтимоии ҷумҳурӣ барои соли 2016 ва солҳои оянда афзудани ҳаҷми пахш, васеъ намудани доираи фарогирии барномаҳои Муассисаи давлатии телевизиони "Синамо"-ро ба нақша гирифта, бо ин мақсад маблағ пешбинӣ намоянд.

7. Ба Номгӯи ташкилотҳои системаи Кумитаи телевизион ва радиои назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 610 "Дар бораи Кумитаи телевизион ва радиои назди Ҳукумати Ҷумҳурии Тоҷикистон" тасдиқ шудааст, сархати нав бо мазмуни зайл илова карда шавад:

"Муассисаи давлатии телевизиони "Синамо".