Ҳукумати Ҷумҳурии Тоҷикистон

ҚАРОР

Дар бораи Низомномаи ташкил ва ба роҳ мондани таълим дар кафедраҳои ҳарбии муассисаҳои таҳсилоти олии касбии давлатӣ

Мутобиқи моддаи 19 Қонуни Ҷумҳурии Тоҷикистон "Дар бораи маориф" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Низомномаи ташкил ва ба роҳ мондани таълим дар кафедраҳои ҳарбии муассисаҳои таҳсилоти олии касбии давлатӣ тасдиқ карда шавад (замима мегардад).

2. Ректорони Донишгоҳи миллии Тоҷикистон, Донишгоҳи техникии Тоҷикистон ба номи академик М.С. Осимӣ, Донишгоҳи аграрии Тоҷикистон ба номи Ш. Шоҳтемур, Донишгоҳи давлатии тиббии Тоҷикистон ба номи Абӯалӣ ибни Сино, Донишкадаи тарбияи ҷисмонии Тоҷикистон ба номи С. Раҳимов, Донишгоҳи давлатии Данғара фаъолияти кафедраҳои ҳарбиро мувофиқи Низомномаи мазкур ба роҳ монанд.

3. Вазорати мудофиаи Ҷумҳурии Тоҷикистон санадҳои меъёрии ҳуқуқии марбут ба кафедраҳои ҳарбиро дар муддати ду моҳ таҳия ва тасдиқ намояд.

4. Қарори Ҳукумати Ҷумҳурии Тоҷикистон аз 15 марти соли 1999, № 92 "Дар бораи тасдиқи Низомномаи тартиби тарбияи афсарони эҳтиёт барои Қувваҳои Мусаллаҳи Ҷумҳурии Тоҷикистон" аз эътибор соқит дониста шавад.