Ҳукумати Ҷумҳурии Тоҷикистон

ҚАРОР

Дар бораи Тартиби таҳия, тасдиқ, бақайдгирии, давлатӣ, санҷиш, аз нав дида баромадан, тағйир додан, бекор кардан, истифода, чопи расмии регламентҳои техникӣ, аз ҷумла регламентҳои техникии марбут ба маҳсулоти мудофиавӣ, огоҳинома ва нашри иттилоъ дар бораи онҳо ва Тартиби таъсис ва пешбарии Фонди миллии санадҳо ва ҳуҷҷатҳои меъёрии техникӣ дар соҳаи бамеъёрдарории техникӣ, инчунин қоидаҳои истифодаи он

Мутобиқи моддаи 8 Қонуни Ҷумҳурии Тоҷикистон "Дар бораи бамеъёрдарории техникӣ" Ҳукумати Ҷумҳурии Тоҷикистон қарор мекунад:

1. Тартиби таҳия, тасдиқ, бақайдгирии давлатӣ, санҷиш, аз нав дида баромадан, тағйир додан, бекор кардан, истифода, чопи расмии регламентҳои техникӣ, аз ҷумла регламентҳои техникии марбут ба маҳсулоти мудофиавӣ, огоҳинома ва нашри иттилоъ дар бораи онҳо тасдиқ карда шавад (замимаи 1).

2. Тартиби таъсис ва пешбарии Фонди миллии санадҳо ва хуҷҷатҳои меъёрии техникӣ дар соҳаи бамеъёрдарории техникӣ, инчунин қоидаҳои истифодаи он тасдиқ карда шавад (замимаи 2).

3. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон якҷоя бо вазорату идораҳои дахлдор ҷиҳати татбиқи қарори мазкур чораҳои зарурӣ андешанд.