Ҳукумати Ҷумҳурии Тоҷикистон
ҚАРОР
Дар бораи тартиби ҳисоби собиқаи хизмат, таъин ва пардохти нафақаю ёрдампулӣ ба ашхоси дар Ҷумҳурии Тоҷикистон хизмати ҳарбиро адо намуда, шахсони дар мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, Агентии назорати маводи нашъаовар, мақомоти прокуратура ва дар вазифаи судья хизматнамуда ва аъзои оилаҳои онҳо
Мутобиқи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" қарори Шӯрои Олии Ҷумҳурии Тоҷикистон дар бораи тартиби амалӣ намудани ин қонун, Ҳукумати Ҷумҳурии Тоҷикистон қарор мекунад:
1. Муқаррар карда шавад, ки ба собиқаи хизмат барои таъини нафақа баъди ҷавоб шудан аз хизмат ба афсарон, прапорщикҳо, мичманҳо, хизматчиёни ҳарбии хизмати таъҷилӣ ва аскароне, ки мувофиқи шартнома хизмати ҳарбиро адо намудаанд, маллоҳон, сержантҳо ва старшинаҳо /минбаъд хизматчиёни ҳарбӣ/, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии мақомоти прокуратура, ки дорои дараҷаи тахассус мебошанд, инҳо ҳисоб карда мешаванд ():
- хизмати ҳарбӣ /аз ҷумла мувофиқи даъват/ дар Қувваҳои мусаллаҳ, Қӯшунҳои сарҳадӣ, дохилӣ ва роҳи оҳан, қисмҳои алоқаи ҳукуматӣ, қӯшунҳои мудофиаи гражданӣ, мақомоти амният ва разведкаи берунӣ, дигар қисмҳои ҳарбии мувофиқи қонунгузорӣ ташкилкардашудаи Ҷумҳурии Тоҷикистон, собиқ ИҶШС ва дар Қувваҳои Мусаллаҳи Муттаҳидаи Иттиҳоди Давлатҳои Мустақил:
- хизмат дар мақомоти амнияти собиқ ИҶШС дар вазифаҳои ҳайати оперативӣ/ ба шумули давраи омӯзиш/, ҳайатҳои роҳбарӣ ва фармондеҳӣ то 1 октябри соли 1995, аз рӯи рӯйхати вазифаҳое, ки Вазири амнияти Ҷумҳурии Тоҷикистон тасдиқ мекунад;
- хизмат дар милиция, мақомот ва муассисаҳои ислоҳии системаи иҷрои ҷазои ҷиноятӣ, қисмҳои ҳарбигардонидашудаи муҳофизати сӯхтор, дигар муассисаҳо ва қисмҳои мақомоти корҳои дохилӣ, муассиса ва мақомоти иҷрои ҷазои ҷиноятӣ /муҳофизати тартиботи ҷамъиятӣ/-и Ҷумҳурии Тоҷикистон ва собиқ ИҶШС дар вазифаҳои ҳайати афсарӣ, сержантӣ, қаторӣ ва фармондеҳӣ /аз ҷумла дар вазифаҳои таҷрибаомӯз/ ();
- хизмат дар мақомоти гумруки Ҷумҳурии Тоҷикистон ба сифати ашхоси дорои рутбаҳои махсус;
- хизмат дар мақомоти полицияи андози Ҷумҳурии Тоҷикистон ба сифати кормандони дорои рутбаҳои махсус;
- хизмати ҳарбӣ дар Қувваҳои Мусаллаҳ /армияҳо, қӯшунҳо/, мақомоти амният ва дигар қисмҳои ҳарбии мувофиқи қонунгузорӣ ташкилгардида, хизмат дар мақомоти корҳои дохилии /полицияи/ дигар давлатҳо-иштирокчиёни Иттиҳоди Давлатҳои Мустақил ва давлатҳое, ки ба ҳайати Иттиҳод дохил намешаванд ва бо онҳо Ҷумҳурии Тоҷикистон ё собиқ ИҶШС шартномаҳоро оид ба таъминоти иҷтимоӣ, ки баҳисобгирии мутақобиларо ба собиқаи хизмат барои муқаррар намудани нафақаи хизматчиёни ҳарбии ҷавобшуда, ашхоси ҳайати қаторӣ ва фармондеҳии мақомоти корҳои дохилӣ /полиция/, муассиса ва мақомоти иҷрои ҷазои ҷиноятӣ, хадамоти онҳо дар дигар давлатҳо /аз ҷумла хизмати хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилии ин давлатҳо дар ҳолатқое, ки дар сарсатри дувоздаҳуми банди мазкур нишон дода шудааст/ пешбинӣ менамояд, бастааст ();
- хизмат дар воҳидҳои Агентии назорати маводи нашъаовари назди Президенти Ҷумҳурии Тоҷикистон ба сифати кормандони дорои рутбаҳои махсус ();
- хизмат дар гурӯҳҳо ва иттиҳодҳои партизании советӣ, қисмҳо ва иттиҳодҳои лашкари халқӣ дар давраи Ҷанги Бузурги Ватанӣ;
- хизмат ба сифати бинокорони ҳарбӣ дар гурӯҳҳои /қисмҳои/ ҳарбию сохтмонӣ;
- вақти гузаштани тайёрии амалии ҳавоии ашхосе, ки ба хизмати ҳарбӣ даъват шудаанд ва омӯзиши афсарони захиравии ҳайати ҳавой дар сохтори собиқ ДОСААФ-и ИҶШС ва "Ташкилоти мусоидат ба мудофиа"-и Ҷумҳурии Тоҷикистон на пештар аз 1 январи соли 1961;
- вақти иштирок дар ҷамъомадҳои ҳарбӣ - на пештар аз 2 майи соли 1994 ();
- хизмат дар батальонҳои қиркунанда, взводҳо ва гурӯҳҳои муҳофизати халқии дар қаламрави Украина, Белоруссия, Латвия, Литва ва Эстония дар давраи аз 1 январи соли 1941 то 31 декабри соли 1951 амалкарда ба сифат ҷанговарони дар ҳолати казармавӣ буда, инчунин дар вазифаҳои ҳайати фармондеҳӣ;
- давраи кори афсарон ва ашхоси ҳайати фармондеҳӣ дар мақомоти ҳокимияти давлатӣ ва идора, вазоратҳои шаҳрвандӣ, муассисаҳо ва ташкилотҳо бо мондани онҳо дар хизмати ҳарбӣ ё кадрҳои /захираҳои амалкунандаи/ вазоратҳои корҳои дохилӣ /муҳофизати тартиботи ҷамъиятӣ/-и Ҷумҳурии Тоҷикистон ва собиқ ИҶШС;
- давраи кори собиқ ашхоси ҳайати қаторӣ ва фармондеҳӣ дар мақомоти Шӯроҳои депутатҳои халқ баъди 23 октябри соли 1973, агар ин ашхос аз хизмати корҳои дохилӣ бо сабаби интихоб шудани онҳо ҳамчун депутат ба вазифаҳои интихобӣ дар мақомоти Шӯрои депутатҳои халқ озод шуда, баъди хатми ваколатҳояшон дар вазифаҳои интихобӣ ба хизмат баргаштаанд;
- давраи кор то қабул шудан ба хизмат дар мақомоти корҳои дохилӣ, муассиса ва мақомоти иҷрои ҷазои ҷиноятӣ, ба сифати коргар ва хизматчӣ дар мақомот ва муассисаҳои ислоҳии системаи иҷрои ҷазои ҷиноятӣ, изоляторҳои тафтишотӣ, пунктҳои транзитию интиқолӣ профилакторияҳои табобатию меҳнатӣ ва муассисаҳои табобатии маҳаллоти маҳрумияти озодӣ ();
- давраи дар асирӣ, дар иҳота ва тафтишоти махсус будани хизматчиёни ҳарбӣ /аз ҷумла онҳое, ки хизмати ҳарбиро мувофиқи даъват мегузаштанд/, агар асирӣ ихтиёрӣ набошад ва хизматчии ҳарбии дар асирибуда ба муқобили Ватан ҷиноят содир накарда бошад, инчунин вақти дар концлагерьҳои фашистӣ ё дигар ҷойҳои нигоҳдории маҷбурӣ дар давраи Ҷанги Бузурги Ватанӣ будани ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, бо риоя намудани шартҳои мазкур ();
- давраи дар маҳкумияти пешакӣ, давраи дар маҳаллоти маҳрумияти озодӣ ва дар бадарға будани хизматчиёни ҳарбӣ /аз ҷумла онҳое, ки хизмати ҳарбиро мувофиқи даъват мегузаштанд/, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар, кормандони мақомоти прокуратура, ки дорои дараҷаи тахассус буда, воҳидҳои Агентии назорати маводи нашъаовар, беасос ба ҷавобгарии ҷиноятӣ кашида шудаанд, беасос табъид /репрессия/ шудаанд ва баъд сафед карда шудаанд ();
- вақти танаффус дар хизмати хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар, кормандони мақомоти прокуратура ва судьяҳо, ки дорои дараҷаҳои тахассус мебошанд, дар ҳолатҳои аз хизмат ғайриқонунӣ озод намудани онҳо ва минбаъд ба хизмат барқарор шудани онҳо, ки қонунгузорӣ пешбинӣ намудааст ();
- давраи кор дар мақомоти прокуратураи Ҷумҳурии Тоҷикистон ба сифати корманди прокурорию тафтишотӣ;
- давраи кор дар вазифаи судья;
- давраи иҷрои вазифаҳо аз тарафи ашхоси ба ҳайати қисмҳои ҳарбикардашуда дохилгардида дар мавриди ҳимояи сохти конститутсионӣ;
2. Ба собиқаи хизмат барои муқаррар намудани нафақа мувофиқи банди "а" моддаи 13 Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" ба афсарони ба хизмати ҳарбӣ аз захира ҷалбгардида бо дарназардошти ихтисоси дар муассисаҳои таълимии шаҳрвандӣ гирифтаашон, инчунин мувофиқи шарти мазкур ба занҳо-афсарони ба хизмати ҳарбӣ ҷалбгардида, ки дар захира намебошанд, вақти таълими онҳо то ҷалб гардидан ба хизмати ҳарбӣ дар муассисаҳои олии таълимоти шаҳрвандӣ ё дар муассисаҳои таълимоти миёнаи махсус, ки давраҳо ё шӯъбаи тайёрии ҳарбӣ доштанд дар ҳудуди то 5 сол, аз ҳисоби як соли таҳсил баробар бо шаш моҳи хизмат дохил мешавад. Мувофиқи ҳамин шартҳо ба собиқаи хизмат давраи таҳсил дар муассисаҳои олии таълимии шаҳрвандӣ ба афсарон, ки донишҷӯ буда, бевосита аз муассисаҳои таълимотии мазкур то хатми он барои давом додани таҳсил ба муассисаҳои таълими олии ҳарбӣ шомил шудаанд, дохил мешавад.
Ба собиқаи хизмат барои муқаррар намудани нафақа ба кормандони мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, коркунони прокурорию тафтишотии мақомоти прокуратура ва судьяҳои дорои дараҷаҳои ихтисос, вақти таҳсили онҳо то дохил шудан ба хизмат дар муассисаҳои таълимоти олии шаҳрвандӣ ё дар муассисаҳои миёнаи махсуси таълимӣ то панҷ сол аз ҳисоби як соли таҳсил баробар бо 6 моҳи хизмат ба ҳисоб гирифта мешавад ().
Ба собиқаи хизмат барои муқаррар намудани нафақа ба хизматчиёни ҳарбии мақомоти амният ва ашхоси ҳайати фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ки ба хизмат то 1 январи соли 1991 қабул шудаанд, давраи кори онҳо то қабул шудан ба хизмат, ки мувофиқи қонунгузории амалкунандаи пештара барои пардохти иловапулии фоиз барои собиқаи хизмат ба назар гурифта шудааст, дохил мешавад ().
3. Ба собиқаи хизмат барои муқаррар намудани нафақа ба хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, кормандони прокурорию тафтишотии мақомоти прокуратура ва судьяҳои дорои дараҷаҳои ихтисос, ки аз хизмат озод шудаанд, мувофиқи шартҳои имтиёзнок чунин ҳисоб карда мешавад ():
а/ як моҳи хизмат баробар бо шаш моҳ дар ҳайати доимии қисмҳои ҷаримавии армияи амалкунанда дар давраи Ҷанги Бузурги Ватанӣ;
б/ як моҳи хизмат баробар бо се моҳ:
дар қисмҳои ҳарбӣ, штабҳо ва муассисаҳои ба ҳайати армияи амалкунанда дохилшаванда, дар отрядҳои советии партизанӣ ва қисмҳо дар давраи амалиёти ҷангӣ;
дар қисмҳои ҳарбӣ, штабҳо ва муассисаҳое, ки ба ҳайати армияи амалкунанда дохил набуданд ва мақомоти корҳои дохилӣ, муассиса ва мақомоти иҷрои ҷазои ҷиноятӣ, ки дар давраи Ҷанги Бузурги Ватанӣ дар шаҳрҳои қаҳрамон Одесса - аз 10 августи то 16 сентябри соли 1941, Ленинград - аз 8 сентябри соли 1941 то 27 январи соли 1944, Севастополь - аз 5 ноябри соли 1941 то 4 июли соли 1942 ва Сталинград - аз 12 июль то 19 ноябри соли 1942 ҷойгир буданд ();
вақти бетанаффуси табобат дар Муассисаҳои табобатӣ дар натиҷаи маҷрӯҳӣ, контузия, маъюбӣ ё дучор шудан ба бемориҳо дар қисмҳои ҳарбӣ, штабҳо ва муассисаҳое, ки ба ҳайати армияи амалкунанда дохил мешаванд;
давраи, иштироки хизматчиёни ҳарбӣ /аз ҷумла хизматро мувофиқи даъват адокардагон/ инчунин ашхоси дар абзаци ёздаҳуми банди 1 қарори мазкур нишондодашуда дар амалиётҳои ҷангӣ оид ба барҳам додани ҷунбиши махфии миллатчигӣ дар ҳудуди Украина, Белоруссия, Латвия, Литва ва Эстония дар давраи аз 1 январи соли 1944 то 31 декабри соли 1951 ва ҳангоми дар ин амалиётҳо маҷрӯҳ, контузия ё маъюб шудан ва вақти бетанаффуси табобат дар муассисаҳои табобатӣ;
дар ҳайати корпуси 64 авиационии қиркунанда, ки дар амалиёти ҷангӣ дар давраи аз ноябри соли 1950 то июли соли 1953 иштирок кардаанд;
дар қисмҳои ҳарбӣ, штабҳо ва муассисаҳое, ки дар қаламрави Венгрия дар давраи амалиёти ҷангӣ дар ин мамлакат - аз 24 октябрь то 10 ноябри соли 1956 буданд ва ҳангоми дар давраи мазкур маҷрӯҳ, контузия ё маъюб шудан ва вақти бетанаффуси табобат дар муассисаҳои табобатӣ;
дар ҳолатҳое, ки армияи онҳо амалиёти ҷангӣ мегузарониданд ё ба дигар давлатҳо ёрии ҳарбӣ мерасониданд, сафари хизматии мутахассисони ҳарбии ҳайати ҳавоӣ ба ин давлатҳо новобаста аз иштироки онҳо дар амалиёти ҷангӣ дар давраи аз 1 январи соли 1961 то 31 декабри соли 1982;
дар қаламрави Ҷумҳурии Афғонистон, инчунин дигар давлатҳое, ки дар онҳо амалиёти ҷангӣ гузаронда шудааст /мувофиқи рӯйхат ва давраҳое, ки бо қарори Маҷлиси Олии Ҷумҳурии Тоҷикистон аз 7 апрели соли 1995 № 60 пешбинӣ гардидаанд/, агар хизматчиёни ҳарбӣ /аз ҷумла хизмати ҳарбӣ мувофиқи даъват/, ашхоси қаторӣ ва ҳайати фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии мақомоти прокуратура, ки дорои дараҷаҳои ихтисос буда, дар ин амалиёт иштирок намудаанд /ба ғайр аз ашхосе, ки аз хизмат ё сафари хизматӣ аз ин давлатҳо барои рафтори ношояме, ки тарафи хизматчиёни ҳарбӣ, ашхоси ҳайати қаторӣ ва фармондеҳиро доғдор мекунад, озод шудаанд ё аз маъмурият бозхост шудаанд/ ва вақти бетанаффуси табобат дар муассисаҳои табобатӣ дар натиҷаи маҷрӯҳӣ, контузия, маъюбӣ ё бемориҳо дар мамлакатҳои мазкур ();
дар корҳои вобаста бо барҳам додани натиҷаҳои фалокати Чернобыль ва пешгирӣ намудани заҳролудшавии муҳити атроф дар минтақаи бегонашуда /дар ҳудуде, ки аз он аҳолӣ дар соли 1986 кӯчонда шудааст/ дар давраи аз 26 апрели соли 1986 то 31 декабри соли 1987;
давраи иҷрои вазифаҳо оид ба нигоҳ доштани тартиботи ҳолати фавқулодда аз 23 октябри соли 1992 то 12 августи соли 1994 ();
давраи дар маҳкумияти пешакӣ будан, давраи дар маҳаллоти маҳрумияти озодӣ ва дар бадарға будани хизматчиёни ҳарбӣ /аз ҷумла онҳое, ки мувофиқи даъват хизматро адо намудаанд/, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, кормандони прокурорию тафтишотии мақомоти прокуратура ва судьяҳои дорои дараҷаҳои ихтисос, ки беасос ба ҷавобгарии ҷиноятӣ кашида шудаанд, беасос табъид /репрессия/ шудаанд ва баъд сафед карда шудаанд ();
давраи иштироки ашхоси ба ҳайати қисмҳои ҳарбигардонидашуда аз 27 апрели соли 1992 то 31 декабри соли 1993 дохилшуда дар амалиёти ҷангӣ /низоъҳо/ дар мавриди ҳимояи сохти конститутционии Ҷумҳурии Тоҷикистон;
в/ дар як моҳи хизмат баробар ба ду моҳ:
дар давраи Ҷанги Бузурги Ватанӣ дар қисмҳои ҳарбӣ, штабҳо ва муассисаҳое, ки ба ҳайати армияи амалкунанда дохил намешуданд ва мақомоти корҳои дохилӣ, муассиса ва мақомоти иҷрои ҷазои ҷиноятӣ, /ғайр аз ҳолатҳои дар абзаци сеюм ва панҷуми зербанди "б" банди мазкур нишондодашуда ();
давраи дар асирӣ будани хизматчиёни харбӣ /аз ҷумла ашхосе, ки мувофиқи даъват адои хизмат мекарданд/ дар давраи Ҷанги Бузурги Ватанӣ, агар асирӣ ихтиёрӣ набошад ва хизматчии ҳарбӣ ҳангоми дар асирӣ будан ба муқобили Ватан ҷиноят содир накарда бошад, инчунин дар ин давра бо риояи шарти мазкур дар концлагерьҳои фашистӣ ва дигар ҷойҳои нигоҳдории маҷбурӣ будани ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ();
дар кори парвоз дар авиацияи реактивӣ ва турбовинтӣ мувофиқи шартҳое, ки Вазири мудофиаи Ҷумҳурии Тоҷикистон муайян мекунад;
дар корхонаҳо ва ташкилотҳои мақомоти корҳои дохилӣ, муассиса ва мақомоти иҷрои ҷазои ҷиноятӣ мувофиқи замимаи № I ();
дар мамлакатҳое, ки армияи онҳо амалиёти ҷангӣ гузаронидаанд ё ба дигар давлатҳо ёрии ҳарбӣ расонидаанд,- мутахассисони ҳарбии ба сафари хизматӣ ба ин давлатҳо фиристодашуда /ба ғайр аз ҳайати ҳавоӣ/ новобаста аз иштироки онҳо дар амалиёти ҷангӣ дар давраи аз 1 январи соли 1961 то 31 декабри соли 1982;
дар маҳалҳои баландкӯҳ дар баландии 2500 метр ва аз ин зиёд аз сатҳи баҳр: барои хизматчиёни ҳарбӣ - аз 1 январи соли 1976, барои ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ аз 1 маи соли 1985; барои ашхоси дорои рутбаҳои махсус дар мақомоти гумрук аз 1 феврали соли 1992 ();
барои ашхоси дорои рутбаҳои махсус дар полицияи андоз аз 1 феврали соли 1996; барои ашхоси дорои рутбаҳои махсус дар Агентии назорати маводи нашъаовар аз 1 июни соли 1999 ();
дар мақомот ва муассисаҳои ислоҳии системаи иҷрои ҷазои ҷиноятӣ, ки барои нигоҳдорӣ ва табобати бемориҳои сирояткунандаи ҷазогирифтагон, ашхоси ҳайати қаторӣ ва фармондеҳии мақомоти корҳои дохилии баъди 13 августи соли 1994 ҷавобшуда пешбинӣ гардидаанд ();
г) як моҳи хизмат баробар ба якуним моҳ ():
дар маҳалҳои баландкӯҳи баландиаш 1500 то 2500 м аз сатҳи баҳр барои хизматчиёни ҳарби аз 1 апрели соли 1973, барои шахсони ҳайати катори ва фармондеҳии мақомоти корҳои дохили-аз 1 майи соли 1985;
дар маҳалҳои баландкӯҳи баландиаш аз 1000 то 1500 м аз сатҳи баҳр ва дар ҳолатҳои истиснои аз ин пасттар аз руи номгӯи қисмҳои ҳарби, ҷузъу томҳо ва муассисаҳое, ки Вазири мудофиаи Ҷумҳурии Тоҷикистон тасдиқ, мекунад - аз 1 январи соли 1988;
дар маҳалҳои Ҷумҳурии Тоҷикистон дорои шароити номусоиди иқлими ва экологи аз 1 январи соли 1988:
шаҳри Табошар, ноҳияи Айни, шаҳракҳои Адрасмон ва Олтин-Топкани вилояти Суғд;
шаҳри Сарбанд, ноҳияҳои Носири Хусрав, Қубодиён, Панҷ, Фархор, Шаҳритус ва Ёвони вилояти Хатлон;
шаҳри Турсунзода;
дар қаламрави боқимондаи Ҷумҳурии Тоҷикистон (ба ғайр аз маҳалҳои дар зербанди "в" ва сархатҳои якум, дуюм ва сеюми ҳамин банд) - аз 1 январи соли 1988 то 31 декабри соли 2004 ().
4. Муқаррар карда шавад, ки хизмати ҳарбӣ мувофиқи даъват ба сифати аскар, маллоҳ, сержант ва старшинаҳо/пештар хизмати таъҷилии ҳарбӣ/ ба ғайр аз давраҳои ба ҳисоби собиқаи хизмат мувофиқи шартҳои имтиёзнок дохилшаванда, барои хизматчиёни ҳарбии қисмҳои ҳарбӣ, штабҳо ва муассисаҳои армияи амалкунанда, хизматчиёни ҳарбӣ, ки дар давраи Ҷанги Бузурги Ватанӣ адои хизмат намудаанд ё дар асирӣ будаанд, дар корҳои барҳам додани оқибатҳои фалокати станцияи барқии атомии Чернобыль иштирок\ намудаанд ё беасос ба ҷавобгарии ҷиноятӣ кашида шуда ё табъид шудаанд, ба собиқаи хизмат барои муқаррар намудани нафақа мувофиқи ҳисоби тақвимӣ ҳисобида шавад.
Занҳое, ки мувофиқи хоҳиши худ ба хизмати ҳарбӣ ба сифати аскар, маллоҳ, сержант ва старшина /ба собиқ хизматчиёни ҳарбӣ -занҳо/, давраи хизмати дар зербандҳои "в" ва"г" банди 3 қарори мазкур нишондодашуда, ба собиқаи хизмат барои таъини нафақа мувофиқи шартҳои имтиёзноки дахлдор на пештар аз 5 августи соли 1976 ҳисоб карда мешавад.
Хизмати хизматчиёни мақомоти контрразведкаи ҳарбии Вазорати амнияти Ҷумҳурии Тоҷикистон ва шӯъбаҳои махсуси Куммтаи давлатии бехатарии собиқ ИҶШС, ки дар шароити якхелаи хизмат бо ҳайати шахсии хизматрасонии қисмҳои ҳарбӣ ва ҷузъу томҳо қарор доранд, ба собиқаи хизмат барои таъини нафақа мувофиқи шартҳои имтиёзнок ва тартиби ба хизматчиёни ҳарбии ҳамин қисмҳои ҳарбӣ ва ҷузъу томҳо муқарраргардида ҳисоб карда мешавад.
5. Ҳангоми мавҷуд будани ду ё зиёда асос барои ҳисоби собиқаи хизмат барои нафақа мувофиқи шартҳои имтиёзноки ҳамон давраи хизмат ҳисобро аз рӯи як асосе, ки имтиёзи зиёдтар медиҳад, амалӣ менамоянд.
6. Хизмати хизматчиёни ҳарби то 15 майи соли 1992 (шахсони ҳайати қатори ва фармондеҳии мақомоти корҳои дохили то 21 декабри соли 1993) дар маҳалҳои дур, маҳалҳои баландкӯҳ ва дар ноҳияҳои дорои шароитҳои номусоид, дар дигар шароитҳои махсуси хизмати (дар авиатсия, дар киштиҳои гуногун, киштиҳои Флоти ҳарбии баҳри, дар Ҷузъу томҳои махсус) дар қаламрави ҷумҳуриҳое, ки пештар ба ҳайати собиқ ИЦШС дохил мешуданд (аз он ҷумла дар қаламрави Тоҷикистон), ба собиқаи хизмати барои таъини нафақа дар асоси шартҳои мутобиқи имтиёзнок ки санадҳои қонунгузори ва дигар санадҳои меъёрии собиқ ИҶШС муқаррар кардааст (бо дарназардошти зербанди "г" банди 3-и ҳамин қарор), ба ҳисоб гирифта мешавад.
Аз 15 майи соли 1992 хизмати хизматчиёни ҳарби (аз 21 декабри соли 1993 хизмати шахсони ҳайати қатори ва фармондеҳии мақомоти корҳои дохили) берун аз ҳудуди Тоҷикистон дар қаламрави дигар давлатҳоиштирокчиёни ИДМ, дар маҳалҳои дур, баландкӯҳи дорои шароити номусоид, дар дигар шароити махсуси хизмат - ба собиқаи хизмати барои таъини нафақа ба таври имтиёзи мувофиқи қонунгузории давлатҳое, ки онҳо дар қаламравашон хизмат намуданд, то аз ҷониби ин давлатҳо қабул гардидани санадҳои қонунгузори оид ба ин масъала бошад - мувофики санадҳои муайяннамудаи қонунгузори ва дигар санадҳои меъёрии собиқ ИҶШС ба ҳисоб гирифта мешавад ().
7. Нафақаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, кормандони мақомоти гумрук, воҳидҳои полицияи андоз, воҳидҳои Агентии назорати маводи нашъаовари дорои рутбаҳои махсус, ки аз хизмат ҷавоб шудаанд, аз маблағи таъминоти пулии онҳо, ки дар банди 8 ва 9 қарори мазкур нишон дода шудааст, бо боло бурдани /индексацияи/ ин таъминоти пулӣ то рӯзи таъин ё ҳисобу китоби нафақаи онҳо ва ҷубронпулӣ ба ивази озуқаворие, ки бо тартиби пешбининамудаи банди 10 қарори мазкур муайян гардидааст, муқаррар карда шавад ().
Ҳисоби нафақаи ашхоси аз мақомоти прокуратура ва аз вазифаҳои судья озодгардидаи дорои дараҷаҳои тахассус ва инчунин аъзои оилаи онҳо мувофиқи тартиб ва шартҳои пешбининамудаи Қонуни Ҷумҳурии Тоҷикистон аз 25 июни соли 1993 № 796 "Дар бораи таъмини нафақаи шаҳрвандони Ҷумҳурии Тоҷикистон амалӣ мегардад.
8. Ба таъминоти пулӣ ҳангоми ҳисоби нафақа мувофиқи тартибе, ки банди 7 қарори мазкур пешбинӣ намудааст, дохил карда шавад:
а/ хизматчиёни ҳарбии аз хизмат ҷавобшуда /ғайр аз онҳое, ки дар зербанди "в", "г" банди мазкур нишон дода шудаанд/ - маош аз рӯи вазифаи охирин /бо дарназардошти абзаци дуюми зербанди мазкур/, маош аз рӯи рутбаи ҳарбии додашуда дар рӯзи ҷавоб шудан ва иловапулии фоизӣ барои собиқаи хизмат, ки аз ҳамин маошҳо ҳисоб карда шудааст.
Ба афсарон бо сабаби саломатӣ ё синну сол аз кори парвоз дар қувваҳои ҳавоӣ интиқолшуда, ки дар рӯзи истиқол дорои собиқаи хизмат буда, ҳуқуқи нафақаро барои собиқаи хизмат доранд, нафақа ҳангоми ҷавобшавии онҳо аз хизмати ҳарбӣ метавонад аз рӯи маоши вазифаи хизматии охиринашон то рӯзи истиқлол ёфтанашон ҳисоб карда шавад.
Бо ҳамин тартиб нафақаи афсарони дорои рутбаи полковник, ба онҳо баробар ё боло, ки аз хизмати ҳарбӣ ҷавоб шудаанд ё ба манфиати хизмат бо сабаби саломатӣ ё синну сол аз вазифае, ки онҳо на камтар аз се сол ишғол карда буданд, ба вазифаи маошаш камтар гузаронда шудаанд ва дар рӯзи гузаронидан ба вазифаи дигар дорои собиқаи хизмат буда, ҳуқуқи гирифтани нафақаро барои собиқаи хизмат доранд, ҳисоб шуда метавонад.
б/ ба ашхоси ҳайати қаторӣ ва фармондеҳии аз хизмат озодшудаи мақомоти корҳои дохилӣ, муассиса ва мақомоти иҷрои ҷазои ҷиноятӣ ё ашхосе, ки аз хизмати мақомоти гумрукӣ ва воҳидҳои полицияи андоз, воҳидҳои Агентии назорати маводи нашъаовар озод шуда, дорои рутбаҳои махсус мебошанд /ба ғайр аз нишондоди зербанди "г" банди мазкур/маош аз рӯи вазифаи охирини штатӣ /бо дарназардошти абзаци дуюми зербанди мазкур/, маош барои рутбаи махсус, ки дар рӯзи ҷавоб шудан дода шудааст ва иловапулии фоизии барои собиқаи хизмат аз рӯи ҳамин маоши ҳисобкардашуда ().
Ба ашхоси ҳайати сардории дорои рутбаҳои полковники милиция, полковники хизмати дохилӣ, полковники хизмати назорати маводи нашъаовар, полковники адлия ва болотар, ки бо қарори Вазири корҳои дохилии Ҷумҳурии Тоҷикистон, Вазири адлияи Ҷумҳурии Тоҷикистон ба кори дигар гузаронда шудаанд, инчунин ба ашхоси ҳайати фармондеҳӣ дар мақомоти гумрукӣ бо рутбаи полковники хизмати гумрукӣ ва боло, ки бо қарори Хадамоти гумруки назди Ҳукумати Ҷумҳурии Тоҷикистон барои манфиати хизмат бо сабаби саломатӣ ё синну сол аз вазифае, ки онҳо на камтар аз се сол ишғол карда буданд, ба вазифаи маошаш ками хизматӣ гузаронда шудаанд за дар рӯзи гузарондан дорои собиқаи хизмат, ки ҳуқуқи нафақаро барои собиқаи хизмат медиҳад, мебошанд, нафақа ҳангоми озод шудани онҳо аз вазифа аз рӯи маоши вазифае, ки пеш аз интиқол шуданашон ишғол карда буданд, ҳисоб карда мешавад ();
в/ ба афсарони аз хизмати ҳарбӣ озодшуда то дохил шудан ба вазифаи штатӣ баъди хатми муассисаҳои таълимоти ҳарбӣ ё даъват аз захира маоши ба онҳо муқарраргардида, маош аз рӯи рутбаи ҳарбӣ, ки дар рӯзи ҷавоб шуданашон муқаррар гардидааст ва иловапулии фоизӣ барои собиқаи хизмат, ки аз рӯи маошҳо ҳисоб карда шудааст, агар хизматчии ҳарбӣ ҳуқуқи гирифтани онро дошта бошад;
г) ба хизматчиёни ҳарби ва шахсони ҳайати фармондеҳии мақомоти корҳои дохили, мақомоти гумрук воҳидҳои политсияи андоз ва воҳидҳои Агентии назорати маводи нашъаовари назди Президенти Ҷумҳурии Тоҷикистони дорои рутбаҳои махсуси аз хизмат рухсатшуда, ки барои кор ба мақомоти олии ҳокимият ва идораи давлати, вазоратҳо, идораҳо ва ташкилотҳои ғайринизоми фиристода шуда буданд ва баробари маоши вазифави маош аз рӯи рутбаи махсус ё ҳарби ва иловапули барои собиқаи хизмати дарозмуддат мегирифтанд, инчунин ба шахсоне, ки барои кор (гузаштани хизмати ҳарби) берун аз Ҷумҳурии Тоҷикистон фиристода шуда буданду маоши худро бо асъори хориҷи мегирифтанд, маоши муқарраршуда аз рӯи вазифаи ишғолкардаи онҳо то фиристодан ба дигар мақомот ё берун аз Ҷумҳурии Тоҷикистон, маош аз рӯи рутбаи ҳарби ё махсуси то рӯзи рухсатшави додашуда ва иловапули барои собиқаи хизматии аз ҳамин маошҳо ҳисобкардашуда ();
Ба ашхосе, ки бевосита пеш аз озод шудан танҳо музди меҳнатро бо тартиб ва андозаи муқарраршуда барои кормандони мақомот, вазорату идораҳо ва ташкилоте, ки онҳо барои кор фиристода шуда буданд, маоши вазифагие, ки аз рӯи вазифаи шабеҳ барои афсарон ва ашхоси ҳайати сардории мақомоти корҳои дохилӣ, муассиса ва мақомоти иҷрои ҷазои ҷиноятӣ муқарраргардида маош аз рӯи рутбаҳои ҳарбӣ ва махсус, ки дар рӯзи озод кардан дода шудааст, ва иловапулии фоизие, ки аз рӯи ин маошҳо ҳисоб карда шудааст, гирифтаанд ().
9. Ба хизматчиёни ҳарбии аз хизмат озодшуда, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ё ашҳоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, ки пеш аз озод шудан маоши шахсии вазифагӣ ё маоши таъминоти пулии барои хизмат дар ҷойҳои дурдаст, маҳалҳои баландкӯҳ ва минтақаҳои вобаста ба иҷрои супоришҳои махсус зиёдгардидаро гирифтаанд, нафақа на аз рӯи маоши шахсӣ ё маоши зиёдгардида, балки аз рӯи маоши муқаррарӣ ҳисоб карда шавад ().
10. Ҷубронпули бар ивази хӯрокпули, ҳангоми ҳисоби нафақаи хизматчиёни ҳарби, шахсони ҳайати қатори ва фармондеҳии мақомоти корҳои дохили, шахсони дорои рутбаи махсус дар мақомоти гумрук воҳидҳои полиси андоз, воҳидҳои Агентии назорати маводи нашъаовари назди Президент Ҷумҳурии Тоҷикистон ва дигар мақомотн ҳифзи ҳуқуқи, ки аз рӯи музди меҳнат ба онҳо баробар карда шудаанд, дар ҳаҷми муқаррарнамудаи Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон" барои соли дахлдор ҳисоб карда мешавад ().
11. Муқаррар карда шавад, ки нафақаҳо барои оилаҳои хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, ки вафот кардаанд /ҳалок шудаанд/, пардохта мешавад, маблағҳои таъминоти пулии хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ва ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, ки мутобиқи он ҷудо кардани нафақа ба саробони оила, бо боло бурдани /индексацияи/ ин маблағ дар рӯзи таъини он ё ҳисобу китоби нафақа ва ҷубронпулӣ ба ивази меъёри озуқавории дар рӯзи таъини нафақа муайяншуда, ки дар банди 10 қарори мазкур пешбинӣ шудааст, ҳисоб карда мешавад ().
Дар ин маврид абзаци дуюми зербанди "а" ва абзаци дуюми зербанди "б" банди 8 қарори мазкур истифода бурда намешавад.
Ба оилаҳои нафақахӯрони фавтида аз ҳисоби хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар нафақа аз ҷамъи таъминоти пулӣ, ки дар асоси он нафақаи саробон ҳисоб карда буд, (бандҳои 7-8 қарори мазкур), бо болоравии (индексацияи) ин таъминоти пулӣ то рӯзи муқаррар намудан ва ҳисобу китоби нафақа ба оила ва дар рӯзи ҷубронпулии ба ивази озуқаворӣ (банди 10 қарори мазкур) нишондодашуда ҳисоб карда мешавад ().
Нафақа ба оилаҳои нафақахӯрони фавтида аз ҳисоби судьяҳо ва кормандони прокурорию тафтишоти мақомоти прокуратураи Ҷумҳурии Тоҷикистон, ки дорои дараҷаҳои тахассус мебошанд, мувофиқи Қонуни Ҷумҳурии Тоҷикистон аз 25 июни соли 1995 № 796 "Дар бораи таъминоти нафақаи шаҳрвандони Ҷумҳурии Тоҷикистон" ҳисоб карда мешавад.
12. Ҳангоми таъин ё аз нав барқарор кардани пардохти нафақаи хизматчиёни ҳарбии аз хизмат озодшуда, ашхоси ҳайати қаторӣ ва фармондеҳии мақомоти корҳои дохилӣ (полиция), муассиса ва мақомоти иҷрои ҷазои ҷиноятӣ дар Ҷумҳурии Тоҷикистон ва ашхоси дорои рутбаҳои махсус дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовари давлатҳои иштирокчии Иттиҳоди Давлатҳои Мустақил ва дигар давлатҳо, ки Ҷумҳурии Тоҷикистон ё собиқ ИҶШС оид ба таъминоти иҷтимоӣ қарордодҳо (созишомаҳо) бастаанд, инчунин ба оилаҳои хизматчиёни ҳарбии номбурда, ашхоси ҳайати каторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ва ашхоси дорои рутбаҳои махсус, дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовар, нафақаашон вобаста аз ҷамъи таъминоти пулии муқаррарнамудаи қонунгузории Ҷумҳурии Тоҷикистон барои категорияҳои дахлдори хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрукӣ, воҳидҳои полицияи андоз, воҳидҳои Агентии назорати маводи нашъаовари Ҷумҳурии Тоҷикистон ҳангоми вазифаи хизматии шабеҳ ва дигар шароити баробар ва ҷубронпулӣ ба ивази озуқаворие, ки мувофиқи тартиби дар бандҳои 7-11 қарори мазкур пешбинӣ шудааст, ҳисоб карда шавад ().
13. Муқаррар карда шавад, ки дар ҳолатҳои бо қонунгузорӣ пешбинигардидаи баландшавии нарху наво ё зиёд намудани таъминоти пулии хизматчиёни ҳарбӣ дар хизматбуда, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ба ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии мақомоти прокуратура, ки дорои дараҷаҳои тахассус ё ин ки баландшавии андозаи ҳадди ақали нафақаи аз рӯи синну сол, ки қонун муқаррар намудааст, мебошанд, нафақаи муқаррарнамуда бо дарназардошти Қонуни Ҷумҳурии Тоҷикистон "Дар бораи таъминоти нафақаи хизматчиёни ҳарбӣ" бо тартиби зерин аз наз баррасӣ мегардад ():
а) дар сурати баландшавии қимати ҳаёт нафақаҳои пештар муқарраршудаи хизматчиёни ҳарбии аз хизмат ҷавобшуда, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии мақомоти прокуратура, ки дорои дараҷаҳои тахассус мебошанд ва оилаҳои онҳо бо дарназардошти болоравии (индексация) арзиши нарху наво барои давраи дахлдор, ки мақомоти салоҳиятдори давлатӣ мувофиқи тартиб, андоза ва вақти муқаррарнамудаи қонунгузории Ҷумҳурии Тоҷикистон ва санадҳои меъёри Ҳукумати Ҷумҳурии Тоҷикистон дар бораи индексацияи даромади пулии шаҳрвандон муайян менамоянд, зиёд карда мешаванд ().
б) дар ҳолати баланд бардоштани таъминоти пулии хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар нафақаи хизматчиёни ҳарбии аз хизмат пештар озодшуда, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар низ аз нав баррасӣ мегарданд, агар сатҳи нафақаи пардохташаванда, бо дарназардошти баландравӣ (индексация) мувофиқи зербанди "а" банди мазкур, то баландшавии таъминоти пулӣ аз сатҳи нафақае, кӣ мувофиқи шартҳои баробар аз таъминоти пулии зиёдкардаи гурӯҳҳои дахлдори хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ва ашхоси дорои рутбаҳои махсус дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовар ҳисоб карда шудаанд, камтар бошад ().
Дар баробари ин, агар барои аз нав дида баромадан асос мавҷуд бошад, нафақаҳои пештар ба онҳо таъингардида аз рӯи меъёрҳои муқаррарнамудаи қонукгузорӣ, дар асоси маблағи таъминоти пулӣ зиёдкардашуда, ки мувофиқи тартиби пешбининамудаи бандҳои 7-12 қарори мазкур муайян карда шудааст ва арзиши якмоҳаи озуқаворӣ, ки то рӯзи зиёд кардани таъминоти пулӣ ҳисоб карда шудааст, аз нав ҳисоб карда мешаванд. Андозаи ҳадди ақали нафақа, инчунин иловапулиҳо ба нафақа ва зиёдкунии нафақа дар асоси андозаи ҳадди ақали нафақа аз рӯи синну сол, аз рӯзи муқаррарнамудаи қонунгузори оид ба аз нав ҳисоб кардани нафақаи онҳо, муайян мегардад ().
Ҳангоми дар як вақт ба вуҷуд омадани асоси дар зербандҳои "а" ва "б" банди мазкур нишондодашуда барои аз наз дида баромадани нафақае, ки баъди аз хизмат ҷавоб шудани хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ашхоси дорои рутбаҳои махсус дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовар ва оилаҳои онҳо таъмин карда шудааст, нафақа аз рӯи яке аз ин асосҳо вобаста ба он ки кадоме аз онҳо аз сатҳи нафақаи пештар муқарраршуда зиёд аст, аз наз дида баромада мешавад ().
Ҳангоми баланд бардоштани маоши категорияҳои алоҳидаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук ва воҳидҳои полицияи андоз, воҳидҳои Агентии назорати маводи нашъаовар мувофиқи тартиби танзими таъминоти пулӣ, на бо сабаби беқурбшавӣ, нафақаи категорияҳои дахлдори пештар аз хизмат озодшудаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии дорои дараҷаҳои тахассус дар мақомоти прокуратура ва оилаҳои онҳо аз рӯи банди мазкур аз нав дида баромада намешаванд ().
Ҳангоми баланд бардоштани андозаи ҳадди ақали нафақа мувофиқи синну сол аз рӯзи баланд бардоштани он, нафақаи пештар таъиншудаи хизматчиёни ҳарби, шахсони ҳайати қатори ва фармондеҳии мақомоти корҳои дохили, шахсони дорои рутбаи махсус дар мақомоти гумрук воҳидҳои полиси андоз, воҳидҳои Агентии назорати маводи пашъаовари назди Президенти Ҷумҳурии Тоҷикистон, судяҳо ва кормандони прокурорию тафтишотии дорои дараҷаҳои тахассуси, ки аз хизмати ҳарби рухсат шудаанд ва нафақаи оилаҳои онҳо, ки мутобиқи пардохтҳои иловаги ва зиёд кардани ҳадди ақал ва ё ҳаҷмҳои то ҳадди ақал бо назардошти ҳаҷми нави ҳадди ақали нафақа мувофиқи синну сол муайяншуда, ҳисоб карда шудааст, аз нав дида мешавад, агар ҳамзамон барои аз нав дида баромадани нафақаи онҳо мутобици зербанди "б"-и ҳамин банд асос набошад. Дар ин ҳолат нафақаҳои зикршуда дар асоси ҳаҷми нави ҳадди ақали нафақаи аз рӯи синну сол муқарраршуда ва бо ба ҳисоб гирифтани ҳаҷми ҷубронпули бар ивази хӯрока дар рӯзи аз нав дида баромадани нафақа, ҳисоб карда мешаванд ();
14. Дар ҳолате, ки аз нав ҳисоб кардани нафақаи пештар муқарраршуда вобаста ба баландшавии андозаи он /ҳангоми муқаррар намудани гурӯҳҳои болотари маъюбӣ, зиёд шудани собиқаи хизмат, таъини иловапулӣ ва ғайра/ нафақа ба андозаи нав, ки аз таъминоти пулии дар рӯзи мувофиқи банди 7 қарори мазкур аз наз ҳисоб кардан зиёд карда шудааст, якҷоя бо иловапулиҳои дахлдор, ки дар асоси андозаи ҳадди ақалли то ҳамон рӯз мавҷудаи нафақаи синну сол муайян карда мешаванд, аз нафақае, ки дар шароити пештара бо дарназардошти индексацияи бо зербанди "а" банди 13 қарори мазкур пешбинигардида пасттар бошад, пардохти нафақа бо андозаи пешина то барои баланд бардоштани нафақа ҳуқуқ пайдо кардани нафақахӯр нигоҳ дошта шавад.
15. Ҳангоми аз хизмат озод шудан ёрдампулии яквақта пардохта шавад:
а/ ба хизматчиёни ҳарбӣ /ғайр аз афсароне, ки хизмати ҳарбиро мувофиқи даъват гузаштаанд/ аз хизмат бо сабаби расидан ба ҳаади ниҳоии синну сол, бо сабаби саломатӣ ё тадбирҳои ташкилию штатӣ ба андозаҳои муайяннамудаи моддаи 18 Қонуни Ҷумҳурии Тоҷикистон "Дар бораи мақом /статус/, кафолатҳои иҷтимоӣ ва ҳукуқии ҳифзи хизматчиёни ҳарбӣ ва аъзои оилаҳои онҳо", бо дигар асосҳо аз хизмат озодшудагон /ғайр аз дар абзаци охирини банди мазкур қайдшуда/-40 фоизи андозҳои муқарраршуда. Ба афсарони мувофиқи даъват дар хизматбуда ҳангоми ҷавоб шудан ба захира ё истеъфо /ба ғайр аз озодшавандагон мувофиқи асосҳои дар сарсатри охирини банди мазкур нишондодашуда / ёрдампулии яквақта ба андозаи 2 музди меҳнат /абзацҳои 2 ва 4 банди 17 Қарори мазкур/ пардохта мешавад;
б) ба ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовари аз хизмат мувофиқи синну сол, беморӣ, ихтисори штатҳо ё маҳдудияти ҳолати саломатӣ озодшуда ба андозаҳои бо қарори Шӯрои Вазирони Ҷумҳурии Тоҷикистон аз 14 апрели соли 1993, № 160 муқарраргардида ();
в) пардохти ёрдампулиҳо ба кормандони воҳидҳои полицияи андоз, воҳидҳои Агентии назорати маводи нашъаовар мутобиқи қонунгузории ҷории Ҷумҳурии Тоҷикистон амалӣ мегардад ().
Ёрдампулии яквақта ба хизматчиёни ҳарбии аз хизмат озодшуда, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар барои солҳои пурраи собиқаи хизмат бе яклухткунӣ бидуни зиёд кардан пардохта мешавад. Ба собиқаи хизмат барои пардохти ёрдампулии яквақта ҳангоми аз хизмат озод шудан давраи хизмати ҳарбӣ ва хизмат дар мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар, ки дар банди 1 қарори мазкур нишон дода шудаанд, мувофиқи ҳисоби тақвимӣ ҳисоб карда мешавад ().
Дар ҳолати такроран ба хизмат таъин намудани хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар ёрдампулии яквақта ҳангоми минбаъд аз хизмат озод шудани онҳо дар асоси собиқаи умумии хизмат то рӯзи дафъаи охирин аз хизмат озод шудаш, бо дарназардошти ёрдампулиҳои ҳангоми пештар аз хизмат озодшавӣ пардохташуда (аз рӯи музди меҳнати моҳона), аммо на камтар аз андозаи музди меҳнати думоҳа (банди 17 қарори мазкур) пардохта мешавад ().
Ба хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовари аз хизмат барои иҷро накардани шарти қарордод, содир кардани рафторе, ки эътибори хизматчии ҳарбиро паст мезанад ё ашхоси ҳайати қаторӣ ва фармондеҳӣ бо сабаби гирифтани ҷазои ҷиноӣ дар шакли маҳрумият аз озодӣ ё маҳрум кардан аз рутбаи ҳарбӣ ё махсус, ёрдампулии яквақтаи пешбининамудаи банди мазкур пардохта намешавад. Инчуник ба хизматчиёни ҳарбие, ки аз хизмати ҳарбӣ бо сабаби гузаронидан ба хизмат дар мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар, ки аз ин мақомот ба хизмати ҳарбӣ даъват шудаанд, ёрдампулии яквақта пардохта намешавад ().
16. Муқаррар карда шавад, ки хизматчиёни ҳарбӣ ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар (ғайр аз нишондоди сархати дуюми банди мазкур), ки аз хизмат бо сабаи расидан ба синну соли ниҳоӣ дар хизмат будан (мувофиқи синну сол) ҳолати саломатӣ ё бо сабаби тадбирҳои ташкилию штатӣ (бо ихтисори штатҳо) бе ҳуқуқи нафақа дар баробари пардохти ёрдампулии яквақта ҳангоми аз хизмат озод шудан дар муддати як соли рӯзи аз хизмат озод шудан маош мувофиқи рутбаи ҳарбӣ ё махсус мутобиқан пардохта мешавад. Дар айни замон , агар дар муддати нишондодашуда маош аз рӯи рутбаи ҳарбӣ ё махсус ба хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовари дар хизматбуда зиёд шавад, мутобиқи андозаи ин маошҳои ба хизматчиёни ҳарбӣ, ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар пардохташаванда, то муддати як соли баъди озод шудани онҳо аз хизмат зиёд карда мешавад ().
Ба афсарон ва ашхоси ҳайати миёна, калон ва олии фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар, ки пеш аз озод шуданашон дар мақомоти ҳокимият ва идораи давлатӣ, вазоратҳои ғайринизомӣ, идора ва ташкилот кор мекарданд сархати дувоздаҳуми банди I қарори мазкур ва баъди озод шуданашон дар кори пештараашон мондаанд, инчунин афсарони мувофиқи даъват дар хизмати ҳарбӣ буда, маош мувофиқи рутбаи ҳарбӣ ва махсус дар муддати як сол аз рӯзи озод шудан аз хизмат пардохта намешавад ().
17. Ёрдампулии яквақта,ки дар банди 15 қарори мазкур пешбинӣ шудааст, ба онҳо таъин карда мешавад:
ба хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар (ғайр аз нишондоди сархати чоруми банди мазкур) - аз маоши мувофиқи вазифаи охирин ва рутбаи ҳарбӣ ё махсус дар рӯзи озод шудан аз хизмати ҳарбӣ пардохт шаванд ();
ба хизматчиёни ҳарбӣ ва ашхоси ҳайати фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, мақомоти гумрукӣ, воҳидҳои полицияи андоз, воҳидҳои Агентии назорати маводи нашъаовар, кӣ барои кор ба мақомоти олии ҳокимият ва идораи давлатӣ, вазоратҳои ӯайринизомӣ, идораю ташкилот фиристодашуда ва бевосита пеш аз озод шуданашон аз хизмати музди меҳнатро мувофиқи тартиб ва андозаи барои кормандони ин мақомот, вазорату идораҳо ва ташкилот муқарраршуда мегирифтанд, аз маоши мувофиқи вазифа дар рӯзи озод шудан аз хизмат пардохтшаванда ва ба онҳое, ки баробари маоши вазифагӣ аз рӯи рутбаи ҳарбӣ ё махсус маош мегирифтанд - аз рӯи маошҳои мазкур ().
18. Ба нафақахӯроне, ки кор намекунанд, аз ҷумлаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар ва аъзои оилаҳои онҳо ҳангоми таваллуди кӯдак ва барои дафъи аъзои фавтидаи оила, ки таҳти саробонии онҳо мебошанд, мувофиқи тартиб ва андозаи пешбининамудаи қонунгузорӣ аз рӯи суғуртаи иҷтимоӣ ёрдампулӣ дода мешавад ().
19. Ҳангоми вафоти нафақахӯр аз ҷумлаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук ва воҳидҳои полицияи андоз, воҳидҳои Агентии назорати маводи нашъаовар ва аъзои оилаи онҳо ба аъзои оилаи шахсӣ фавтида ё онҳое, ки ӯро дафн мекунанд, барои дафн ба андозаи нафақаи семоҳа /ҳиссаи нафақа/, ки нафақахӯр то рӯзи вафоташ мегирифт, ёрдампулӣ дода шавад, вале на камтар аз кӯмакпулии маросимӣ, ки қонунгузории Ҷумҳурии Тоҷикистон муайян кардааст ().
Агар нафақахӯр аз ҳисоби давлат дафн карда шуда бошад, ёрдампулӣ дода намешавад.
20. Ба оилаҳои нафақахӯрони фавтида аз ҷумлаи афсарони олирутба ва калонрутба, ашхоси ҳайати фармондеҳии олӣ ва калони мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар, ки бо сабаби ба синни нафақа расиданашон /аз рӯи синну сол/ ё бо сабаби вазъи саломатӣ бо собиқаи 25 сол ва зиёдтар аз он, аз хизмат озод карда шудаанд, новобаста аз таъини нафақа бо сабаби аз даст додани саробони оила ёрдампулии яквақта пардохта шавад: ба ҳамсари ӯ ба андозаи нафақаи семоҳаи саробон ва ба ҳар як аъзои корношоями оила ба андозаи нафақаи якмоҳаи саробон, ки то рӯзи охирини зиндагиаш мегирифт, дар сурате, ки ин оилаҳо ба гирифтани суғуртапулиҳои нисбатан зиёдтар ва ёрдампулиҳои яквақта, ки қонунгузорӣ барои оилаҳои хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, мақомоти гумрукӣ, воҳидҳои полицияи андоз, воҳидҳои Агентии назорати маводи нашъаовар, қаҳрамонони Иттифоқи Советӣ ва дорандагони ҳар се дараҷаи ордени "Шараф"-и фавтида пешбинӣ намудаанд, ҳақ надошта бошанд (
Ҳангоми муайян кардани андозаи ёрдампулии яквақта, ки дар банди мазкур пешбинӣ шудааст, ашхоси зерин ба ҳисоби аъзои оилаи ба гирифтани ёрпамлпулӣ ҳақдор шомил мешаванд: ҳамсар, новобаста аз синну сол ва коршоямӣ; фарзандони то 16-сола ё болотар аз ин синн, дар сурате, ки онҳо то 18-солагӣ маъюб шудаанд ё вақти фавти саробон талабаи муассисаҳои маълумоти умумӣ буда ба синни 23-солагӣ нарасида бошанд; волидайни шахси фавтида, ки дастнигари ӯ буда, ба синни: мард-60 сола, зан-55 сола расидаанд ё маъюб ҳастанд.
21. Ба ҳамсарҳои нафақахӯрони фавтида аз ҷумлаи ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар, ки ба сабаби аз даст додани саробони оила /ба номи худашон ё ба номи фарзандонашон/ нафақа намегиранд, ёрдампулии яквақта ба андозаи нафақаи якмоҳаи саробон, қи то рӯзи охирини зиндагиаш мегиранд, пардошта шавад, дар сурате, ки онҳо ба гирифтани суғуртапулиҳои нисбатан зиёдтар ва ё ёрдампулиҳои яквақта аз тарафи қонунгузорӣ барои оилаҳои хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, мақомоти гумрук, воҳидҳои полицияи андоз, воҳидҳои Агентии назорати маводи нашъаовар, қаҳрамони Иттифоқи Советӣ ва дорандагони ҳар се дараҷаи ордени "Шараф"-и фавтида пешбинишуда ёрдампулии яквақта мутобиқи банди 20 қарори мазкур ҳак надошта бошанд ().
22. Муқаррар карда шавад, ки нафақа ва ёрдампулиҳои дар ҳамин қарор пешбинишуда (ба ғайр аз онҳое, ки дар бандҳои 15, 16 нишон дода шудаанд), инчунин дигар ёрдампулиҳо ва ҷубронпулиҳои барои категорияҳои мазкур пешбининамудаи қонунгузорӣ аз ҳисоби маблағҳое пардохта мешаванд, ки аз буҷети Ҷумҳурии Тоҷикистон бо тартиби мутамарказ ҷиҳати таъмини нафақаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар ва оилаҳои онҳо ҷудо карда мешавад ().
Муқаррар карда шавад, ки ёрдампулии яквақтаи дар банди 15 ҳамин қарор пешбинишуда, бояд аз ҳисоби маблағҳои вазорату идораҳо ва ташкилот, мақомоти ҳокимияти давлатӣ ва идорае пардохта шавад, ки хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар пеш аз озод шуданашон дар он ҷойҳо хизмат ё кор кардаанд. Пардохти маош аз рӯи рутбаи ҳарбӣ ё махсус (банди 16 ҳамин қарор) дар тӯли як соли баъд аз хизмат озод шудан аз ҳисоби маблағҳои Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Раёсати корҳои ислоҳии Вазорати адлияи Ҷумҳурии Тоҷикистон, Вазорати амнияти Ҷумҳурии Тоҷикистон, Гвардияи миллии Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон - мутобиқи категорияҳои мансубияти хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, гумрук, воҳидҳои полицияи андоз, воҳидҳои Агентии назорати маводи нашъаовар дар мавриди таъмини нафақаи онҳо сурат мегирад ().
23. Муқаррар карда шавад, ки таъмини нафақаи иштирокчиёни амалиёти ҷангӣ ҳангоми ҳимояи сохти конститусионии Ҷумҳурии Тоҷикистон ва дар давраи иҷрои супоришот дар мавриди дастгирии режими вазъияти фавқулодда аз ҷумлаи хизматчиёни ҳарбӣ,* ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ ва оилаҳои онҳо мувофиқи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" сурат мегирад ().
--------------------------------
* - таъмини нафақаи иштирокчиёни амалиёти мазкур - ҷумлаи хизматчиёни ҳарбие, ки хизмати ҳарбиро дар асоси даъват ва сифати аскар, маллоҳ, сержант ва старшинаҳо (пештар - хизмати ҳақиқии ҳарбӣ) ва ӯҳдадориҳои ҳарбӣ эҳтиёт, ки ҷамъомадҳои ҳарбиро гузаштанд, мувофиқи Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" сурат мегирад .
24. Муқаррар карда шавад, ки маблағҳо барои пардохти нафақаи ёрдампулӣ (ғайр аз ёрдампулие, ки дар моддаи 15 қарори мазкур зикр гардидааст) ба нафақахӯрон аз ҷумлаи хизматчиёни ҳарбие, ки аз қисмҳои ҳарбии ба Кувваҳои Мусаллаҳи Ҷумҳурии Тоҷикистон ва Вазорати амнияти Ҷумҳурии Тоҷикистон дахлнадошта озод шудаанд ва аъзои оилаҳои онҳо аз буҷети ҷумҳуриявии Ҷумҳурии Тоҷикистон бевосита ба Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Раёсати корҳои ислоҳии Вазорати адлияи Ҷумҳурии Тоҷикистон, Вазорати амнияти Ҷумҳурии Тоҷикистон, Гвардияи миллии Ҷумҳурии Тоҷикистон, Вазорати ҳолатҳои фавқулодда ва мудофиаи граждании Ҷумҳурии Тоҷикистон дода мешавад, ки ба зиммаи онҳо мувофиқи қонунгузорӣ амалӣ намудани таъминоти нафақаи хизматчиёни ҳарбие, ки хизмати ҳарбиро дар қисмҳои ҳарбӣ дахлдор мегузаранд ва аъзои оилаҳои онҳо гузошта шудааст ().
25. Ба мақсади иҷрои моддаи 56 Қонуни Ҷумҳурии Тоҷикистон "Дар бораи таъминоти нафақаи хизматчиёни ҳарбӣ" Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати амнияти Ҷумҳурии Тоҷикистон, Гвардияи Президенти Ҷумҳурии Тоҷикистон, Вазорати адлияи Ҷумҳурии Тоҷикистон, Кумитаи оид ба ҳолатҳои фавқулодда ва корҳои мудофиаи граждании назди Ҳукумати Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон, Прокуратураи Ҷумҳурии Тоҷикистон, Саридораи полицияи андози Кумитаи андози назди Ҳукумати Ҷумҳурии Тоҷикистон бо иштироки Вазорати молияи Ҷумҳурии Тоҷикистон ва бо мувофиқаи Бонки амонатии Ҷумҳурии Тоҷикистон то 1 апрели соли 1996 гузариши тадриҷиро бо пардохти нафақа ба нафақахӯрон аз ҷумлаи хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони прокурорию тафтишотии дорои дараҷаи ихтисос ва аъзои оилаҳои онҳо аз ҷониби мақомоти ҳарбӣ нафақа ба воситаи муассисаҳои (филиалҳои) Бонки амонатӣ ва корхонаҳои алоқа амалӣ менамояд. Дар баробари ин ҳамчунин масъалаи такмили сохтори ташкилию штатии мақомоти нафақаи Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати амнияти Ҷумҳурии Тоҷикистон, Гвардияи Президенти Ҷумҳурии Тоҷикистон, Вазорати адлияи Ҷумҳурии Тоҷикистон, Кумитаи оид ба ҳолатҳои фавқулодда ва корҳои мудофиаи граждании назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Прокуратураи Ҷумҳурии Тоҷикистон, Саридораи полицияи андози Кумитаи андози назди Ҳукумати Ҷумҳурии Тоҷикистон ва мутобиқан зиёд намудани шумораи ҳайати шахсии мақомот барои амалӣ намудани пардохти нафақа баррасӣ гардад ().
26. Муқаррар карда шавад, ки хизматчиёни ҳарбӣ, ашхоси ҳайати қаторӣ ва фармондеҳии мақомоти корҳои дохилӣ, муассиса ва мақомоти иҷрои ҷазои ҷиноятӣ, ашхоси дорои рутбаҳои махсус дар мақомоти гумрук, воҳидҳои полицияи андоз, воҳидҳои Агентии назорати маводи нашъаовар, судьяҳо ва кормандони дорои дараҷаҳои тахассуси прокурорию ва тафтишоти мақомоти прокуратура, аъзои оилаҳои онҳо, ки ҳуқуқи гирифтани нафақаро мувофиқи Қонуни қабулгардидаи Ҷумҳурии Тоҷикистон "Дар бораи таъмини нафақаи хизматчиёни ҳарбӣ" ба даст овардаанд, нафақа танҳо аз рӯзи татбиқи қонун таъин мегардад ().
27. Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати амнияти Ҷумҳурии Тоҷикистон, Гвардияи Президенти Ҷумҳурии Тоҷикистон, Кумитаи оид ба ҳолатҳои фавқулодда ва корҳои мудофиаи граждании назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Саридораи полицияи андози Кумитаи андози назди Ҳукумати Ҷумҳурии Тоҷикистон, Прокуратураи Ҷумҳурии Тоҷикистон якҷоя бо Вазорати адлияи Ҷумҳурии Тоҷикистон вобаста ба қабули қарори мазкур то 1 маи соли 1996 рӯйхати санадҳои қонунгузорӣ ва меъёрии Ҷумҳурии Тоҷикистонро, ки бе эътибор гардидаанд, таҳия намояд ().
28. Амалии қарори мазкур ба судьяҳое, ки мутобиқи моддаи 19 Қонуни конститутсионии Ҷумҳурии Тоҷикистон "Дар бораи судҳои Ҷумҳурии Тоҷикистон" ба истеъфо баромаданду кӯмакпулии ҳармоҳаи умр бод мегиранд, паҳн намегардад ().
29. Қарори мазкур аз рӯзи қабули Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" амалӣ гардад.
Раиси
Ҳукумати Ҷумҳурии Тоҷикистон Э. Раҳмонов
аз 18 июли соли 1996, № 332
ш. Душанбе
Бо қарори Ҳукумати
Ҷумҳурии Тоҷикистон
аз 18 июли соли 1996, № 332
РӯЙХАТИ корхонаю ташкилотҳое, ки хизмати ашхоси ҳайати қаторӣ ва Кумондонии мақомоти корҳои дохилӣ, муассиса ва мақомоти иҷрои ҷазои ҷиноятӣ дар онҳо то 1 январи соли 1970 ба собиқаи кор барои таъини нафақаи имтиёзнок - як моҳи хизмат ба ду моҳ ҳисоб карда мешавад
Дар системаи Дольстрои ВКД собиқ Иттиҳоди Шӯравӣ дар давраи аз 29 октябри соли 1945 (дар халичи Ванино аз 17 феврали соли 1947) то 18 марти соли 1953 барои ашхоси ҳайати қаторӣ ва Кумондонии Вазорати металлҳои рангаи собиқ Иттиҳоди Шӯравӣ то рухсат шуданашон аз кадрҳои корҳои дохилӣ, аммо на дертар аз 31 декабри соли 1954.
Дар ҳавзаи ангишти Печора ва комбинати Ухтинск - дар давраи аз 30 декабри соли 1945 то мӯҳлатҳои: дар қаламрави мансуб ба ноҳияҳои Шимоли Дур ва минтақаҳои ба онҳо баробаркардашуда мансуб нестанд то рӯзи қатъи имтиёзот, аммо на дертар аз 1 июли соли 1959.
Дар сохтмон ва истифодабарии шоҳроҳи оҳанӣ Шимоли Печора - дар давраи аз 29 апрели соли 1946 то мӯҳлатҳои зерин: дар қаламрави мансуб ба ноҳияҳои Шимоли Дур ва минтақаҳои ба онҳо баробаркардашуда то рӯзи қатъи амали имтиёзот, аммо на дертар аз 1 январи соли 1970 (аз таърихи зикршуда дертар - танҳо аз қаламрави шимолтар аз Доираи қутби ҷойгиршуда) ва дар қаламравие, ки ба ноҳияи Шимоли Дур ва минтақаҳои ба онҳо баробаркардашуда мансуб нестанд, - то рӯзи қатъи амали имтиёзот, аммо на дертар аз 1 июли соли 1959.
Дар комбинати Норильск аз 1 июни соли 1946.
Дар сохтмони иншооти № 501 ва идораи Шимолии сохтмони роҳи оҳан дар давраи аз 22 апрели соли 1947 то 18 марти соли 1953 ва барои ашхоси ҳайати қаторӣ ва қумондоние, ки корро дар сохтмони иншооти № 501 ва идораи Шмолии сохтмони роҳи оҳан давом додаанд, то рӯзи рухсат шуданашон кадрҳои корҳои дохилӣ, аммо на дертар аз 31 декабри соли 1954. Дар сохтмони иншооти № 503 - дар давраи аз 14 апрели соли 1948 то 18 марти соли 1953 барои ашхоси ҳайати қаторӣ ва қумондоние, ки корро дар сохтмони иншооти № 503 давом додаанд то рӯзи рухсат шуданашон аз кадрҳои корҳои дохилӣ, аммо на дертар аз 31 декабри соли 1954.
