ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ МУДОФИАИ ГРАЖДАНӢ"

Моддаи 1. Ба Қонуни Ҷумҳурии Тоҷикистон аз 28 феврали соли 2004 "Дар бораи мудофиаи гражданӣ" (Ахбори Маҷлиси Олии Ҷумҳурии Тоҷикистон, с. 2004, №2, мод. 38; с. 2007, №3, мод. 161) тағйироти зерин ворид карда шавад:

1. Дар қисми сеюми моддаи 4 ва қисми сеюми моддаи 17 калимаҳои "яроқу" ва "яроқи" мувофиқан ба калимаҳои "силоҳу" ва "силоҳи" иваз карда шаванд.

2. Дар сархати чоруми моддаи 3, сархати нӯҳуми моддаи 7, сархатҳои понздаҳум ва ҳабдаҳуми қисми дуюми моддаи 8, сархати чоруми моддаи 10, сархати сенздаҳуми моддаи 11, қисми якуми моддаи 18, номи боби 7, қисми дуюми моддаи 24 ва моддаи 25 калимаҳои "амволи", "амволеро", "АМВОЛИ" ва "Амволи" мувофиқан ба калимаҳои "молу мулки", "молу мулкеро", "МОЛУ МУЛКИ" ва "Молу мулки" иваз карда шаванд.

3. Моддаи 28 дар таҳрири зайл ифода карда шавад:

"Моддаи 28. Ҷавобгарӣ барои риоя накардани Қонуни мазкур

Шахсони воқеӣ ва ҳуқуқӣ барои риоя накардани талаботи Қонуни мазкур мувофиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

Президенти

Ҷумҳурии Тоҷикистон Эмомалӣ Раҳмон

ш.Душанбе

27 ноябри соли 2014 № 1147