Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 5 августи соли 1998, № 306

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи тартиби иҷозатдиҳӣ барои идораи воситаҳои нақлиёт ва ба шаҳрвандон додани асноди ронандагӣ, ки бо қарори Ҳукумати Ҷумҳурии Тоҷикистон аз 5 августи соли 1998, № 306 тасдиқ шудааст, тағйиру иловаҳои зерин ворид карда шаванд:

1. Дар бандҳои 2, 4, 7, 8, 20, 22, 48 ва 49 ҳарфи "Е" ба ҳарфҳои "ВЕ", "СЕ" ва "DЕ" иваз карда шаванд;

- банди 3 дар таҳрири зерин ифода карда шавад:

"3. Ашхосе, ки шаҳодатномаи ронандагӣ бо сабти иҷозатдиҳанда дар ҷадвалҳои- "А", "В", "С", "D", "ВЕ", "СЕ" ва "DЕ" доранд, метавонанд навъҳои зерини воситаҳои нақлиётро идора кунанд:

"А" - мототсикл, мотороллер, мотонарт ва дигар воситаҳои нақлиёти ба гурӯҳи мототсиклҳо мансуббуда, инчунин воситаҳои нақлиёте, ки тавассути муҳаррики барқӣ ҳаракат мекунанд ва суръати конструктивиашон беш аз 40 км/соат мебошад;

"В" - автомобилҳо (ба ғайр аз воситаҳои нақлиёти ба категорияи "А" тааллуқдошта), ки вазни ниҳоии ҷоизашон1 аз 3500 кг ва шумораи ҷойҳои нишасти онҳо, ба ғайр аз нишастгоҳи ронанда аз ҳашт зиёд нест, ҳамчунин мотоаробаҳо; автомобилҳои категорияи "В" бо ядакҳое, ки вазни ниҳоии ҷоизи онҳо аз 750 кг зиёд нест; автомобилҳои категорияи "В" бо ядакҳое, ки вазни ниҳоии ҷоизи онҳо аз 750 кг зиёд аст, вале аз вазни автомобили бе бор зиёд нест, вазни ниҳоии ҷоизи умумии чунин ҳайат бошад, аз 3500 кг зиёд нест;

"С" - автомобилҳо ба ғайр аз ба категорияи "Б" тааллуқдошта, ки вазни ниҳоии ҷоизи онҳо аз 3500 кг зиёд аст; автомобилҳои категорияи "С" бо ядакҳое, ки вазни ниҳоии ҷоизи онҳо аз 750 кг зиёд нест;

"D"- автомобилҳои барои интиқоли мусофирон пешбинигардида ва дорои зиёда аз ҳашт ҷойи нишаст, ба ғайр аз нишастгоҳи ронанда; автомобилҳои категорияи "Б" бо ядакҳое, ки вазни ниҳоии ҷоизи онҳо аз 750 кг зиёд нест;

"ВЕ" - автомобилҳои категорияи "В" бо ядакҳое, ки вазни ниҳоии ҷоизи онҳо аз 750 кг зиёд аст ва аз вазни автомобили бе бор зиёд аст; автомобилҳои категорияи "В" бо ядакҳое, ки вазни ниҳоии ҷоизи онҳо аз 750 кг зиёд аст ва вазни пурраи ниҳоии ҷоизи чунин ҳайат аз 3 500 кг зиёд аст;

"СЕ" - автомобили категорияи "С" бо ядакҳое, ки вазни ниҳоии ҷоизи онҳо аз 750 кг зиёд аст;

"DЕ" - автомобилҳои категорияи "D" бо ядакҳое, ки вазни ниҳоии ҷоизи онҳо аз 750 кг зиёд аст;

"Тm" - Трамвай;

"Тb" - Троллейбус.

Ба ронандаи трамвай идоракунии танҳо трамвай, ба ронандаи троллейбус идоракунии танҳо троллейбус ва ба ронандаи мотоароба идоракунии танҳо мотоароба иҷозат дода мешавад.

Ба автомобилҳои барои интиқоли мусофирон пешбинигардида инҳо мансубанд: автобусҳо ва микроавтобусҳои дорои ғунҷоиши дахлдор, автофургонҳо дар асоси шассии автомобилҳои боркаш, ки барои интиқоли одамон (бригадаҳои вахта) пешбинӣ гардида, дар шароити заводҳои истеҳсолкунанда бо тартиби сериявӣ истеҳсол шудаанд, ҳамчунин автомобилҳои боркаши таҷҳизонидашудае, ки зиёда аз ҳашт нафарро интиқол медиҳанд.

Идоракунии троллейбуси пайваста дар сурати доштани шаҳодатномаи ронандагӣ бо сабти ҳуқуқи идоракунии он ва гувоҳномаи на поёнтар аз дараҷаи дуюм иҷозат дода мешавад.

1____________________________

Вазни муҷаҳҳази воситаи нақлиёт якҷоя бо бор, ронанда ва мусофирон, ки аз тарафи заводи истеҳсолкунанда ҳамчун вазни ниҳоии ҷоиз муқаррар карда шудааст;

- дар бандҳои 5 ва 13 калимаҳои "маорифи" ба калимаҳои "маориф ва илми" иваз карда шаванд;

- дар бандҳои 10 ва 19 аз калимаҳои "автомобиль" ва "автомобильҳои" мутобиқан ба калимаҳои "автомобил" ва "автомобилҳои" иваз карда шаванд;

- дар банди 12 калимаҳои "ҳифзи иҷтимоии" ба калимаҳои "тандурустӣ ва ҳифзи иҷтимоии аҳолии" ва калимаи "автомобильҳои" ба калимаи "автомобилҳои" иваз карда шаванд;

- дар банди 20 қалимаҳои "нақлиёт, ки аз тарафи муассисаи таълимӣ ҷудо карда мешаванд" ба калимаҳои "нақлиёти таълимӣ" иваз карда шаванд;

- дар сархати чоруми банди 23 калимаҳои "дар давоми 12 моҳи охир воситаҳои нақлиётро идора кардаанд" ба калимаҳои "асноди идоракунии доимии воситаи нақлиётро пешниҳод кардаанд" ва калимаи "ведомостьҳои" ба калимаи "ведомостҳои" иваз карда шаванд;

- ба банди 26 сархатҳои нав бо мазмуни зерин илова карда шаванд:

"Бланкаҳои шаҳодатномаи ронандагии биометрӣ аз маводи бадошти пластика (поликарбонат) омода шуда, андозаи (54x86 мм.) доранд ва дар дастгоҳҳои чопии махсус хонапурӣ карда мешаванд.

Навиштаҷот дар бланкаи шаҳодатномаи ронандагии биометрӣ бо забони тоҷикӣ бо ҳарфҳои алифбои русӣ (кириллӣ) сабт гардида, ба забони англисӣ тарҷума шудаанд. Ҳангоми фардикунонӣ навиштаҷот бо забони тоҷикӣ бо ҳарфҳои алифбои русӣ (кириллӣ) иҷро карда шуда, бо ҳарфҳои алифбои лотинӣ транслитератсия карда мешаванд.";

- дар банди 27 калимаҳои "ведомостьҳои раиси комиссияи имтиҳонотӣ" ба калимаҳои "корманди масъули воҳиди бақайдгирию имтиҳонотӣ (тибқи ӯҳдадориҳои хизматӣ)" иваз карда шаванд;

- дар банди 37 калимаҳои "дар давоми 12 моҳи охир воситаҳои нақлиётро идора кардаанд" ба калимаҳои "асноди идоракунии доимии воситаи нақлиётро пешниҳод кардаанд", калимаҳои "автомобильҳоро" ва "автомобиль" ба калимаҳои "автомобилҳоро" ва "автомобил" иваз карда шаванд;

- дар сархати якуми банди 38 калимаҳои "дар давоми 12 моҳи охир воситаҳои нақлиётро идора накардаанд" ба калимаҳои "асноди идоракунии доимии воситаи нақлиётро пешниҳод накардаанд" иваз карда шаванд;

- дар банди 43 баъд аз калимаи "назариявӣ" калимаҳои "ва дар сурати пешниҳод накардани асноди идоракунии доимии воситаи нақлиёт имтиҳони амалӣ" илова карда шавад;

- дар банди 56 калимаҳои "варақаҳои (китобчаҳо)" ба калимаи "бланкаҳои" иваз карда шавад;

- дар бандҳои 57, 58 ва 59 калимаи "Китобчаҳои" ба калимаи "Бланкаҳои" иваз карда шавад.