Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 майи соли 2010, № 228

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 3 майи соли 2010, № 228 "Дар бораи Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон" тағйиру иловаҳои зерин ворид карда шаванд:

- банди 3 қарор дар таҳрири зайл ифода карда шавад:

"3) Шумораи ниҳоии кормандони Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон ба миқдори 38 воҳид (бе ҳайати хизматрасон) муқаррар карда шавад, ки аз он 32 воҳид аз ҳисоби буҷети ҷумҳуриявӣ ва 6 воҳид аз ҳисоби маблағҳои махсуси Агентӣ маблаггузорӣ карда шавад.";

- дар банди 5 қарор пас аз калимаҳои "буҷети ҷумҳуриявӣ" калимаҳои "ва маблағҳои махсуси Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон дар мувофиқа бо Вазорати молияи Ҷумҳурии Тоҷикистон" илова карда шаванд.

2. Ба Сохтори Дастгоҳи марказии Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, № 228 "Дар бораи Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

- пас аз сархати дуюм сархати нав бо мазмуни зайл илова карда шавад:

"Шӯъбаи таҳлил, назорат ва таъминоти иттилоотии хариди давлатӣ";

- дар сархати панҷум калимаи "мусоҳибавӣ" ба калимаи "муҳосибавӣ" иваз карда шавад.