Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи давлатии "Маркази татбиқи Лоиҳаи "Сохтмон ва муҷаҳҳазгардонии мактабҳо"

Мутобиқи моддаҳои 52 ва 132 Кодекси граждании Ҷумҳурии Тоҷикистон ва бо мақсади татбиқи Лоиҳаи "Сохтмон ва муҷаҳҳазгардонии мактабҳо", Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази татбиқи Лоиҳаи "Сохтмон ва муҷаҳҳазгардонии мактабҳо" таъсис дода, Оинномаи он тасдиқ карда шавад (замима мегардад).

2. Вазорати маориф ва илми Ҷумҳурии Тоҷикистон агентии иҷроияи Лоиҳаи мазкур муайян карда шавад.

3. Вазорати маориф ва илми Ҷумҳурии Тоҷикистон дар якҷоягӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон бинои заруриро барои ҷойгир намудани Муассисаи давлатии "Маркази татбиқи Лоиҳаи "Сохтмон ва муҷаҳҳазгардонии мактабҳо" ҷудо намоянд.

4. Муассисаи давлатии "Маркази татбиқи Лоиҳаи "Сохтмон ва муҷаҳҳазгардонии мактабҳо" дар мувофиқа бо Вазорати маориф ва илми Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Вазорати молияи Ҷумҳурии Тоҷикистон ва Фонди Саудии Рушд сохтор, ҷадвали штатӣ ва сметаи хароҷотро барои нигоҳдории Маркази мазкур таҳия ва тасдиқ намоянд.

5. Вазорати молияи Ҷумҳурии Тоҷикистон ҳар сол дар Буҷети давлатӣ маблағҳои заруриро ҷиҳати таъмини саҳми Ҳукумати Ҷумҳурии Тоҷикистон барои татбиқи Лоиҳаи "Сохтмон ва муҷаҳҳазгардонии мактабҳо" пешбинӣ намояд.