Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 14 сентябри соли 2006, № 432

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Банди 34 Низомномаи тартиби адои хизмати ҳайати қаторӣ ва роҳбарикунандаи системаи иҷрои ҷазои ҷиноятӣ, ки бо қарори Ҳукумати Ҷумҳурии Тоҷикистон аз 14 сентябри соли 2006, № 432 тасдиқ шудааст, дар таҳрири зайл ифода карда шавад:

"34. Синни ниҳоӣ барои адои хизмат дар системаи иҷрои ҷазои ҷиноятӣ:

- барои ҳайати қаторӣ ва хурди роҳбарикунанда - 48 солагӣ;

- барои ҳайати миёнаи роҳбарикунанда - 53 солагӣ;

- барои ҳайати калони роҳбарикунанда - 58 солагӣ;

- барои ҳайати олии роҳбарикунанда - 63 солагӣ;

- барои хизматчиёни ҳарбии системаи иҷрои ҷазои ҷиноятӣ синни ниҳоӣ тибқи Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" муайян карда мешавад".