Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар бандҳои 8) ва 11) Намудҳои воситаҳои махсуси ҳимояи шахсӣ, алоқа ва огоҳонӣ аз хавфу хатар, ки ба шахси ҳимояшаванда дода мешаванд ва тартиби додани онҳо, ки бо қарори Ҳукумати Ҷумҳурии Тоҷикистон аз 2 ноябри соли 2011, № 538 "Оид ба тасдиқи Намудҳои воситаҳои махсуси ҳимояи шахсӣ, алоқа ва огоҳонӣ аз хавфу хатар, ки ба шахси ҳимояшаванда дода мешавад ва тартиби додани онҳо" тасдиқ шудааст, баъд аз калимаи "муфаттиш," калимаҳои "роҳбари мақомоти амаликунандаи фаъолияти оперативӣ-ҷустуҷӯӣ," илова карда шавад.

2. Дар банди 3 Тартиби ҳимояи маълумот оид ба амалӣ намудани ҳимояи давлатии иштирокчиёни мурофиаи судии ҷиноятӣ, ки бо қарори Ҳукумати Ҷумҳурии Тоҷикистон аз 1 марти соли 2012, № 101 "Дар бораи тасдиқ намудани Тартиби ҳимояи маълумот оид ба амалӣ намудани ҳимояи давлатии иштирокчиёни мурофиаи судии ҷиноятӣ" тасдиқ шудааст, баъд аз калимаи "таҳқиқбаранда," калимаҳои "роҳбари мақомоти амаликунандаи фаъолияти оперативӣ-ҷустуҷӯӣ," илова карда шавад.

3. Дар банди 2 Тартиб ва андозаи пардохти ёрдампулии яквақта ба иштирокчиёни мурофиаи судии ҷиноятӣ, ки нисбати онҳо чораҳои дастгирии иҷтимоӣ татбиқ карда мешаванд, ки бо қарори Ҳукумати Ҷумҳурии Тоҷикистон аз 30 июни соли 2012, № 339 "Дар бораи тасдиқи Тартиб ва андозаи пардохти ёрдампулии яквақта ба иштирокчиёни мурофиаи судии ҷиноятӣ, ки нисбати онҳо чораҳои дастгирии иҷтимоӣ татбиқ карда мешаванд" тасдиқ шудааст, баъд аз калимаҳои "ё тафтишот," калимаҳои "роҳбари мақомоти амаликунандаи фаъолияти оперативӣ-ҷустуҷӯӣ," илова карда шавад.