бо қарори Ҳукумати ҶТ аз 09.10.2021 №432 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи Тартиби истифодаи мошини назоратӣ-хазинавии дорои хотираи фискалӣ (аз ҷумла ҳангоми муомилот бо кортҳои пардохтӣ ва штрих-кодҳо), талаботи техникӣ ба мошинҳои назоратӣ-хазинавии дорои хотираи фискалӣ (назоратӣ), инчунин талабот нисбат ба системаи компютерӣ оид ба назорати хизматрасониҳои алоқаи мобилӣ ва хизматрасониҳои электронӣ

Мутобиқи моддаи 38 Кодекси андози Ҷумҳурии Тоҷикистон ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Тартиби истифодаи мошини назоратӣ - хазинавии дорои хотираи фискалӣ (аз ҷумла ҳангоми муомилот бо кортҳои пардохтӣ ва штрих-кодҳо), талаботи техникӣ ба мошинҳои назоратӣ-хазинавии дорои хотираи фискалӣ (назоратӣ), инчунин талабот нисбат ба системаи компютерӣ оид ба назорати хизматрасониҳои алоқаи мобилӣ ва хизматрасониҳои электронӣ тасдиқ карда шавад (замима мегардад) (қарори Ҳукумати ҶТ аз 25.02.2017 № 102).

2. Қарори Ҳукумати Ҷумҳурии Тоҷикистон аз 2 июли соли 2008, № 310 "Дар бораи тасдиқ намудани Қоидаҳои истифодаи мошинҳои назоратӣ-хазинавии дорои хотираи фискалӣ" аз эътибор соқит дониста шавад.

3. Қарори мазкур пас аз интишори расмӣ мавриди амал қарор дода шавад.