Бо қарори Ҳукумати ҶТ аз 1.10.2016 № 417 аз эътибор соқит дониста шуд.  

Ҳукумати Ҷумҳурии Тоҷикистон

ҚАРОР

Дар бораи тарифҳои нерӯи барқ ва гармӣ

Мутобиқи моддаи 9 Қонуни Ҷумҳурии Тоҷикистон "Дар бораи монополияҳои табиӣ", моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади мусоидат намудан ба рушди соҳаи электроэнергетикаи кишвар ва таъмини иҷрои Барномаи стратегияи ислоҳоти бахши энергетикӣ, Ҳукумати Ҷумҳурии Тоҷикистон қарор мекунад:

1. Тарифҳои нерӯи барқ ва гармӣ, ки аз ҷониби Ширкати саҳомии холдингии кушодаи "Барқи Тоҷик" ба истифодабарандагон интиқол дода мешавад, тасдиқ карда шаванд (замима мегардад).

2. Хадамоти зиддиинҳисории назди Ҳукумати Ҷумҳурии Тоҷикистон якҷоя бо Ширкати саҳомии холдингии кушодаи "Барқи Тоҷик" ба Нархномаи № 09-01-2012 "Тарифҳои энергияи барқ ва гармӣ" тибқи қарори мазкур тағйирот ворид намояд.

3. Вазорати молияи Ҷумҳурии Тоҷикистон, бо дарназардошти зиёд шудани тарифҳои нерӯи барқ ва гармӣ, манбаҳои маблағгузориро барои ташкилотҳои аз буҷет маблағгузоришаванда дарёфт намуда, барои маблағгузорӣ дар соли 2014 таклиф пешниҳод кунад ва дар лоиҳаи Буҷети давлатӣ барои солҳои минбаъда маблағҳои заруриро пешбинӣ намояд.

4. Қарорҳои зерини Ҳукумати Ҷумҳурии Тоҷикистон аз эътибор соқит дониста шаванд:

- аз 1 марти соли 2012, № 103 "Дар бораи тарифҳои энергияи барқ ва гармӣ";

- аз 21 июли соли 2012, №370-15 "Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 марти соли 2012, №103";

- аз 13 декабри соли 2012 № 725 "Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 марти соли 2012, №103".

5. Қарори мазкур аз 1 июли соли 2014 мавриди амал қарор дода шавад.

Замима