Ҳукумати Ҷумҳурии Тоҷикистон

ҚАРОР

Дар бораи Тартиби аз ҷониби корфармо ҷуброн гардидани зарар бо сабаби бад шудани саломатӣ ё фавти кормандон

Мутобиқи моддаи 156 Кодекси меҳнати Ҷумҳурии Тоҷикистон, моддаи 28 Қонуни Ҷумҳурии Тоҷикистон "Дар бораи ҳифзи меҳнат" ва моддаи 51 Қонуни Ҷумҳурии Тоҷикистон "Дар бораи санадҳои меъёрии хуқуқӣ" Ҳукумати Ҷумҳурии Тоҷикистон қарор мекунад:

1. Тартиби аз ҷониби корфармо ҷуброн гардидани зарар бо сабаби бад шудани саломатӣ ё фавти кормандон тасдиқ карда шавад (замима мегардад).

2. Вазорату идораҳо, ташкилоту муассисаҳо ва корхонаҳо, новобаста ба шакли моликият, ҷуброни зарарро, ки ба кормандон ҳангоми иҷрои ӯҳдадориҳои меҳнатӣ расонида шудааст, тибқи Тартиби аз ҷониби корфармо ҷуброн гардидани зарар бо сабаби бад шудани саломатӣ ё фавти кормандон амалӣ намоянд.

3. Қарори Шӯрои Вазирони Ҷумҳурии Тоҷикистон аз 20 марти соли 1994, № 134 "Дар бораи масъалаҳои аз ҷониби корхонаҳо, ташкилоту муассисаҳо ҷуброн гардидани зараре, ки ҳангоми иҷрои ӯҳдадориҳои меҳнатӣ дар шакли маъюбӣ, бемории касбӣ ё осеб дидани саломатӣ ба кормандон расонида шудааст" ва қарори Ҳукумати Ҷумҳурии Тоҷикистон аз 17 апрели соли 1998, № 118 "Дар бораи даровардани тағйиру иловаҳо ба қарори Шӯрои Вазирони Ҷумҳурии Тоҷикистон аз 20 марти соли 1994, №134" аз эътибор соқит дониста шаванд.