ХАДАМОТИ ЗИДДИИНҲИСОРИИ НАЗДИ ҲУКУМАТИ ҶУМҲУРИИ ТОҶИКИСТОН

ФАРМОИШ

Дар бораи тасдиқ кардани санадҳои меъёрии ҳуқуқии қонунгузории зиддиинҳисории Ҷумҳурии Тоҷикистон

Бо мақсади амалӣ намудани талаботҳои моддаҳои 4, 6, 13 ва 24 Қонуни Ҷумҳурии Тоҷикистон "Дар бораи рақобат ва маҳдудкунии фаъолияти инҳисорӣ дар бозорҳои мол",

1. Санадҳои меъёрии ҳуқуқии зерин тасдиқ карда шаванд:

- Низомнома оид ба танзими нарх ба маҳсулот ва моли тайёркарда, хизматрасонии анҷомдодаи субъектҳои хоҷагидор - доминантҳо ва инҳисорон;

- Низомнома оид ба тартиби ба мақомоти ваколатдори амаликунандаи сиёсати зиддиинҳисорӣ пешниҳод намудани дархост ва огоҳинома тибқи талаботҳои моддаҳои 15 ва 16-и Қонуни Ҷумҳурии Тоҷикистон "Дар бораи рақобат ва маҳдудкунии фаъолияти инҳисорӣ дар бозорҳои мол";

- Тартиби танзими муайян намудани нархҳои (тарифҳои) субъектҳои хоҷагидор ё сатҳи ниҳоии онҳо, ки дар бозори молии Ҷумҳурии Тоҷикистон мавқеи ҳукмфармо доранд;

- Тартиби баррасии парвандаҳо дар хусуси вайронкунии қонунгузории зиддиинҳисории Ҷумҳурии Тоҷикистон;

- Тартиби ташкил ва пешбурди Феҳристи субъектҳои хоҷагидоре, ки дар бозори мол мавқеи ҳукмфармоиро доранд;

- Қоида оид ба тартиби гузаронидани тафтиши риояи қонунгузории зиддиинҳисорӣ аз ҷониби мақомоти ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва ташкилотҳои ваколатдори мақомотҳои зикршуда;

- Қоидаҳо оид ба муайян намудани мавқеъи ҳукумфармоии субъекти хоҷагидор дар бозорҳои молӣ;

- Қоидаҳои гузаронидани санҷиши фаъолияти субъектҳои хоҷагидор дар Ҷумҳурии Тоҷикистон тибқи Қонунҳои Ҷумҳурии Тоҷикистон "Дар бораи монополияҳои табиӣ", "Дар бораи рақобат ва маҳдудкунии фаъолияти инҳисорӣ дар бозорҳои мол", "Дар бораи ҳимояи ҳуқуқи истеъмолкунандагон" ва "Дар бораи реклама".

2. Фармоиши мазкур бо тартиби муқарраргардидаи Қонуни Ҷумҳурии Точикистон "Дар бораи санадҳои меъёрии ҳуқуқӣ" ба Вазорати адлияи Ҷумҳурии Точикистон барои бақайдгирии давлатӣ ва ворид намудан ба Феҳристи давлатии санадҳои меъёрии ҳуқуқии Ҷумҳурии Точикистон пешниҳод карда шавад.

3. Аз мавриди эътибори ҳуқуқӣ пайдо намудани фармоиши мазкур, санадҳои меъёрии ҳуқуқии зерин аз эътибор соқит дониста шавад:

Низомнома "Оид ба танзими нарх ба маҳсулот ва моли тайёркарда, хизматрасонии анҷомдодаи субъектҳои хоҷагидордоминантҳо ва инҳисорон", Низомнома "Оид ба тартиби ба мақомоти ваколатдори амаликунандаи сиёсати зиддиинҳисорӣ пешниҳод намудани дархост ва огоҳинома тибқи талаботҳои моддаҳои 15 ва 16 - и Қонуни Ҷумҳурии Тоҷикистон "Дар бораи рақобат ва маҳдудкунии фаъолияти инҳисорӣ дар бозорҳои мол", Қоидаҳои гузаронидани санҷиши фаъолияти субъектҳои хоҷагидор дар Ҷумҳурии Тоҷикистон тибқи қонунҳои Ҷумҳурии Тоҷикистон "Дар бораи монополияҳои табиӣ", "Дар бораи рақобат ва махдудкунии фаъолияти инҳисорӣ дар бозорҳои мол", "Дар бораи ҳимояи ҳуқуқи истеъмолкунандагон" ва "Дар бораи реклама", "Қоида оид ба тартиби гузаронидани тафтиши риояи қонунгузории зиддиинҳисорӣ аз ҷониби мақомоти ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот ва ташкилотҳои ваколатдори мақомотҳои зикршуда", "Қоидаҳо оид ба муайян намудани мавқеъи ҳукумфармоии субъекти хоҷагидор дар бозорҳои молӣ", "Тартиби баррасии парвандаҳо дар хусуси вайронкунии қонунгузории зиддиинҳисории Ҷумҳурии Тоҷикистон", "Тартиби танзими муайян намудани нархҳои (тарифҳои) субъектҳои хоҷагидор ё сатҳи ниҳоии онҳо, ки дар бозори молии Ҷумҳурии Тоҷикистон мавқеи ҳукмфармо доранд" ва "Тавсияҳои методӣ оид ба муайян кардани навъи шартномаҳо", ки бо фармоиши Вазорати рушди иқтисод ва савдои Ҷумҳурии Тоҷикистон аз 5 марти соли 2007 №3;

- фармоиши Хадамоти зиддиинҳисорӣ аз 27 январи соли 2011 №8 "Дар бораи тасдиқ намудани Тартиби баррасии парвандаҳо дар хусуси вайронкунии қонунгузории зиддиинҳисории Ҷумҳурии Тоҷикистон".

4. Фармоиши мазкур баъд аз бақайдгирии давлатӣ ва интишори расмӣ мавриди амал қарор дода шавад.

5. Назорати иҷрои фармоиши мазкур ба зиммаи Муовини аввали Сардори Хадамот вогузор карда шавад.