Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 марти соли 2011, № 115

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба банди 5 ва замимаҳои 3, 5, 7, 9, 13, 21 қарори Ҳукумати Ҷумҳурии Тоҷикистон аз 3 марти соли 2011, № 115 "Дар бораи низомнома ва сохтори намунавии дастгоҳи раис, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва лимити шумораи ниҳоии хизматчиёни давлатии мақомоти иҷроияи маҳаллии ҳокимияти давлатӣ" тағйироти зерин ворид карда шавад:

1. Банди 5 қарор дар таҳрири зайл ифода карда шавад:

"5. Вазорати молияи Ҷумҳурии Тоҷикистон дар соли 2015 пардохти музди меҳнати воҳидҳои кории иловагии раёсатҳо, шӯъбаҳо ва бахшҳои кор бо занон ва оилаи Кумитаи кор бо занон ва оилаи назди Ҳукумати Ҷумҳурии Тоҷикистон, маблағгузории хароҷоти иловагиро аз ҳисоби буҷети ҷумҳуриявӣ ва дар солҳои минбаъда аз ҳисоби буҷети маҳаллии мақомоти иҷроияи маҳаллии ҳокимияти давлатӣ тибқи тартиби муқарраргардида таъмин намояд.".

2. Дар замимаи 3 Сохтори намунавии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон дар банди 9 рақами "4" ба рақами "5" ва дар сархати "Ҳамагӣ:" рақами "75" ба рақами "76" иваз карда шаванд.

3. Дар замимаи 5 Сохтори намунавии мақомоти иҷроияи маҳаллии ҳокимияти давлатии вилояти Суғд дар банди 10 калимаи "Шӯъбаи" ба калимаи "Раёсати", рақами "4" ба рақами "8" ва дар сархати "Ҳамагӣ:" рақами "158" ба рақами "162" иваз карда шаванд.

4. Дар замимаи 7 Сохтори намунавии мақомоти иҷроияи маҳаллии ҳокимияти давлатии вилояти Хатлон дар банди 10 калимаи "Шӯъбаи" ба калимаи "Раёсати", рақами "4" ба рақами "7" ва дар сархати "Ҳамагӣ:" рақами "156" ба рақами "159" иваз карда шаванд.

5. Дар замимаи 9 Сохтори намунавии мақомоти иҷроияи маҳалии ҳокимияти давлатии шаҳри Душанбе дар банди 7 калимаи "Шӯъбаи"’ба калимаи "Раёсати", рақами "4" ба рақами "7" ва дар сархати "Ҳамагӣ:" рақами "102" ба рақами "105" иваз карда шаванд.

6. Дар замимаи 13 Сохтори намунавии мақомоти иҷроияи маҳаллии ҳокимияти давлатии шаҳру ноҳияҳо дар банди 9 калимаи "Бахши" ба калимаҳои "Шӯъбаи (бахши)" иваз карда шаванд.

7. Замимаи 21 Лимити шумораи ниҳоии хизматчиёни давлатии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо ва ноҳияҳо аз 1 январи соли 2015 дар таҳрири нав тасдиқ карда шавад (замима мегардад).