Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 31 декабри соли 2008, № 662

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 31 декабри соли 2008, № 662 "Дар бораи тасдиқи Барномаи рушди соҳаи асппарварӣ дар Ҷумҳурии Тоҷикистон барои солҳои 2009-2016" калимаҳои "Корхонаи воҳиди давлатии ҷумҳуриявӣ оид ба воридот, захира ва фурӯши чорвои зотӣ, парранда, моҳӣ, занбӯри асал ва харгӯш "Дафтари зотпарварии Тоҷикистон" ба калимаҳои "Корхонаи воҳиди давлатии ҷумҳуриявии "Асппарвар" иваз карда шаванд.

2. Дар банди 1 боби 5 Барномаи рушди соҳаи асппарварӣ дар Ҷумҳурии Тоҷикистон барои солҳои 2009-2016, ки бо қарори Ҳукумати Ҷумҳурии Тоҷикистон аз 31 декабри соли 2008, № 662 тасдиқ шудааст, калимаҳои "аз дигар ҷумҳуриҳо" ба калимаҳои "аз дохили ҷумҳурӣ" иваз карда шуда, боби 6 Барнома хориҷ карда шавад.