Ҳукумати Ҷумҳурии Тоҷикистон

ҚАРОР

Дар бораи тартибҳои гузаронидани тирпарронии санҷишӣ аз силоҳи оташфишон

Мутобиқи моддаҳои 10, 12 ва 13 Қонуни Ҷумҳурии Тоҷикистон "Дар бораи силоҳ" Ҳукумати Ҷумҳурии Тоҷикистон қарормекунад:

1. Тартиби гузаронидани тирпарронии санҷишӣ аз силоҳи оташфишони милаш рахпеч, ки бо мақсади коллексиякунӣ ва банамоишгузорӣ барои ташаккули махзани давлатии тиру гилзаҳо ҷамъоварӣ карда мешавад, тасдиқ карда шавад (Замимаи 1).

2. Тартиби гузаронидани тирпарронии санҷишӣ аз силоҳи оташфишони милаш рахпеч, ки дар ихтиёри ташкилотҳои давлатии ҳарбикунонидашуда барои ташаккули махзани давлатии тиру гилза мебошад, тасдиқ карда шавад (Замимаи 2).

3. Тартиби гузаронидани тирпарронии санҷишӣ аз силоҳи оташфишони хизматӣ ва ғайринизомии милаш рахпеч ва талаботи баҳисобгирии тирҳо ва гилзаҳое, ки ба махзани давлатии тиру гилзаҳо супорида мешаванд, тасдиқ карда шавад (Замимаи 3).

4. Вазорати корҳои дохилии Ҷумҳурии Тоҷикистон ва ташкилотҳои давлатии ҳарбикунонидашуда дар мӯҳлати шаш моҳ санадҳои меъёрии ҳуқуқии худро ба қарори мазкур мутобиқ намоянд.