Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 августи соли 2008, №378

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 1 августи соли 2008, № 378 "Дар бораи бақайдгирии муҳоҷирати шаҳрвандони Ҷумҳурии Тоҷикистон ба хориҷа ва бозгашт аз хориҷа" тағйиру иловаҳои зерин ворид карда шаванд:

- дар ном ва матни қарор қалимаи "бақайдгирии" ба калимаи "баҳисобгирии" иваз карда шавад;

- матни банди 1 дар таҳрири зайл ифода карда шавад:

"Қоидаҳои баҳисобгирии муҳоҷирати шаҳрвандони Ҷумҳурии Тоҷикистон ба хориҷа ва бозгашт аз хориҷа ва Варақаи баҳисобгирии муҳоҷирати шаҳрвандони Ҷумҳурии Тоҷикистон тасдиқ карда шаванд (замимаҳои 1 ва 2);

- дар бандҳои 3 ва 5 калимаҳои "нуқтаҳои гузариши Сарҳади давлатӣ" ба калимаҳои "гузаргоҳҳои Сарҳади давлатии Ҷумҳурии Тоҷикистон" иваз карда шаванд;

- дар банди 4 калимаҳои "Кумитаи давлатии омори" ба калимаҳои "Агентии омори назди Президенти" иваз карда шаванд;

- дар банди 6 калимаҳои "Вазорати нақлиёт ва коммуникатсияи Ҷумҳурии Тоҷикистон, Корхонаи воҳиди давлатии ҳавопаймоии "Тоҷик Эйр" ба калимаҳои "Вазорати нақлиёти Ҷумҳурии Тоҷикистон, Ҷамъияти саҳомии кушодаи "Фурудгоҳи байналмилалии Душанбе", Ҷамъияти саҳомии кушодаи "Фурудгоҳи байналмилалии Хуҷанд", Ҷамъияти саҳомии кушодаи "Фурудгоҳи байналмилалии Қӯрғонтеппа" ва Ҷамъияти саҳомии кушодаи "Фурудгоҳи байналмилалии Кӯлоб" иваз карда шуда, сархати нав бо мазмуни зайл илова карда шавад:

"- Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Вазорати меҳнат, муҳоҷират ва шуғли аҳолии Ҷумҳурии Тоҷикистон барои ҷорӣ намудани низоми электронии баҳисобгирии рафту омади шаҳрвандони Ҷумҳурии Тоҷикистон тавассути гузаргоҳҳои сарҳади давлатии Ҷумҳурии Тоҷикистон ва ташкили махзани ягонаи иттилоотӣ чораҷӯӣ намоянд.".