Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 июли соли 2009, №430

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 28 июли соли 2009, № 430 "Дар бораи муҳоҷирати дохилии аҳолӣ аз ҳудуди ноҳияи Ҷиргатол ва ноҳияҳои минтақаи Рашт ба мавзеи Лахши ноҳияи Ҷиргатол" тағйиру иловаҳои зайл ворид карда шавад:

- дар банди 1) рақами "2014" ба рақами "2016" иваз карда шавад;

- дар банди 2 калимаҳои "Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон, Агентии сохтмон ва меъмории назди Ҳукумати Ҷумҳурии Тоҷикистон" ба калимаҳои "Кумитаи давлатии идораи замин ва геодезии Ҷумҳурии Тоҷикистон, Кумитаи меъморӣ ва сохтмони назди Ҳукумати Ҷумҳурии Тоҷикистон" иваз карда шаванд;

- дар бандҳои 3), 4), 9), 10), 11), 12) ва 14 калимаҳои "Вазорати меҳнат ва ҳифзи иҷтимоии аҳолии Ҷумҳурии Тоҷикистон" ба калимаҳои "Вазорати меҳнат, муҳоҷират ва шуғли аҳолии Ҷумҳурии Тоҷикистон" иваз карда шаванд;

- дар банди 5) калимаҳои "Вазорати тандурустии Ҷумҳурии Тоҷикистон" ба калимаҳои "Вазорати тандурустӣ ва ҳифзи иҷтимоии аҳолии Ҷумҳурии Тоҷикистон" иваз карда шаванд;

- дар банди 6) калимаҳои "Вазорати маорифии Ҷумҳурии Тоҷикистон" ба калимаҳои "Вазорати маориф ва илми Ҷумҳурии Тоҷикистон" иваз карда шаванд;

- дар банди 7) калимаҳои "Вазорати мелиоратсия ва захираҳои оби Ҷумҳурии Тоҷикистон" ба калимаҳои "Агентии беҳдошти замин ва обёрии назди Ҳукумати Ҷумҳурии Тоҷикистон" иваз карда шаванд;

- дар банди 8) калимаҳои "Вазоратҳои энергетика ва саноат, тандурустӣ, нақлиёт ва коммуникатсияи Ҷумҳурии Тоҷикистон" ба калимаҳои "Вазоратҳои энергетика ва захираҳои об, тандурустӣ ва ҳифзи иҷтимоии аҳолӣ ва нақлиёти Ҷумҳурии Тоҷикистон" иваз карда шаванд;

- дар банди 13) калимаҳои "Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон" ба калимаҳои "Кумитаи давлатии идорати замин ва геодезии Ҷумҳурии Тоҷикистон" иваз карда шаванд;