Ҳукумати Ҷумҳурии Тоҷикистон

ҚАРОР

Дар бораи масъалаҳои Муассисаи давлатии "Маркази миллӣ оид ба аккредитатсия"

Мутобиқи моддаи 53 Кодекси граждании Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази миллӣ оид ба аккредитатсия" мақоми миллӣ оид ба аккредитатсия муайян ва Оинномаи он тасдиқ карда шавад (замима мегардад).

2. Муқаррар карда шавад, ки Муассисаи давлатии "Маркази миллӣ оид ба аккредитатсия" фаъолияти хешро аз 1 январи соли 2016 оғоз менамояд.

3. Маблағгузории Муассисаи давлатии "Маркази миллӣ оид ба аккредитатсия" аз ҳисоби маблағҳои Буҷети давлатӣ ва фаъолияти хоҷагидорӣ ба роҳ монда шавад. Шумораи ниҳоии кормандони Муассисаи давлатии "Маркази миллӣ оид ба аккредитатсия", ки аз ҳисоби Буҷети давлатӣ маблағгузорӣ мешавад, ба миқдори 6 воҳиди корӣ дар доираи воҳидҳои кории амалкунанда муқаррар карда шавад.

4. Кумитаи давлатии сармоягузорӣ ва идораи амволи давлатии Ҷумҳурии Тоҷикистон барои ҷойгир намудани Муассисаи давлатии "Маркази миллӣ оид ба аккредитатсия" бинои зарурӣ ҷудо намояд.

5. Ба Низомномаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 615 тасдиқ гардидааст, тағйироти зерин ворид карда шавад:

- аз банди 1, 4, сархатҳои якум, дуюм, даҳум, бисту дуюм, бисту панҷум, сию шашум, сию ҳафтум, чилу якуми банди 5, сархатҳои шашум, ҳаштум ва сездаҳуми банди 6 калимаҳо ва аломатҳои "аккредитатсия,", ", аккредитатсия", "аккредитатсия ва", "ва аккредитатсия" хориҷ карда шаванд;

- сархатҳои сездаҳум, сию чорум, сию панҷуми банди 5, сархати панҷуми банди 6 хориҷ карда шаванд;

- дар сархати ҳаждаҳуми банди 9 калимаҳои "сертификатсия ва аккредитатсияи" ба калимаи "сертификатсияи" иваз карда шаванд.

6. Аз сархати сеюми Сохтори Дастгоҳи марказии Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 615 тасдиқ гардидааст, калимаҳои "ва ваколатдиҳӣ" хориҷ карда шаванд.

7. Муқаррар карда шавад, ки то 1 январи соли 2017 вазифаҳо оид ба татбиқи сиёсати давлатӣ ва батанзимдарории меъёрии ҳуқуқӣ дар соҳаи аккредитатсия аз ҷониби Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон амалӣ карда шуда, минбаъд ба зиммаи мақоми миллӣ оид ба аккредитатсия вогузор карда мешаванд.

8. Муқаррар карда шавад, ки Муассисаи давлатии "Маркази миллӣ оид ба аккредитатсия" аз 1 январи соли 2017 ҳамчун сохтори мустақил дар назди Ҳукумати Ҷумҳурии Тоҷикистон тибқи тартиби муқарраргардида аз нав ташкил дода мешавад.

9. Муқаррар карда шавад, ки тағйирот дар Низомнома ва Сохтори Дастгоҳи марказии Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2016, № 615 тасдиқ шудаанд, аз 1 январи соли 2017 мавриди амал қарор дода мешаванд.

10. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон то 1 январи соли 2017 тибқи тартиби муқарраргардида тамоми чораҳои ташкилии дахлдорро барои ба охир расонидани давраи гузариш ва таъсиси мақоми миллӣ оид ба аккредитатсия ҳамчун сохтори мустақил дар назди Ҳукумати Ҷумҳурии Тоҷикистон амалӣ намояд.

11. Муқаррар карда шавад, ки агар Муассисаи давлатии "Маркази миллӣ оид ба аккредитатсия" аз 1 январи соли 2017 салоҳияти пурраи фаъолияти мустақилро ноил нагардад, Ҳукумати Ҷумҳурии Тоҷикистон метавонад давраи гузаришро то мӯҳлати на дертар аз соли 2019 тамдид намояд.