Бо қарори Ҳукумати
Ҷумҳурии Тоҷикистон
аз 15 майи соли 1999 № 218
тасдиқ шудааст
ҚОИДАҲОИ ИҚОМАТИ ШАҲРВАНДОНИ ХОРИҶӢ ДАР ҶУМҲУРИИ ТОҶИКИСТОН
1. МУҚАРРАРОТИ УМУМӢ
1. Қоидаҳои мазкур мутобиқи Конститутсияи Ҷумҳурии Тоҷикистон, Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" таҳия шудаанд ва тартиби :
а/ ба Ҷумҳурии Тоҷикистон омадан ва аз Ҷумҳурии Тоҷикистон рафтани шаҳрвандони хориҷӣ;
б/ ба расмиятдарории асноди ҳуқуқии истиқомат дар Ҷумҳурии Тоҷикистон барои шаҳрвандони хориҷӣ, ки дар Ҷумҳурии Тоҷикистон ба таври муваққатӣ иқомат доранд;
в/ ба шаҳрвандони хориҷӣ додани иҷозати сукунати доимӣ ва гувоҳномаҳои иқомат дар Ҷумҳурии Тоҷикистон;
г/ дар ҳудуди Ҷумҳурии Тоҷикистон аз як ҷо ба ҷои дигар рафтани шаҳрвандони хориҷӣ ;
д/ барои вайрон кардани Қоидаҳои иқомат, тамдид ва ихтисори мӯҳлатҳои иқомат ба ҷавобгарӣ кашидан, ҳамчунин аз Ҷумҳурии Тоҷикистон рондани шаҳрвандони хориҷиро муайян мекунанд.
Таъсири Қоидаҳои мазкур ашхоси бетабаъиятро низ фаро мегирад, агар қонунгузории Ҷумҳурии Тоҷикистон чизи дигареро пешбинӣ накарда бошад.
2. Шаҳрвандони хориҷие, ки дар Ҷумҳурии Тоҷикистон муваққатан иқомат доранд, бо интихоби худ, баъди огоҳ намудани ташкилотҳои қабулкунанда, намояндагиҳои доимии хориҷӣ, ҳамчунин ашхосе, ки онҳоро бо корҳои хусусӣ ба Ҷумҳурии Тоҷикистон даъват намудаанд, дар меҳмонхонаҳо ё дигар навъи манзил /сарфи назар аз мансубияти онҳо ба ин ё он намуди фонди манзил/ истиқомат мекунанд.
Ташкилотҳо ва ашхоси қабулкунанда, ки шаҳрвандони хориҷиро ба Ҷумҳурии Тоҷикистон даъват кардаанд, бақайдгирии онҳоро дар давоми 10 рӯзи корӣ дар мақомоти корҳои дохилии ҷои зисти шаҳрвандони хориҷӣ анҷом медиҳанд .
Ҳангоми иваз намудани ҷои зист аз тарафи шаҳрвандони хориҷӣ, ташкилотҳо ва ашхоси қабулкунандае, ки онҳоро даъват кардаанд, дар мӯҳлати се рӯз ба мақомотҳои корҳои дохилӣ дар бораи иваз намудани ҷои истиқомати шаҳрвандони хориҷӣ хабар мерасонанд.
Шаҳрвандони давлатҳое, ки дар замима ба Қоидаҳои мазкур нишон дода шудаанд, аз бақайдгирии ҳуҷҷатҳои тасдиқкунандаи шахсият дар мақомоти корҳои дохилӣ мутобиқи усули мутақобила ба мӯҳлатҳои дар замимаи номбурда пешбинигардида озод карда мешаванд ().
3. Шаҳрвандони хориҷие, ки дар Ҷумҳурии Тоҷикистон иқомат доранд, вазифадоранд, ки бо худ шиносномаҳои боэътибори хориҷӣ ё асноди онҳоро ивазкунанда, ки бо тартиби муқаррарнамудаи ҳамин Қоидаҳо ба қайд гирифта шудаанд, дошта бошанд ва онҳоро бо талаби намояндагони мақомоти босалоҳият пешниҳод намоянд.
Дар бораи гум шудани шиносномаи хориҷӣ шаҳрванди хориҷӣ бояд бетаъхир ба ташкилоти қабулкунанда ва шахсе, ки ӯро даъват кардааст, хабар диҳад, ки онҳо дар ин бобат мақомоти корҳои дохилиро хабардор созанд. Мақомоти корҳои дохилӣ дар бораи гум шудани шиноснома тасдиқномаи дахлдор медиҳанд.
4. Ташкилотҳои қабулкунанда ба шаҳрвандони хориҷӣ сари вақт фаҳмондани ҳуқуқ ва ӯҳдадориҳои аз ҷониби Қоидаҳои мазкур пешбинишуда, иҷрои дақиқи меъёрҳои ҳуқуқии нисбат ба шаҳрвандони хориҷӣ муқарраршударо таъмин намуда, ҳамчунин барои сари вақт ба расмият даровардани асноди иқомати онҳо дар Ҷумҳурии Тоҷикистон, дар ҳудуди Ҷумҳурии Тоҷикистон аз як ҷо ба ҷои дигар рафтан ва баъди ба охир расидани мӯҳлати муайяншудаи иқомат аз Ҷумҳурии Тоҷикистон рафтани онҳо масъулият доранд .
Дар ҳолатҳое, ки шаҳрвандони хориҷӣ бо даъвати як ташкилот омада бошанд, ташкилоти дигар ҳуқуқ дорад ӯро дар Ҷумҳурии Тоҷикистон бо роҳи худ қабул намояд ва нисбати ин шаҳрванд ӯҳдадориҳо ва масъулияте, ки бо сархати якуми банди мазкур пешбинӣ шудааст, амалӣ гардонад.
5. Ашхосе, ки шаҳрвандони хориҷиро ба Ҷумҳурии Тоҷикистон бо корҳои хусусӣ даъват кардаанд ва онҳоро бо манзил таъмин намудаанд, вазифадоранд, ки дар мавриди бақайдгирии саривақтии шиносномаҳои хориҷии ин шаҳрвандон тадбирҳо андешанд ва баъди хатми мӯҳлати муайяншудаи иқомат ба рафтани онҳо аз Ҷумҳурии Тоҷикистон мусоидат намоянд.
Аз тарафи ашхоси мазкур ба шаҳрвандони хориҷӣ пешниҳод карда шудани манзил, воситаҳои нақлиёт ё расонидани хизматҳо дар ҳолатҳое, ки боиси дидаву дониста вайрон шудани ҳамин Қоидаҳо мегарданд, мумкин нест.
6. Назорат аз болои риоя гардидани талаботи ҳамин Қоидаҳоро Вазорати корҳои хориҷии Ҷумҳурии Тоҷикистон дар ҳамкории муштарак бо мақомоти амният ва корҳои дохилӣ ба роҳ мемонад ().
7. Мувофиқи моддаи 33 ва 34 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" Қоидаҳои мазкур қонунгузории муқарраргардидаи Ҷумҳурии Тоҷикистон ва шартномаҳои байналмилалии Ҷумҳурии Тоҷикистон имтиёз ва масунияти сарон ва кормандони намояндагиҳои дипломатӣ ва консулгарӣ ва ашхоси хориҷие, ки ба онҳо баробар карда шудаанд, иқомати намояндагиҳои дипломатӣ ва муассисаҳои консулгарии давлатҳои хориҷӣ дар Ҷумҳурии Тоҷикистон, инчунин аъзоёни оилаи онҳоро дархурд намекунад ().
II. ОМАДАНИ ШАҲРВАНДОНИ ХОРИҶӢ БА ҶУМҲУРИИ ТОҶИКИСТОН ВА РАФТАНИ ОНҲО АЗ ҶУМҲУРИИ ТОҶИКИСТОН
8. Омадани шаҳрвандони хориҷӣ ба Ҷумҳурии Тоҷикистон ва рафтани онҳо аз Ҷумҳурии Тоҷикистон аз тариқи гузаргоҳҳои сарҳади давлатӣ, ки барои робитаи байналмилалӣ кушода шудаанд, бо шиносномаҳои хориҷии дорои эътибор ё асноди онҳоро ивазкунанда ва ашхоси бетабаъият - бо асноди дорои эътиборе, ки аз тарафи мақомоти босалоҳияти кишвари зисти доимии онҳо дода шудаанд ва шахсияти онҳоро тасдиқ мекунанд, ба шарте, ки агар дар созишномаи бо кишвари дахлдор имзонамудаи Ҷумҳурии Тоҷикистон тартиби дигари омаду рафт муқаррар нашуда бошад, дар сурати мавҷуд будани раводидҳои дахлдор сурат мегирад ().
Ашхоси бетабаъияте, ки дар Ҷумҳурии Тоҷикистон ба тарви доимӣ сукунат доранд, барои истиқомати доимӣ ба хориҷа бо раводидҳои рафт метавонанд ().
9. Раводидҳои омад ба Ҷумҳурии Тоҷикистон (омад) ва раводидҳои омад ба Ҷумҳурии Тоҷикистон - рафт аз Ҷумҳурии Тоҷикистон (омаду рафт) ба шаҳрвандони хориҷӣ аз тарафи Вазорати корҳои хориҷӣ, сохторҳои дар хориҷа будаи он, инчунин сафоратхонаву муассисаҳои консулии давлатҳои хориҷие, ки бо онҳо Ҷумҳурии Тоҷикистон шартномаи дахлдор бастааст ва дар асоси дархостҳои намунаи муқарраршудаи раводид, ки Вазорати корҳои хориҷии Ҷумҳурии Тоҷикистон тасдиқ кардааст, дода мешавад ().
10. Раводидҳои рафт аз Ҷумҳурии Тоҷикистон /рафт/ ва раводидҳои рафт аз Ҷумҳурии Тоҷикистон - омад ба Ҷумҳурии Тоҷикистон /рафту омад/ ба шаҳрвандони хориҷӣ дар ҳудуди Ҷумҳурии Тоҷикистон аз ҷониби Вазорати корҳои хориҷии Ҷумҳурии Тоҷикистон дода мешаванд (.
Дар раводидҳое, ки аз тарафи Вазорати корҳои хориҷии Ҷумҳурии Тоҷикистон дода мешаванд, бояд ҳатман мақсади сафар ва номи ташкилоти қабулкунанда ва дар раводиди аз ҷониби ашхоси хусусӣ даъватшудагон бошад мақсади сафар ҳатман зикр гардад ().
11. Бо хоҳиши ташкилотҳои қабулкунанда ба шаҳрвандони хориҷӣ раводидҳои бисьёркаратаи омад ба Ҷумҳурии Тоҷикистон ва рафт аз Ҷумҳурии Тоҷикистон дода мешаванд. Тартиби додани раводидҳои бисьёркарата аз тарафи Вазорати корҳои хориҷӣ муайян карда мешавад ().
12. Барои раводидҳои омад ба Ҷумҳурии Тоҷикистон ва рафт аз Ҷумҳурии Тоҷикистон ва тамдиди мӯҳлати эътибори онҳо асноди зайл асос мебошанд ():
- барои шаҳрвандони хориҷие, ки ба Ҷумҳурии Тоҷикистон бо роҳи ташкилотҳои қабулкунанда ва намояндагиҳои доимии хориҷӣ меоянд, - муроҷиати хаттии ин ташкилот ва намояндагиҳо;
- барои шаҳрвандони хориҷие, ки ба Ҷумҳурии Тоҷикистон бо даъвати ашхоси хусусӣ ё ҷиҳати зисти доимӣ меоянд, ҳамчунин барои шаҳрвандони хориҷие, ки дар Ҷумҳурии Тоҷикистон ба таври доимӣ сукунат доранд, ҳангоми сафар ба хориҷа бо корҳои хусусӣ ё ҳангоми рафтан ҷиҳати зисти доимӣ - иҷозатномаи мақомоти корҳои дохилӣ, ки дар асоси аризаи шаҳрвандони мазкур дода мешаванд.
13. Омад ба Ҷумҳурии Тоҷикистон ва рафт аз Ҷумҳурии Тоҷикистон аз рӯи асосҳои аз ҷониби қонунҳо ва дигар асноди меъёрӣ муқаррар гардида, ки дар ҳудуди Ҷумҳурии Тоҷикистон амал мекунанд, метавонад манъ карда шаванд .
14. Дар ҳолати гум шудани шиносномаҳои хориҷӣ ё ҳуҷҷатҳое, ки онҳоро иваз мекунанд, ё ин ки раводидҳо, шаҳрвандони хориҷие, ки бо корҳои хусусӣ ба Ҷумҳурии Тоҷикистон омадаанд ё ба таври доимӣ дар Ҷумҳурии Тоҷикистон сукунат доранд, дар ин бобат бетаъхир ба мақомоти корҳои дохилӣ ва онҳое, ки дар Ҷумҳурии Тоҷикистон бо мақсадҳои дигар будубош доранд, ба ташкилотҳои қабулкунанда хабар медиҳанд. Аз рӯи аризаҳои дахлдори хаттии шаҳрвандон ва муроҷиатҳои ташкилотҳо Вазорати корҳои хориҷии Ҷумҳурии Тоҷикистон масъалаи ба шаҳрвандони хориҷӣ додани раводидҳои рафт аз Ҷумҳурии Тоҷикистонро ҳаллу фасл мекунад ().
III. БА РАСМИЯТ ДАРОВАРДАНИ АСНОДИ ШАҲРВАНДОНИ ХОРИҶӢ, КИ ДАР ҶУМҲУРИИ ТОҶИКИСТОН БА ТАВРИ МУВАҚҚАТӢ ИҚОМАТ ДОРАНД
15. Шаҳрвандони хориҷӣ, ки дар ҳудуди Ҷумҳурии Тоҷикистон ба таври муваққатӣ ҳузур доранд, бо шиносномаҳои хориҷие, ки бо тартиби муқарранамудаи ҳамин Қоидаҳо ба қайд гирифта шудаанд, истиқомат мекунанд. Шиносномаҳои хориҷӣ ҷиҳати бақайдгирӣ баъди расидан ба нуқтаи таъиншуда дар давоми 10 рӯзи корӣ пешниҳод карда мешаванд .
16. Шиносномаҳои хориҷии ашхоси зайл ба қайд гирифта намешаванд:
а/ роҳбарони давлатҳо ва ҳукуматҳои кишварҳои хориҷӣ, аъзои ҳайатҳои парламентӣ ва ҳукуматӣ, ки ба Ҷумҳурии Тоҷикистон бо даъвати Президенти Ҷумҳурии Тоҷикистон, Маҷлиси Олии Тоҷикистон, Ҳукумати Ҷумҳурии Тоҷикистон омадаанд, персонали техникии ин ҳайатҳо, аъзои оилаҳои ашхоси мазкур;
б/ ашхосе, ки ба Ҷумҳурии Тоҷикистон бо шиносномаҳои аз тарафи Созмони Миллали Муттаҳид дода шуда омадаанд;
в/ шаҳрвандони хориҷие, ки ба синни 16 нарасидаанд;
г/ шаҳрвандони хориҷие, ки ба Ҷумҳурии Тоҷикистон дар рӯзҳои ид ва истироҳат ё ба мӯҳлати то 10 рӯзи корӣ омадаанд ва онҳое, ки аз Ҷумҳурии Тоҷикистон дар давоми ин рӯзҳо мераванд ;
д/ туристҳои хориҷӣ, ки круиз анҷом медиҳанд;
е/ аъзои экипажи тайёраҳои ҳарбии хориҷӣ, ки ба Ҷумҳурии Тоҷикистон бо тартиби муқарраршуда омадаанд.
Дар ҳудуди Ҷумҳурии Тоҷикистон аз як ҷо ба ҷои дигар рафтани аъзои экипажҳои тайёраҳои ҳарбӣ бо иҷозати сардори масъули гарнизон мувофиқи нақшаи қабули тайёраҳои ҳарбии омада сурат мегирад ;
ж/ ашхосе, ки ба ҳайати экипажҳои тайёраҳои мулкии хатҳои ҳавоии байналмилалӣ дохил мешаванд, ҳангоми будубоши онҳо дар майдони ҳавоии дар ҷадвали амалкунандаи ҳаракат нишондодашуда ();
з/ ашхосе, ки ба ҳайати экипажҳои воситаҳои нақлиёти автомобилии хориҷӣ дохил мешаванд, ҳангоми интиқоли борҳо ва мусофирон бо хатти сайри байналмилалӣ дар вақти будубоши онҳо дар шаҳрҳо ва маҳалҳои аҳолинишини хатти сайр, аз ҷумла дар маҳалҳои таъиншудаи бор ва мусофиркашонӣ ().
17. Шиносномаҳои хориҷии ашхоси зайл дар Вазорати корҳои хориҷии Ҷумҳурии Тоҷикистон ба қайд гирифта мешаванд:
а/ роҳбарони намояндагиҳои дипломатии хориҷӣ ва консулгариҳо, аъзои персонали дипломатӣ, ашхоси мансабдори консулгариҳо, персонали маъмурӣ, текникӣ ва хизматрасони намояндагиҳои дипломатӣ ва консулгариҳо, кормандони дастгоҳи атташеи ҳарбӣ ва намояндагиҳои тиҷоратӣ ва ҳамсарҳо, фарзандон, хешу табори онҳо, ки таҳти сарпарастии ашхоси зикршуда қарор доранд, ҳамчунин меҳмонони роҳбарони намояндагиҳои дипломатии хориҷӣ ва консулгариҳо, ба шарте, ки агар меҳмонони мазкур дар қароргоҳи онҳо ё дар ҳудуди намояндагиҳо ва муассисаҳои мазкур иқомат дошта бошанд;
б/ кормандони идораҳои корҳои хориҷии давлатҳои хориҷӣ, ки ба Ҷумҳурии Тоҷикистон бо корҳои хизматӣ омадаанд ва шиносномаҳои дипломатӣ ё хизматӣ доранд ва аъзои оилаҳои онҳо;
в/ ашхоси мансабдори ташкилотҳои байналмилалӣ, кормандони намояндагиҳои ташкилотҳои мазкур дар Ҷумҳурии Тоҷикистон, ки бо корҳои хизматӣ ба Ҷумҳурии Тоҷикистон омадаанд, ҳамчунин кормандони намояндагиҳои кишварҳо дар ташкилотҳои байналмилалӣ, ки дар Ҷумҳурии Тоҷикистон қароргоҳ доранд ва мутобиқи асноди оинномавии ташкилотҳои зикршуда ё шартномаҳои байналмилалии дахлдор аз имтиёзҳои дипломатӣ истифода мебаранд, ҳамчунин аъзои оилаҳои онҳо ();
г/ хабарнигорони хориҷӣ аз тарафи Вазорати корҳои хориҷии Ҷумҳурии Тоҷикистон ба қайд гирифта шудаанд.
Вазорати корҳои хориҷии Ҷумҳурии Тоҷикистон ва намондагиҳои он ба ашхоси зикршуда варақаҳои дипломатию хизматӣ ё консулӣ медиҳанд ё бевосита дар шиносномаҳои хориҷии онҳо, ё асноди ивазкунандаи ин шиносномаҳо дар бобати бақайдгирӣ сабт мегузоранд.
Шиносномаҳои хориҷии ашхоси дар ҳамин банд зикршуда дар меҳмонхонаҳо ва мақомоти корҳои дохилӣ ба қайд гирифта намешаванд.
18. Ба Вазорати корҳои хориҷии Ҷумҳурии Тоҷикистон ҳуқуқ дода мешавад, ки дар ҳолатҳои зарурӣ шиносномаҳои хориҷии ходимони давлатӣ ва ҷамъиятии кишварҳои хориҷӣ ва аъзои оилаҳои онҳоро, агар ташкилотҳои қабулкунанда, намояндагиҳои дипломатӣ ва консулгариҳо дар ин бобат муроҷиат намоянд, ба қайд гирад, ҳамчунин бақайдгирии шиносномаҳои хориҷии кормандони ташкилотҳои байналмилалиро, ки дар банди 16 ҳамин Қоидаҳо зикр нагардидаанд, анҷом диҳад ().
19. Дар меҳмонхонаҳо инҳо ба қайд гирифта мешаванд:
а/ шиносномаҳои хориҷӣ ё асноди ивазкунандаи шаҳрвандони хориҷӣ, ки ба Ҷумҳурии Тоҷикистон бо корҳои хизматӣ, тиҷоратӣ ё ҷамъиятӣ, барои табобат ё истироҳат, ба ҳайси турист ва дар ҳолатҳои мустасно - ҳамчунин бо корҳои хусусӣ омадаанд.
Дар сурати барои табобат ё истироҳат ба шифохонаҳо, санаторияҳо ва осоишгоҳҳо омадани шаҳрвандони хориҷӣ шиносномаҳои онҳо дар мақомоти корҳои дохилӣ ба қайд гирифта мешаванд;
б/ шиносномаҳои /дипломатӣ ё хизматии/ хориҷии кормандони идораҳои корҳои хориҷии кишварҳои хориҷӣ ва аъзои оилаҳои онҳо, ки ба Ҷумҳурии Тоҷикистон бо корҳои хусусӣ омадаанд ва дар меҳмонхонаҳо иқомат доранд.
Бақайдгирӣ дар асоси муроҷиати шахсии шаҳрвандони мазкур ё дархостҳои хаттии ташкилотҳои қабулкунанда ва намояндагиҳои доимии хориҷӣ дар Ҷумҳурии Тоҷикистон анҷом дода мешавад. Бақайдгирии шиносномаҳои хориҷӣ барои мӯҳлате, ки дар муроҷиатҳо, турҳо ва дархостҳо зикр шудааст ва шахсоне, ки бо раводид омадаанд, барои мӯҳлати эътибори раводид анҷом дода мешавад ().
20. Дар мақомоти корҳои дохилии Ҷумҳурии Тоҷикистон шиносномаҳои хориҷии он шаҳрвандони хориҷӣ, ки дар бандҳои 17, 19 ҳамин Қоидаҳо зикр нашудаанд ва ба Ҷумҳурии Тоҷикистон мутобиқи созишномаҳои байниҳукуматӣ барои таҳсил, таҷрибаомӯзии истеҳсолӣ, такмили ихтисос кор омадаанд ва аъзои оилаҳои онҳо ҳамчунин он шаҳрвандони хориҷӣ, ки бо корҳои хизматӣ ва даъватномаҳои ташкилотҳои ҷамъиятӣ ва ашхоси хусусӣ омадаанд, ба қайд гирифта мешаванд.
Бақайдгирӣ дар асоси муроҷиати хаттии ташкилотҳои қабулкунанда, намояндагиҳои доимии хориҷӣ дар Ҷумҳурии Тоҷикистон ва аризаи ашхоси хусусӣ анҷом дода мешавад.
Муроҷиатномаҳо бояд ба мақомоти корҳои дохилӣ на дертар аз 10 рӯзи корӣ аз лаҳзае, ки ин шаҳрвандони хориҷӣ шиносномаҳои хориҷиро ба ташкилоти қабулкунанда ё намояндагӣ барои бақайдгирӣ месупоранд, пешниҳод карда шаванд .
Бақайдгирии шиносномаҳои хориҷии шаҳрвандони хориҷӣ, ки ба Ҷумҳурии Тоҷикистон бо корҳои хусусӣ омадаанд агар дар созишномаи байни Ҷумҳурии Тоҷикистон бо кишвари дахлдор тартиби дигари омадан ба Ҷумҳурии Тоҷикистон муқаррар нашуда бошад дар асоси раводидҳои мавҷудаи онҳо анҷом дода мешавад ().
Шаҳрвандони хориҷӣ, ки ба Ҷумҳурии Тоҷикистон омадаанд ва ҷиҳати гирифтани статуси гуреза дархост додаанд, дар мақомоти корҳои дохилӣ ба мӯҳлате, ки ҷиҳати ҳалли масъалаи гуреза эътироф кардани онҳо зарур аст, ба қайд гирифта мешаванд. Шаҳрвандони хориҷие, ки статуси гурезаро гирифтаанд дар мақомоти корҳои дохилӣ ба мӯҳлати эътибори гувоҳномаи гуреза ба қайд гирифта мешаванд .
21. Сабт дар бораи бақайдгирии шиносномаҳои хориҷии шаҳрвандони хориҷӣ дар Ҷумҳурии Тоҷикистон дар аввалин маҳалли воридшавии онҳо гузошта мешавад.
22. Тамдиди мӯҳлати эътибори бақайдгирӣ ва додани раводиди рафт аз Ҷумҳурии Тоҷикистон ба шаҳрвандони хориҷӣ, ки шиносномаҳои хориҷии онҳо дар Вазорати корҳои хориҷии Ҷумҳурии Тоҷикистон ва намояндагиҳои он ба қайд гирифта шудаанд, аз ҷониби ташкилотҳои мазкур анҷом дода мешавад. Тамдиди мӯҳлати эътибори бақайдгирӣ ва додани раводиди рафт аз Ҷумҳурии Тоҷикистон ба шаҳрвандони хориҷӣ, ки шиносномаҳои онҳо ё асноди ивазкунандаи онҳо дар мақомоти корҳои дохилӣ ва меҳмонхонаҳо ба қайд гирифта шудаанд, аз тарафи мақомоти корҳои дохилӣ анҷом дода мешавад ().
23. Воситаҳои нақлиёти автомобилии шахсӣ ва хизматии шаҳрвандони хориҷие, ки ба Ҷумҳурии Тоҷикистон омадаанд, мувофиқи талаботи қонунгузории амалкунанда дар Ҷумҳурии Тоҷикистон ба қайд гирифта мешаванд.
Муоинаи давлатии техникии воситаҳои нақлиёти шаҳрвандони хориҷӣ бо тартиби барои шаҳрвандони Ҷумҳурии Тоҷикистон пешбинишуда амалӣ мегардад.
Воситаҳои нақлиёти автомобилӣ, ки аз тарафи шаҳрванди хориҷӣ бо ӯҳдадории баргашта бурдани онҳо оварда шудаанд, бояд баъди гузашти мӯҳлати муқарраршуда ба хориҷа бурда шаванд ва онҳо наметавонанд дар ҳудуди Ҷумҳурии Тоҷикистон соҳиби дигар пайдо кунанд .
24. Шаҳрвандони хориҷӣ, ки ба Ҷумҳурии Тоҷикистон ба мӯҳлати зиёда аз се моҳ барои кор, таҳсил, истиқомати доимӣ ё дигар мақсадҳо меоянд, дар муддати 10 рӯзи баъди омаданашон ба истиснои шаҳрвандони хориҷӣ, ки бо шаҳодатномаи муоинаи вируси СПИД омадаанд, аз муоинаи тиббӣ гузаронида мешаванд.
25. Шаҳрвандони хориҷӣ, ки ба Ҷумҳурии Тоҷикистон барои таҳсил ё кор омадаанд, ба таври илова аз муоинаи тиббӣ мегузаранд ва дар ҳолати бо сабабҳои гуногун ба кишварҳои хориҷӣ рафшанашон баъди се моҳ баргашта омадан, аз муоинаи иловагии тиббӣ мегузаранд.
IV. ТАРТИБИ БАРАСМИЯТДАРОРИИ ИҶОЗАТИ ИСТИҚОМАТИ ДОИМӢ, ДОДАНИ ГУВОҲНОМАҲОИ ИҚОМАТ БАРОИ ШАҲРВАНДОНИ ХОРИҶӢ ВА ШАХСОНИ БЕШАҲРВАНД ДАР ҶУМҲУРИИ ТОҶИКИСТОН
26. Гувоҳномаи икомат ба шаҳрвандони хориҷӣ, шахсони бешаҳрванд ва шаҳодатномаҳои шахсони бешаҳрванд аз ҷониби Хадамоти шиносномавию бақайдгирии Вазорати корҳои дохилии Ҷумҳурии Тоҷикистон ва воҳидҳои он дар маҳалҳо (минбаъд - Хадамоти шиносномавию бақайдгирӣ) дода мешавад .
Гувоҳномаи иқомат дар Ҷумҳурии Тоҷикистон ҳуҷҷати ҳисоботии қатъӣ мебошад, ки шахсияти шаҳрванди хориҷӣ ва ё шахси бешаҳрвандро тасдиқ намуда, ҳуқуқи ба таври доимӣ дар Ҷумҳурии Тоҷикистон истиқомат карданро медиҳад ва танҳо дар ҳудуди Ҷумҳурии Тоҷикистон эътибор дорад.
Шаҳодатномаи шахси бешаҳрванд (минбаъд-шаҳодатнома) ҳуҷҷати ҳисоботии қатъӣ мебошад, ки шахсияти соҳиби онро берун аз ҳудуди Ҷумҳурии Тоҷикистон тасдиқ намуда, ба шахси бешаҳрванд, ки дорои гувоҳномаи иқомат дар Ҷумҳурии Тоҷикистон мебошад, барои аз ҳудуди Ҷумҳурии Тоҷикистон баромадан дода мешавад .
Гувоҳномаи иқомат ва шаҳодатномаҳо ба шахсоне, ки ба синни 16-солагӣ расидаанд, дода мешаванд. Маълумот дар бораи аъзои оилае, ки ба синни 16-солагӣ нарасидаанд, дар ҳолати шаҳрванди Ҷумҳурии Тоҷикистон набудани онҳо, ба гувоҳномаи иқомати ҳардуи волидон, дар шаҳодатномаи шахси бешаҳрванд бошад, дар гувоҳномаи яке аз волидон дарҷ карда мешавад.
Гувоҳномаи иқомат ба шаҳрвандони хориҷӣ ва шахсони бешаҳрванд, ки барои истиқомати доимӣ дар ҳудуди Ҷумҳурии Тоҷикистон бо тартиби муқарраргардида иҷозат гирифтаанд, дода мешавад, аз ҷумла ба шахсоне, ки ба Ҷумҳурии Тоҷикистон баргаштаанд ва шаҳрвандии онҳо мувофиқи қонун қатъ карда шудааст.
Гувоҳномаи иқомат ба шахсоне, ки ба синни 16-солагӣ нарасидаанд, ба шаҳрвандони хориҷӣ, ё шахси бешаҳрванде, ки ятим мондаанд, ё яке аз волидонро доранд (волиди ягона) ва бо онҳо якҷоя истиқомат мекунанд, ё ин ки шахси парастори онҳо шаҳрванди Ҷумҳурии Тоҷикистон мебошад, ё онҳо зери парастории доимии давлат қарор доранд, дода мешавад.
Шаҳрвандони хориҷӣ ва шахсони бешаҳрванде, ки дар муассисаҳои табобатӣ, хонаҳои маъюбон ва куҳансолон ҷойгир карда шудаанд, инчунин дар ҷойҳои маҳрумият аз озодӣ адои ҷазо менамоянд, дар тамоми давраи дар ҷойҳои зикргардида қарор доштанашон аз гирифтан, тамдид ва иваз намудани гувоҳномаи иқомат озод карда мешаванд.
Гувоҳномаи иқомати пештар ба чунин шахсон додашуда пас гирифта шуда, барои нигоҳдорӣ ба Хадамоти мухоҷирати ҷои зист ирсол карда мешавад.
Дар ҳолати аз қайди муассисаҳои табобатӣ, хонаҳои маъюбон ва куҳансолон баромадан, озод шудан аз ҷойҳои маҳрумият аз озодӣ, шаҳрвандони хориҷӣ ва шахсони бешаҳрванд ӯҳдадоранд, гувоҳномаи иқомат гиранд.
Гувоҳномаи иқомати доимӣ дар Ҷумҳурии Тоҷикистон бо силсилаи алоҳида барои шаҳрвандони хориҷӣ "ШХ" ва силсилаи алоҳида барои шахсони бешаҳрванд "ШБ" дода мешавад.
Ба шаҳрвандони хориҷӣ ва шахсони бешаҳрванд додани иҷозат барои истиқомати доимӣ дар Ҷумҳурии Тоҷикистон
27. Шаҳрвандони хориҷӣ ва шахсони бешаҳрванд метавонанд ба таври доимӣ дар Ҷумҳурии Тоҷикистон истиқомат намоянд, агар онҳо дорои иҷозати бо гувоҳномаи иқомат дар Ҷумҳурии Тоҷикистон ба расмият даровардашуда, бошанд.
Ариза барои гирифтани иҷозат барои истиқомати доимӣ аз ҷониби шаҳрвандони хориҷӣ ва шахсони бешаҳрванд, ки муваққатан дар Ҷумҳурии Тоҷикистон истиқомат доранд, ба Хадамоти шиносномавию бақайдгирии ҷои зист ва аз ҷониби шахсоне, ки дар хориҷа истиқомат мекунанд, ба намояндагиҳои дипломатӣ ё консулгарии Ҷумҳурии Тоҷикистон дар хориҷа дода мешавад .
Пеш аз муроҷиат барои гирифтани гувоҳномаи иқомат шаҳрванди хориҷӣ ва шахси бешаҳрванд ӯҳдадор аст, дар асоси қонунӣ на камтар аз 6 моҳ дар ҳудуди Ҷумҳурии Тоҷикистон истиқомат намояд. Ариза дар ҳолатҳои зерин ҷиҳати баррасӣ қабул карда намешавад:
а) агар шаҳрванди хориҷӣ ё шахси бешаҳрванд дар худуди Ҷумҳурии Тоҷикистон бар хилофи қоидаҳои истиқомат дар Ҷумҳурии Тоҷикистон қарор дошта бошад;
б) агар мӯҳлати иҷозати истиқомати муваққатии ба вай додашуда дар Ҷумҳурии Тоҷикистон (раводид ва кайд) камтар аз 3 моҳ бошад.
Ариза дар ду нусха дар варақае, ки шакли онро Вазорати корҳои дохилии Ҷумҳурии Тоҷикистон тасдиқ мекунад, тартиб дода мешавад.
Варақаи ариза фаҳмо, тариқи дастӣ ва ё бо истифодаи воситаҳои техникӣ (мошинаи чопӣ, компютер) ба забонҳои тоҷикӣ ё русӣ пур карда мешавад. Ҷавобҳо ба саволҳои дар варақаи ариза омада бояд қонеъ гардонанда бошанд.
Ҳангоми додани ариза шаҳрвандони хориҷӣ ва ё шахсони бешаҳрванд суратҳои андозаашон 35 х 45 мм ва ҳуҷҷатҳои зеринро пешниҳод менамоянд:
а) ҳуҷҷатҳое, ки шахсият ва шаҳрвандии онҳоро тасдиқ мекунанд;
б) иҷозати истиқомати муваққатӣ дар Ҷумҳурии Тоҷикистон (раводид, қайд), ки мутобиқи тартиби муқарраргардида ба расмият дароварда шудааст;
в) маълумотнома аз ҷои кор;
г) аризаи хешовандон (шиносҳо) оид ба муносибати онҳо нисбат ба хоҳиши аризадиҳанда ва зид набуданашон барои дар қайди масоҳати манзилгоҳи худ гирифтани онҳо барои истиқомати доимӣ;
д) тарҷумаи ҳол;
е) маълумотнома аз ҷои зист дар бораи хаҷми масоҳати ишғолнамуда ва шумораи шахсоне, ки дар он ба қайд гирифта шудаанд;
ж) нусхаи шаҳодатномаи ақди никоҳ;
з) нусхаи шаҳодатномаи таваллуди фарзандон;
и) нусхаи шиносномаи ҳамсари шаҳрванди Ҷумҳурии Тоҷикистон бо қайди мақомоти сабти асноди ҳолати шаҳрвандӣ дар бораи ба кайд гирифтани ақди никоҳ;
к) маълумотнома дар бораи ташхиси хун нисбати вируси ВИЧ/СПИД;
л) маълумотнома дар бораи мавҷуд набудани касалиҳои сирояткунанда;
м) маълумотнома дар бораи мавҷуд набудани касалиҳои руҳӣ;
н) маълумотнома дар бораи мавҷуд набудани касалии нашъамандӣ;
о) маълумотнома аз мақомоти андоз дар бораи қарздор набудан.
Ҳуҷҷатҳои дар зербандҳои "ж" ва "з" зикргардида бояд ба таври нотариалӣ тасдиқ шуда бошанд.
Ба сурати гувоҳномаи иқомат дар Ҷумҳурии Тоҷикистон ва шаҳодатномаи шахсони бешаҳрванд мӯҳр гузошта мешавад.
28. Қарор аз рӯи дархостҳои шаҳрвандони хориҷӣ ва шахсони бешаҳрванд дар бораи додани иҷозат барои истиқомати доимии онҳо дар Ҷумҳурии Тоҷикистон аз ҷониби сардори Хадамоти шиносномавию бақайдгирии Вазорати корҳои дохилии Ҷумҳурии Тоҷикистон ва ё дар ҳолати набудан аз ҷониби муовинони ӯ бо тартиби муқарраргардида баъд аз мувофиқа бо Кумитаи давлатии амнияти миллии Ҷумҳурии Тоҷикистон қабул карда мешавад. Мӯҳлати баррасии маводҳо дар бораи додани иҷозат барои истиқомати доимӣ дар Ҷумҳурии Тоҷикистон набояд аз 1 моҳ зиёд бошад. Қарорҳои мусбӣ дар бораи додани иҷозат барои истиқомати доимии шаҳрвандони хориҷӣ ва шахсони бешаҳрванд дар Ҷумҳурии Тоҷикистон ҷиҳати ба онҳо додани гувоҳномаи истиқомат асос шуда метавонанд .
Қарорҳои рад намудан оид ба додани иҷозат барои истиқомати доимии шаҳрвандони хориҷӣ ва шахсони бешаҳрванд дар Ҷумҳурии Тоҷикистон ба аризадиҳандагон дар давоми се рӯз аз лаҳзаи қабули қарор бо гирифтани забонхат хабар дода мешавад. Бо талаби дархосткунанда сабабҳои рад кардан хаттӣ баён карда мешаванд.
Вобаста ба қарори рад ҷиҳати додани иҷозат барои истиқомати доимӣ дар Ҷумҳурии Тоҷикистон ба мақомоти болои ва е суд шикоят кардан мумкин аст.
Қарори рад дар бораи додани иҷозат барои истиқомати доимии шаҳрвандони хориҷӣ ва шахсони бешаҳванд дар Ҷумҳурии Тоҷикистон 6 моҳ эътибор дорад. Пас аз гузаштани ин мӯҳлат шаҳрвандони хориҷӣ ва ё шахсони бешаҳрванд ҳуқуқ доранд, ки бо дархости такрорӣ ба Хадамоти шиносномавию бақайдгирии ҷои зист муроҷиат намоянд .
Додани иҷозат барои истиқомати доимӣ дар Ҷумҳурии Тоҷикистон дар ҳолатҳои зерин рад карда мешавад:
а) бо мақсади таъмини амнияти миллӣ ва ё муҳофизати тартиботи ҷамъиятӣ;
б) ба шахси беморе, ки сабабгори паҳн шудани бемориҳои мухталиф (эпидемия) дар ҳудуди Ҷумҳурии Тоҷикистон шуда метавонад;
в) ба шахсе, ки қонунгузориро дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон вайрон намудааст;
г) ба шахсе, ки нисбати ӯ парвандаи ҷиноятӣ оғоз гардидааст - то анҷоми истеҳсолот оид ба парванда;
д) агар шахс барои содир намудани ҷиноят дар Ҷумҳурии Тоҷикистон суд шуда бошад-то анҷоми мӯҳлати ҷазо ва ё озод шудан аз ҷазо;
е) агар шахс дар бораи худ маълумоти бардурӯғ диҳад ва ё ҳуҷҷатҳои зуруриро пешниҳод накарда бошад.
Барасмиятдарорӣ ва додани гувоҳномаи иқомат ва шаҳодатномаи шахсони бешаҳрванд
29. Гувоҳномаи иқомат барои шаҳрвандони хориҷӣ ба мӯҳлати эътибори шиносномаи хориҷӣ, вале на зиёдтар аз 5 сол ва ҳангоми расидан ба синни 45 солагӣ, ба тамоми мӯҳлати эътибори шиносномаи хориҷӣ дода мешавад.
Гувоҳномаи иқомат барои шахсони бешаҳрванд ба мӯҳлати 5 сол ва ҳангоми расидан ба синни 45 солагӣ бемӯҳлат дода мешавад.
Ба шаҳрвандони хориҷие, ки дар давоми 1 моҳ аз рӯзи анҷом ёфтани мӯҳлати эътибори шиносномаҳои хориҷии онҳо ва ё ҳуҷҷати онҳоро ивазкунанда, ҳуҷҷатҳои миллии нав ё тамдидкардашударо пешниҳод наменамоянд, аз ҷониби Хадамоти шиносномавию бақайдгирӣ гувоҳномаи иқомат дар Ҷумҳурии Тоҷикистон барои шахсони бешаҳрванд дода мешавад.
Гувоҳномаи иқомат дар Ҷумҳурии Тоҷикистон барои шахсони бешаҳрванде, ки ба Хадамоти шиносномавию бақайдгирӣ шиносномаи миллии амалкунандаро пешниҳод менамоянд, ба гувоҳномаи иқомат дар Ҷумҳурии Тоҷикистон барои шаҳрвандони хориҷӣ иваз карда мешавад (қарори Ҳукумати ҶТ аз 1.03.2018 № 101).
Шаҳрвандони хориҷӣ ва шахсони бешаҳрванде, ки дар Ҷумҳурии Тоҷикистон доимӣ истиқомат мекунанд, бо тартиби барои шаҳрвандони Ҷумҳурии Тоҷикистон пешбинишуда, бояд дар ҷои истиқомати доимиашон ба қайд гирифта ва ҳангоми рафтан аз қайд бароварда шаванд.
Барои гирифтани шаҳодатнома ҷиҳати хориҷ шудан аз ҳудуди Ҷумҳурии Тоҷикистон, шахсони бешаҳрванд ба Хадамоти шиносномавию бақайдгирии ҷои зист ҳуҷҷатҳои зеринро пешниҳод менамоянд :
а) ариза дар ду нусха дар варақаи тасдиқнамудаи Вазорати корҳои дохилии Ҷумҳурии Тоҷикистон;
б) гувоҳномаи иқомати шахси бешаҳрванд;
в) ду дона сурати рангаи андозааш 35 х 45 мм.
Шаҳодатнома ба мӯҳлати 1 сол дода мешавад.
Ба шаҳрвандони хориҷие, ки дар Ҷумҳурии Тоҷикистон доимӣ истиқомат мекунанд ва берун аз ҳудуди Ҷумҳурии Тоҷикистон сафар мекунанд, раводидҳои сафарӣ (омадурафт) аз ҷониби Вазорати корҳои хориҷии Ҷумҳурии Тоҷикистон ҳангоми мавҷуд будани маълумотномаҳои Хадамоти шиносномавию бақайдгирӣ рат оид ба супоридани гувоҳномаи иқомат аз ҷониби онҳо ва ба шахсони бешаҳрванд, ҳангоми мавҷуд будани шаҳодатномаи шахсони бешаҳрваид ҷиҳати ба хориҷа рафтан, дода мешаванд. Тамдиди мӯҳлати эътибори гувоҳномаи иқомат ва шаҳодатномаи шахсони бешаҳрванд. Иваз намудан ва дода шудани ҳуҷҷатҳо ба ивази ҳуҷҷатҳои гумшуда (қарори Ҳукумати ҶТ аз 1.03.2018 № 101).
30. Барои тамдиди мӯҳлати эътибори гувоҳномаи иқомат шаҳрвандони хориҷӣ ва шахсони бешаҳрванд бояд як моҳ пеш аз гузаштани мӯҳлати эътибори гувоҳномаи иқомат шахсан ба Хадамоти шиносномавии бақайдгирии ҷои зист, бо пешниҳоди ҳуҷҷатҳои зерин муроҷиат намоянд (қарори Ҳукумати ҶТ аз 1.03.2018 № 101):
а) ариза дар шакли муқарраргардида;
б) гувоҳномаи иқомат;
в) шиносномаи миллии аслӣ ё ҳуҷҷати онро ивазкунанда;
г) ду дона сурати рангаш сиёҳу-сафеди андозааш 35 х 45 мм.
Ҳангоми зарурат шаҳодатнома ба мӯхлати на зиёдтар аз 1 сол тамдид карда мешавад.
Иваз намудани гувоҳномаи иқомат ва шаҳодатномаҳо дар ҳолатҳои зерин амалӣ карда мешавад:
а) тағйир додани насаб, ном ва номи падар;
б) тағйир додани соли таваллуд;
в) муайян намудани носаҳеҳӣ дар қайдҳо;
г) гузаштани мӯҳлати эътибори шаҳодатномаҳо барои шахсони бешаҳрванд;
д) барои истифода корношоям шудан.
Шаҳрвандони хориҷӣ ва шахсони бешаҳрванд барои гирифтан ва ё иваз намудани гувоҳномаи иқомат бояд тамоми ҳуҷҷатҳои заруриро на дертар аз даҳ рӯз баъди расидан ба синну соли мувофиқ ва ё тағйири насаб, ном ва номи падар, соли таваллуд, муайян кардани носаҳеҳиҳо дар сабтҳо, ё ин ки баъди истифода корношоям шудани гувоҳномаи истиқомат, пешниҳод намоянд.
Шахсе, ки гувоҳномаи иқоматро гум кардааст, бояд бетаъхир ба Хадамоти шиносномавии бақайдгирии ҷои зисти доимиаш бо ариза дар бораи додани гувоҳномаи иқомати нав бар ивази гувоҳномаи гумшуда, бо додани сабабҳои гумшавии он муроҷиат намояд, Дар ин сурат, ба онҳо гувоҳномаи иқомати нав бо снтонидани маблағе, ки қонунгузории Ҷумҳурии Тоҷикистон муқаррар кардааст, дода мешавад (қарори Ҳукумати ҶТ аз 1.03.2018 № 101).
Дар гувоҳномаи иқоматӣ бар ивази гувоҳномаи гумшуда додашаванда, аз ҷониби Хадамоти шиносномавии бақайдгирӣ бояд маълумот оид ба фарзандони ноболиғи онҳо, инчунин сабтҳои қайди ҷои истиқомат, бақайдгирӣ, ё ин ки бекор шудани ақди никоҳ ворид карда шаванд (қарори Ҳукумати ҶТ аз 1.03.2018 № 101).
Ҳангоми тамом шудани мӯҳлати эътибори шаҳодатнома дар ҳолати берун аз ҳудуди Ҷумҳурии Тоҷикистон қарор доштани шахси бешаҳрванд, вай метавонад ба намояндагии дипломатӣ ва консулгарин Ҷумхурии Тоҷикистон, ки мӯҳлати эътибори шаҳодатномаи шахси бешаҳрвандро бо тартиби муайянкардаи Вазорати корҳои хориҷии Ҷумҳурии Тоҷикистон тамдид мекунад, муроҷиат намояд.
Барои иваз ё тамдид намудани мӯҳлати эътибори шаҳодатнома шахсони бешаҳрванд бояд ба Хадамоти шиносномавии бақайдгирии ҷои зист бо пешниҳоди ҳуҷҷатҳои зерин муроҷиат намоянд:
а) ариза дар шакли муқарраргардида;
б) шаҳодатномаи шахси бешаҳрванд;
в) гувоҳномаи иқомат барои шахси бешаҳрванд;
г) ду дона сурати рангаи андозааш 35 х 45 мм.
Дар бораи гум шудани шаҳодатнома дар ҳудуди Ҷумҳурии Тоҷикистон шахси бешаҳрванд ӯҳдадор аст, бетаъхир ба Хадамоти шиносномавии бақайдгирӣ ҷои гумшуда, агар гувоҳнома берун аз ҳудуди Ҷумҳурии Тоҷикистон гум шуда бошад, ба намояндагии дипломатӣ ё консулгарии Ҷумҳурии Тоҷикистон арз намояд. Дар ин сурат, Хадамоти шиносномавии бақайдгирӣ бо тартиби муқарраргардида шаҳодатномаи нав медиҳад, намояндагии дипломатӣ ё консулгарии Ҷумҳурии Тоҷикистон бо ҳуҷҷат барои бозгашт, ки шахсияти шахси бешаҳрвандро тасдиқ мекунад, таъмин менамояд (қарори Ҳукумати ҶТ аз 1.03.2018 № 101).
31. Шаҳрвандони хориҷӣ ва шахсони бешаҳрванд аз ҳуқуқи истиқомати доимӣ дар Ҷумҳурии Тоҷикистон ва гувохномаи иқомат дар Ҷумҳурии Тоҷикистон дар ҳолатҳои зерин маҳрум карда мешаванд:
а) агар шахс дар ҳудуди Ҷумҳурии Тоҷикистон фаъолиятеро амалӣ созад, ки ба амнияти миллии Ҷумҳурии Тоҷикистон таҳдид намояд;
б) агар ба мақсади гирифтани гувоҳномаи иқомат дар Ҷумҳурии Тоҷикистон бо шаҳрванди Ҷумҳурии Тоҷикистон ақди никоҳи қалбакӣ баста бошад.
32. Дар ин сурат, Хадамоти шиносномавию бақайдгирӣ дар бораи бекор намудани гувоҳномаи иқомат қарор қабул намуда, дар мӯҳлати се рӯз ба шаҳрванди хориҷӣ ва ё шахси бешаҳрванди мазкур дар ин бора хабар медиҳад ва гувоҳномаи иқоматро пас мегирад. Ҳамзамон, шахс оид ба зарурати гирифтани раводиди хуруҷ дар Вазорати корҳои хориҷии Ҷумҳурии Тоҷикистон ва дар мӯҳлати 15 шабонарӯз дар бораи хориҷ шудан аз ҳудуди Ҷумҳурии Тоҷикистон бо забонхат огоҳонида мешавад (қарори Ҳукумати ҶТ аз 1.03.2018 № 101).
Ҳангоми дар мӯҳлати муқарраргардида, бо хоҳиши худ нарафтани шаҳрванди хориҷӣ ва ё шахси бешаҳрванд аз Ҷумҳурии Тоҷикистон, мақомоти амният оид ба рондани ӯ бо тартиби пешбининамудаи қонунгузории Ҷумҳурии Тоҷикистон чораҳо меандешад.
Дар сурати вафоти шаҳрванди хориҷӣ ва ё шахси бешаҳрванд гувоҳномаи иқомат, ё шаҳодатномаи шахси бешаҳрванд ба Хадамоти шиносномавию бақайдгирӣ, ки онҳоро доданд ва дар хориҷа бошад, ба намояндагии дипломатӣ ё консулгарии Ҷумҳурии Тоҷикистон супорида мешавад, ки онҳо баъд аз ба қайд гирифтани вафот ба Хадамоти шиносномавию бақайдгирии ҷои дода шудани онҳо фиристода мешаванд (қарори Ҳукумати ҶТ аз 1.03.2018 № 101).
Гувоҳномаи иқомат ва ё шаҳодатномаи шахси бешаҳрванд аз шахсе, ки ба ҳабс гирифта шудааст, инчунин ба маҳрумият аз озодӣ маҳкум шудааст, аз ҷониби мақомоти таҳқиқи ибтидоӣ ё суд мусодира гардида, ба Хадамоти шиносномавию бақайдгирии ҷои дода шудани онҳо фиристода мешаванд ().
V. ДАР ҲУДУДИ ҶУМҲУРИИ ТОҶИКИСТОН АЗ ЯК ҶОЙ БА ҶОИ ДИГАР РАФТАНИ ШАҲРВАНДОНИ ХОРИҶӢ ВА АЗ ТАРАФИ ОНҲО ИНТИХОБ ШУДАНИ МАҲАЛЛИ ЗИСТ
33. Шаҳрвандони хориҷӣ, ки дар Ҷумҳурии Тоҷикистон муваққатан иқомат доранд, метавонанд дар он қисми ҳудуди Ҷумҳурии Тоҷикистон, ки барои шаҳрвандони хориҷӣ кушода аст, оэодона рафту омад кунанд .
Шаҳрвандони хориҷӣ, ки дар Ҷумҳурии Тоҷикистон ба таври доимӣ сукунат доранд ва мехоҳанд маҳалли зисти худро тағьир диҳанд ё муваққатан ба маҳалли дигар раванд, вазифадоранд, ки барои ин аз мақомоти корҳои дохилии маҳалли зисти худ иҷозатнома гиранд.
34. Рухсат барои дохил шудан ва иқомати шаҳрвандони хориҷӣ дар минтақаи сарҳадӣ аз тарафи Вазорати корҳои дохилии Ҷумҳурии Тоҷикистон, Вазорати корҳои хориҷии Ҷумҳурии Тоҷикистон, намояндагиҳои дипломатӣ ва муассисаҳои консулии Ҷумҳурии Тоҷикистон дар хориҷа дар давоми 1 рӯзи корӣ, баъди пешниҳоди ҳуҷҷатҳои дахлдор дода шуда, мақомоти мазкур дар ин бора дар давоми 24 соат ба Вазорати амнияти Ҷумҳурии Тоҷикистон маълумот пешниҳод менамояд.
Тартиби дохил шудан ва иқомати шаҳрвандони хориҷӣ ба ҳудудҳое, ки дохил шудан ба он ҷойҳо манъ аст, аз тарафи мақомоти дахлдори Ҷумҳурии Тоҷикистон таҳия мегардад. Номгӯи ҳудудҳои мазкурро Ҳукумати Ҷумҳурии Тоҷикистон муайян месозад ().
35. Барои дохил шудан ва иқомати шаҳрвандони хориҷӣ дар минтақаи сарҳадӣ, бо тартиби зерин рухсат дода мешавад ():
аз тарафи Вазорати корҳои дохилии Ҷумҳурии Тоҷикистон - ба шаҳрвандони хориҷие, ки бо мақсадҳои хидматӣ, тиҷоратӣ, туристӣ, шахсӣ, фаъолияти меҳнатӣ ва таҳсил ба минтақаи сарҳадӣ дохил шуда, иқомат менамоянд - мутаносибан дар асоси дархости вазорат ва идораҳои Ҷумҳурии Тоҷикистон, корхонаҳо, ташкилотҳои тиҷоратӣ ва ғайритиҷоратӣ, намояндагиҳои корхонаҳо ва ташкилотҳои тиҷоратии хориҷӣ, инчунин дархости шаҳрвандони хориҷӣ;
аз тарафи Вазорати корҳои хориҷии Ҷумҳурии Тоҷикистон - ба шаҳрвандони хориҷие, ки дар доираи ҳайатҳои расмии давлатӣ ё бо мақсадҳои хидматӣ ба минтақаи сарҳадӣ дохил мешаванд - дар асоси супориши Ҳукумати Ҷумҳурии Тоҷикистон, дархости намояндагиҳои дипломатӣ ва муассисаҳои консулии хориҷӣ ва созмонҳои байналмилалие, ки дар Ҷумҳурии Тоҷикистон аккредитатсия шудаанд, ба мӯҳлате, ки барои иҷрои вазифаҳои хидматӣ зарур аст;
аз тарафи муассисаҳои консулии Ҷумҳурии Тоҷикистон дар хориҷаба шаҳрвандони хориҷие, ки дар доираи ҳайатҳои расмии давлатӣ, инчунин бо мақсадҳои хидматӣ ва туристӣ ба минтақаи сарҳадӣ дохил мешавандмутаносибан дар асоси супориши Ҳукумати Ҷумҳурии Тоҷикистон, дархости намояндагиҳои дипломатӣ ва муассисаҳои консулии хориҷӣ ва созмонҳои байналмилалие, ки дар Ҷумҳурии Тоҷикистон аккредитатсия шудаанд, ширкатҳои қабулкунандаи туристӣ ва дархостҳои шахсии шаҳрвандони хориҷӣ, ба мӯҳлати то 45 рӯз.
Тартиби харакати мухбирон ва рӯзноманигорони хориҷие, ки дар Вазорати корҳои хориҷии Ҷумҳурии Тоҷикистон аккредитатсия шудаанд ва аъзои оилаи онҳо мутобиқи қарори Ҳукумати Ҷумҳурии Тоҷикистон, ки фаъолияти касбии мухбирони васоити ахбори умуми давлатҳои хориҷиро дар ҳудуди Ҷумҳурии Тоҷикистон танзим менамояд, муайян карда мешавад (.
36. Шаҳрвандони хориҷие, ки маҳалли иқомати худро дар Ҷумҳурии Тоҷикисгон бо вайрон кардани Қоидаҳои мазкур гағъир додаанд, вазифадоранд, ки бо талаби мақоыоти корҳои дохилӣ ба маҳалли зисти пешинаи худ баргарданд, ё шутобики нуқтаҳои иктихобшудаи шаъинот ҳаракат намоянд.
VI. ҶАВОБГАРӢ БАРОИ ВАЙРОН КАРДАНИ ҚОИДАҲОИ МАЗКУР. ИХТИСОРИ МӯҲЛАТИ ИҚОМАТ ВА РОНДАН АЗ ҶУМҲУРИИ ТОҶИКИСТОН
37. Барои вайрон кардани қоидаҳои мазкур шаҳрвандони хориҷӣ мутобиқи қонунгузории ҷории Ҷумҳурии Тоҷикистон ба ҷавобрарӣ кашида мешаванд.
38. Вайрон карда шудани Қоидаҳои мазкур аз тарафи ашхосе, ки вазифадоранд талаботи онҳоро риоя намоянд /аз ҷумла ашхосе, ки шаҳрвандони хориҷиро ба Ҷумҳурии Тоҷикистон бо корҳои хусусӣ даъват кардаанд ё ба онҳо хизмат мерасонанд/ боиси ҷавобгарии пешбининамудаи қонунгузории ҷории Ҷумҳурии Тоҷикистон мегарданд.
39. Ихтисори мӯҳлати иқомат дар Ҷумҳурии Тоҷикистон ва рондани шаҳрвандони хориҷӣ аз Ҷумҳурии Тоҷикистон тибқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" амалӣ мешавад.
40. Ташкилотҳои қабулкунанда метавонанд дар ҳолатҳои аз тарафи шаҳрвандони хориҷӣ риоя нагардидани шартҳои иқомат дар ҳудуди Ҷумҳурии Тоҷикистон дар бораи аз Ҷумҳурии Тоҷикистон рондани онҳо тавсия пешниҳод намоянд .
41. Рондани шаҳрвандони хориҷӣ дар асоси қарорҳое, ки бо тартиби муқарраргардида қабул шудаанд, аз тарафи мақомоти амният тибқи қонунгузории Ҷумҳурии Тоҷикистон анҷом дода мешавад ().
Хароҷоти рондан ба зиммаи худи шаҳрвандони хориҷии рондашаванда ё ташкилотҳои қабулкунанда ё ашхоси хусусӣ, ки шаҳрвандони хориҷиро ба Ҷумҳурии Тоҷикистон даъват намудаанд ва дар ҳолатҳои мустасно ба зиммаи мақомоти амният гузошта мешавад().
42. Шаҳрванди хориҷӣ ҳак дорад дар хусуси қарор оид ба рондани онҳо аз Ҷумҳурии Тоҷикистон ва ихтисори мӯҳлати иқомат дар Ҷумҳурии Тоҷикистон бо тартиб ва асосҳои пешбининамудаи қонунгузории Ҷумҳурии Тоҷикистон ба суд шикоят намоянд.
VII. ШАРТНОМАҲОИ БАЙНАЛМИЛАЛӢ
43. Агар дар шартномаҳои байналмилалии Ҷумҳурии Тоҷикистон қоидаҳое муқаррар шуда бошанд, ки аз муқаррароти ҳамин қоидаҳо фарқ доранд, он гоҳ қоидаҳои шартномаҳои байналмилалӣ мавриди истифода қарор мегиранд ().
Бо қарори Ҳукумати
Ҷумҳурии Тоҷикистон
аз 15 майи соли 1999, № 218
тасдиқ шудаанд
ҚОИДАҲОИ УБУРИ ТРАНЗИТИИ ШАҲРВАНДОНИ ХОРИҶӢ АЗ ТАРИҚИ ҲУДУДИ ҶУМҲУРИИ ТОҶИКИСТОН
(Қарори Ҳукумати ҶТ аз 01.04.2002 № 145, аз 1.03.2018 № 101)
1. Мутобиқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" ба Ҷумҳурии Тоҷикистон омадан ва аз Ҷумҳурии Тоҷикистон рафтани шаҳрвандони хориҷӣ, ки аз тариқи ҳудуди Ҷумҳурии Тоҷикистон ба таври транзитӣ убур мекунанд, бо шиносномаҳои хориҷии дорои эътибор ё асноди онҳоро ивазкунанда дар сурати мавҷуд будани раводидҳои транзитии аз тарафи намояндагиҳои дипломатӣ ё консулгариҳои Ҷумҳурии Тоҷикистон додашуда, агар бо қонунгузории Ҷумҳурии Тоҷикистон ё аҳдномаҳои байналмилалии Ҷумҳурии Тоҷикистон чизи дигаре пешбинӣ нашуда бошад, иҷозат дода мешавад ().
2.Амали ҳамин Қоидаҳо ҳамчунин ба ашхоси бетабаъият низ татбиқ мегардад.
3. Убури транзитии шаҳрвандони хориҷӣ аз тариқи ҳудуди Ҷумҳурии Тоҷикистон ба кишвари таъинот бо нақлиёти ҳавоӣ, роҳи оҳан, дарьёӣ ё нақлиёти дигар дар сурати мавҷуд будани асноде, ки барои рафтан ба давлати бо Ҷумҳурии Тоҷикистон ҳамсарҳад дорои эътибор мебошанд ва асноди дахлдори сафар бо тасдиқи санаи рафтан аз нуқтаи гузариш дар ҳудуди Ҷумҳурии Тоҷикистон дар асноди мазкур, иҷозат дода мешавад .
Сафари шаҳрвандони хориҷӣ аз тариқи ҳудуди Ҷумҳурии Тоҷикистон ба кишвари таъинот аз лаҳзаи расидан ба бандар, истгоҳе, ки дар ҳудуди Ҷумҳурии Тоҷикистон воқеанд, дар давоми 72 соат убури транзитӣ шуморида мешавад .
4. Аз тариқи ҳудуди Ҷумҳурии Тоҷикистон убур намудани шаҳрвандони хориҷӣ, ки боркашонии байналмилалии автомобилии транзитиро анҷом медиҳанд ва убури транзитии онҳо дар автомобильҳои сабукрав дар асоси созишномаҳои байналмилалӣ дар сурати мавҷуд будани асноде, ки барои рафтан ба давлати бо Ҷумҳурии Тоҷикистон ҳамсарҳад дорои эътибор мебошанд, амалӣ мегардад (.
5. Раводидҳои транзитӣ бе ҳуқуқи таваққуф дар ҳудуди Ҷумҳурии Тоҷикистон дода мешаванд. Дар истисно ҳолатҳои истисно ба шаҳрвандони хориҷӣ метавон раводиди транзитӣ бо ҳуқуқи таваққуф дар як ё якчанд маҳалли аҳолинишини ҳудуди Ҷумҳурии Тоҷикистон аз рӯи хатти сайр ба сӯи давлати ҳамсарҳад дода шавад ().
6. Убури транзитӣ аз тариқи ҳудуди Ҷумҳурии Тоҷикистон бе раводид дар ҳолатҳои зерин иҷозат дода мешавад ():
а/ ҳангоми аз тариқи ҳудуди Ҷумҳурии Тоҷикистон парвози бенишаст анҷом додани мусофирони нақлиёти ҳавоӣ
б/ ҳангоми сафар дар тайёраҳои хатти сайри байналмилалӣ бо нишастан ва дар сурати дар дасти мусофирон мавҷуд будани асноди ҳуқуқи рафтан ба кишвари таъинот ва билетҳои тайёра бо тасдиқи санаи парвоз аз майдони ҳавоии нишаст дар Ҷумҳурии Тоҷикистон дар билетҳои мазкур, вақте ки давраи будубош дар ҳудуди Ҷумҳурии Тоҷикистон аз 24 соат зиёд нахоҳад буд. Зимнан мусофирон ҳак надоранд, ки аз ҳудуди махсус барои онҳо ҷудошудаи майдони ҳавоӣ берун бароянд (;
в/ ба шаҳрвандони кишварҳое, ки бо онҳо Ҷумҳурии Тоҷикистон созишномаҳои дахлдори байниҳукуматӣ дорад.
7. Шаҳрвандони хориҷӣ, ки мақсади анҷом додани убури транзитии туристиро бо автомобили шахсӣ ё дар ҳайати гурӯҳ бо автобусҳо доранд, вазифадоранд, ки то расидан ба Ҷумҳурии Тоҷикистон турҳои автомобилӣ харидорӣ намоянд ва раводиди дахлдори туристриро бо зикри нуқтаҳои таваққуф дошта бошанд ().
8. Шаҳрвандони хориҷӣ, ки аз тариқи ҳудуди Ҷумҳурии Тоҷикистон ба таври транзитӣ убур мекунанд, бо риояи ҳамин Қоидаҳо ба сӯи гузаргоҳи сарҳадии баромад аз Ҷумҳурии Тоҷикистон мувофиқи хатти сайри муқарраршуда ҳаракат мекунанд ва метавонанд дар ҳудуди Ҷумҳурии Тоҷикистон танҳо дар нуқтаҳое, ки дар раводидҳои транзитӣ зикр шудаанд, таваққуф дошта бошанд ().
9. Шаҳрвандони хориҷӣ, ки аз тариқи ҳудуди Ҷумҳурии Тоҷикистон ба таври транзитӣ бо воситаҳои нақлиёти автомобилӣ убур мекунанд, аз ҷумла онҳое, ки боркашонии автомобилиро анҷом медиҳанд, метавонанд танҳо бо роҳҳои барои рафтуомади байналмилалии автомобилӣ кушода ҳаракат намоянд ().
Таваққуф барои хӯрокхӯрӣ, истироҳат ё шабгузаронӣ танҳо дар нуқтаҳои воқеъ дар хатти сайр, ки дар он ҷойҳо мотельҳо, кемпингҳо ё истгоҳҳои махсус ҷудокардашуда мавҷуд бошанд, имкон дошта метавонад.
10. Шаҳрвандони хориҷӣ, ки ба Ҷумҳурии Тоҷикистон бо роҳи оҳан меоянд, аз ҷумла дар қатораҳое, ки аз тариқи ҳудуди Ҷумҳурии Тоҷикистон ба таври транзитӣ убур мекунанд, ҳақ доранд ҳангоми таваққуфи қатораҳо, ки дар ҷадвали амалкунанда зикр шудааст, дар истгоҳҳо аз қатора фароянд.
11. Шаҳрвандони хориҷӣ, ки раводиди транзитӣ бо зикри таваққуф дар як ё якчанд нуқта дар ҳудуди Ҷумҳурии Тоҷикистонро барои мӯҳлати зиёда аз 24 соат доранд, вазифадоранд, ки баробари расидан ба ин нуқтаҳо шиносномаҳои хориҷии худ ё асноди ивазкунандаи онҳоро бо тартиби муқаррарнамудаи Қоидаҳои иқомати шаҳрвандони хориҷӣ дар Ҷумҳурии Тоҷикистон аз қайд гузаронанд ва на дертар аз мӯҳлати барои онҳо муайяншудаи будубош аз Ҷумҳурии Тоҷикистон раванд ().
12. Шаҳрвандони хориҷӣ, ки ҳангоми убури транзитӣ дар ҳудуди Ҷумҳурии Тоҷикистон барои мӯҳлати зиёда аз 24 соат ба таври маҷбурӣ таваққуф кардаанд, вазифадоранд, ки дар давоми шабонарӯзҳои минбаъда аз лаҳзаи таваққуф аз мақомоти корҳои дохилӣ барои будубош дар Ҷумҳурии Тоҷикистон иҷозатнома гиранд.
Таваққуфи маҷбурӣ дар ҳолатҳои зерин имкон дошта метавонад:
а/ ҳангоми офатҳои табиат, ки ҳаракати қатора, воситаи нақлиёти автомобилӣ, киштӣ ё тайёраро ба таъхир меандозанд;
б/ барои таъмири воситаи нақлиёти автомобилӣ, ки дар натиҷаи аз кор баромадани ягон қисми он ё фалокати нақлиётӣ осеб дидааст;
в/ дар ҳолати беморӣ, вақте ки мувофиқи хулосаи духтурҳо ҳаракати минбаъдаи бемор барои саломатии ӯ хатарнок дониста мешавад. Дар ин маврид аъзои оила ё ашхоси ҳамроҳ, ки якҷоя бо ӯ ҳаракат мекунанд, метавонанд ҳамроҳи бемор бимонанд;
г/ ҳангоми ба таъхир афтодани нишаст аз як навъи нақлиёт ба навъи дигар дар нуқтаи асосӣ.
Таваққуфи маҷбурӣ ба шаҳрвандони хориҷӣ ҳуқуқи будубошро танҳо дар ҳудуди шаҳр ё дигар нуқтаи аҳолинишин барои вақти то бартараф кардани сабабҳое, ки боиси таваққуфи маҷбурӣ шудаанд, медиҳад.
Ба расмият даровардани будубош ва тамдиди мӯҳлати амали раводидҳои транзитӣ дар асоси аризаи шахсии шаҳрванди хориҷӣ бо пешниҳоди тасдиқномаи ташкилот ё муассисаи дахлдор, ки сабабҳои ба таъхир афтодани ҳаракат ва давомнокии онро тасдиқ мекунанд, анҷом дода мешавад ().
13. Ҷои будубоши шаҳрвандони хориҷӣ ҳангоми таваққуф метавонанд инҳо бошанд:
а/ меҳмонхонаҳо;
б/ утоқҳои намояндагиҳои хориҷии бақайдгирифташуда дар сурати мавҷуд будани илтимосномаҳои хаттӣ аз тарафи онҳо бо зикри шахси мушаххаси намояндагӣ, ки мусофири транзитӣ дар хонаи ӯ иқомат мекунад.
Ҳангомм таваққуфи маҷбурӣ иқомати шаҳрвандони хориҷӣ дар хобгоҳҳо ё манзилҳои хусусӣ танҳо дар ҳолатҳои истисно ва фақат бо иҷозати мақомоти корҳои дохилӣ мумкин аст.
14. Аз Ҷумҳурии Тоҷикистон рафтани шаҳрвандони хориҷӣ, ки дар ҳудуди Ҷумҳурии Тоҷикистон барои мӯҳлати зиёда аз 24 соат маҷбуран таваққуф кардаанд, метавонанд бе тамдиди раводиди транзитӣ дар Вазорати корҳои хориҷии Ҷумҳурии Тоҷикистон иҷозат дода шавад ().
15. Шаҳрвандони хориҷӣ, ки аз тариқи ҳудуди Ҷумҳурии Тоҷикистон ба таври транзитӣ убур карда, хоҳиши бо хатти сайр ё гузаргоҳи сарҳади дигар аз Ҷумҳурии Тоҷикистон рафтанро доранд, вазифадоранд, ки барои ин аз Вазорати корҳои хориҷии Ҷумҳурии Тоҷикистон иҷозатнома гиранд ().
16. Ба шаҳрвандони хориҷӣ метавон мувофиқи асосҳое, ки дар моддаи 24 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" пешбинӣ гардидаанд, омадан ба Ҷумҳурии Тоҷикистон ҷиҳати убури транзитӣ аз тарики ҳудуди Ҷумҳурии Тоҷикистон иҷозат дода нашавад .
17. Аз тарафи шаҳрвандони Ҷумҳурии Тоҷикистон ба шаҳрвандони хориҷӣ пешниҳод шудани манзил, воситаҳои нақлиёт ё ба онҳо расонидани дигар хизматҳо дар ҳолатҳое, ки ин амал боиси дидаю дониста вайрон намудани ҳамин Қоидаҳо мегардад, мумкин нест.
Дар ҳамаи ҳолатҳои ба шаҳрвандони хориҷӣ пешниҳод кардани манзил ва воситаи нақлиёт соҳибони онҳо вазифадоранд, ки ба мақомоти корҳои дохилӣ дар мӯҳлати на дертар аз як шабонарӯз хабар диҳанд.
18. Барои вайрон кардани ҳамин Қоидаҳо шаҳрвандони хориҷӣ мутобиқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" ба ҷавобгарӣ кашида мешаванд.
Масъалаи ҷавобгарии шаҳрвандони хориҷӣ, ки дар моддаи 33 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" зикр шудаанд, бо роҳи дипломатӣ ҳаллу фасл мегардад.
Аз тарафи ашхосе, ки риояи шартҳои убури транзитии шаҳрвандони хориҷиро аз тариқи ҳудуди Ҷумҳурии Тоҷикистон таъмин менамоянд ё ба онҳо хизмат мерасонанд, вайрон карда шудани ҳамин Қоидаҳо мутобиқи қонунгузории Тоҷикистон боиси ҷавобгарӣ мегардад .
19. Назорати риояи ҳамин Қоидаҳо аз тарафи Вазорати корҳои хориҷии Ҷумҳурии Тоҷикистон дар ҳамкории муштарак бо мақомоти корҳои дохилӣ ба роҳ монда мешавад().
Замима ба Қоидаҳои иқомати
шаҳрвандони хориҷӣ дар Ҷумҳурии
Тоҷикистон ва Қоидаҳои убури транзитии
шаҳрвандони хориҷӣ аз тариқи қаламрави
Ҷумҳурии Тоҷикистон
Номгӯи давлатҳое, ки шаҳрвандони онҳо аз бақайдгирии ҳуҷҷатҳои тасдиқкунандаи шахсият дар мақомоти корҳои дохилӣ мутобиқи усули мутақобила озод карда мешаванд:
1. Ҷумҳурии Қирғизистон - 60 рӯз ().
Бо қарори Ҳукумати
Ҷумҳурии Тоҷикистон
аз 15 майи соли 1999 № 218
тасдиқ шудааст
ҚОИДАҲОИ ИҚОМАТИ ШАҲРВАНДОНИ ХОРИҶӢ ДАР ҶУМҲУРИИ ТОҶИКИСТОН
1. МУҚАРРАРОТИ УМУМӢ
1. Қоидаҳои мазкур мутобиқи Конститутсияи Ҷумҳурии Тоҷикистон, Қонуни Ҷумҳурии Тоҷикистон "Оид ба вазъи ҳуқуқии шаҳрвандони хориҷӣ дар Ҷумҳурии Тоҷикистон" таҳия шудаанд ва тартиби:
а/ ба Ҷумҳурии Тоҷикистон омадан ва аз Ҷумҳурии Тоҷикистон рафтани шаҳрвандони хориҷӣ;
б/ ба расмиятдарории асноди ҳуқуқии истиқомат дар Ҷумҳурии Тоҷикистон барои шаҳрвандони хориҷӣ, ки дар Ҷумҳурии Тоҷикистон ба таври муваққатӣ иқомат доранд;
в/ ба шаҳрвандони хориҷӣ додани иҷозати сукунати доимӣ ва гувоҳномаҳои иқомат дар Ҷумҳурии Тоҷикистон;
г/ дар қаламрави Ҷумҳурии Тоҷикистон аз як ҷо ба ҷои дигар рафтани шаҳрвандони хориҷӣ;
д/ барои вайрон кардани Қоидаҳои иқомат, тамдид ва ихтисори мӯҳлатҳои иқомат ба ҷавобгарӣ кашидан, ҳамчунин аз Ҷумҳурии Тоҷикистон рондани шаҳрвандони хориҷиро муайян мекунанд.
Таъсири Қоидаҳои мазкур ашхоси бетабаъиятро низ фаро мегирад, агар қонунгузории Ҷумҳурии Тоҷикистон чизи дигареро пешбинӣ накарда бошад.
2. Шаҳрвандони хориҷие, ки дар Ҷумҳурии Тоҷикистон муваққатан иқомат доранд, бо интихоби худ, баъди огоҳ намудани ташкилотҳои қабулкунанда, намояндагиҳои доимии хориҷӣ, ҳамчунин ашхосе, ки онҳоро бо корҳои хусусӣ ба Ҷумҳурии Тоҷикистон даъват намудаанд, дар меҳмонхонаҳо ё дигар навъи манзил /сарфи назар аз мансубияти онҳо ба ин ё он намуди фонди манзил/ истиқомат мекунанд.
Ташкилотҳо ва ашхоси қабулкунанда, ки шаҳрвандони хориҷиро ба Ҷумҳурии Тоҷикистон даъват кардаанд, бақайдгирии онҳоро дар давоми се шабонарӯз дар мақомоти корҳои дохилии ҷои зисти шаҳрвандони хориҷӣ анҷом медиҳанд.
Ҳангоми иваз намудани ҷои зист аз тарафи шаҳрвандони хориҷӣ, ташкилотҳо ва ашхоси қабулкунандае, ки онҳоро даъват кардаанд, дар мӯҳлати се рӯз ба мақомотҳои корҳои дохилӣ дар бораи иваз намудани ҷои истиқомати шаҳрвандони хориҷӣ хабар мерасонанд.
3. Шаҳрвандони хориҷие, ки дар Ҷумҳурии Тоҷикистон иқомат доранд, вазифадоранд, ки бо худ шиносномаҳои боэътибори хориҷӣ ё асноди онҳоро ивазкунанда, ки бо тартиби муқаррарнамудаи ҳамин Қоидаҳо ба қайд гирифта шудаанд, дошта бошанд ва онҳоро бо талаби намояндагони мақомоти босалоҳият пешниҳод намоянд.
Дар бораи гум шудани шиносномаи хориҷӣ шаҳрванди хориҷӣ бояд бетаъхир ба ташкилоти қабулкунанда ва шахсе, ки ӯро даъват кардааст, хабар диҳад, ки онҳо дар ин бобат мақомоти корҳои дохилиро хабардор созанд. Мақомоти корҳои дохилӣ дар бораи гум шудани шиноснома тасдиқномаи дахлдор медиҳанд.
4. Ташкилотҳои қабулкунанда ба шаҳрвандони хориҷӣ сари вақт фаҳмондани ҳуқуқ ва ӯҳдадориҳои аз ҷониби Қоидаҳои мазкур пешбинишуда, иҷрои дақиқи меъёрҳои ҳуқуқии нисбат ба шаҳрвандони хориҷӣ муқарраршударо таъмин намуда, ҳамчунин барои сари вақт ба расмият даровардани асноди иқомати онҳо дар Ҷумҳурии Тоҷикистон, дар қаламрави Ҷумҳурии Тоҷикистон аз як ҷо ба ҷои дигар рафтан ва баъди ба охир расидани мӯҳлати муайяншудаи иқомат аз Ҷумҳурии Тоҷикистон рафтани онҳо масъулият доранд.
Дар ҳолатҳое, ки шаҳрвандони хориҷӣ бо даъвати як ташкилот омада бошанд, ташкилоти дигар ҳуқуқ дорад ӯро дар Ҷумҳурии Тоҷикистон бо роҳи худ қабул намояд ва нисбати ин шаҳрванд ӯҳдадориҳо ва масъулияте, ки бо сархати якуми банди мазкур пешбинӣ шудааст, амалӣ гардонад.
5. Ашхосе, ки шаҳрвандони хориҷиро ба Ҷумҳурии Тоҷикистон бо корҳои хусусӣ даъват кардаанд ва онҳоро бо манзил таъмин намудаанд, вазифадоранд, ки дар мавриди бақайдгирии саривақтии шиносномаҳои хориҷии ин шаҳрвандон тадбирҳо андешанд ва баъди хатми мӯҳлати муайяншудаи иқомат ба рафтани онҳо аз Ҷумҳурии Тоҷикистон мусоидат намоянд.
Аз тарафи ашхоси мазкур ба шаҳрвандони хориҷӣ пешниҳод карда шудани манзил, воситаҳои нақлиёт ё расонидани хизматҳо дар ҳолатҳое, ки боиси дидаву дониста вайрон шудани ҳамин Қоидаҳо мегарданд, мумкин нест.
6. Назоратро аз болои риоя гардидани талаботи ҳамин Қоидаҳо аз тарафи шаҳрвандони хориҷӣ, ашхоси бетабаъият, ҳамчунин ашхоси мансабдор ва дигар шаҳрвандони Ҷумҳурии Тоҷикистон мақомоти корҳои дохилӣ дар ҳамкории муштарак бо мақомоти амният анҷом медиҳанд.
7. Мувофиқи моддаи 33 ва 34 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" Қоидаҳои мазкур қонунгузории муқарраргардидаи Ҷумҳурии Тоҷикистон ва шартномаҳои байналхалқии Ҷумҳурии Тоҷикистон имтиёз ва масунияти сарон ва кормандони намояндагиҳои дипломатӣ ва консулгарӣ ва ашхоси хориҷие, ки ба онҳо баробар карда шудаанд, иқомати намояндагиҳои дипломатӣ ва муассисаҳои консулгарии давлатҳои хориҷӣ дар Ҷумҳурии Тоҷикистон, инчунин аъзоёни оилаи онҳоро дархурд намекунад.
II. ОМАДАНИ ШАҲРВАНДОНИ ХОРИҶӢ БА ҶУМҲУРИИ ТОҶИКИСТОН ВА РАФТАНИ ОНҲО АЗ ҶУМҲУРИИ ТОҶИКИСТОН
8. Омадани шаҳрвандони хориҷӣ ба Ҷумҳурии Тоҷикистон ва рафтани онҳо аз Ҷумҳурии Тоҷикистон аз тариқи гузаргоҳҳои сарҳади давлатӣ, ки барои робитаи байналхалқӣ кушода шудаанд, бо шиносномаҳои хориҷии дорои эътибор ё асноди онҳоро ивазкунанда ва ашхоси бетабаъият - бо асноди дорои эътиборе, ки аз тарафи мақомоти босалоҳияти кишвари зисти доимии онҳо дода шудаанд ва шахсияти онҳоро тасдиқ мекунанд, ба шарте, ки агар дар созишномаи бо кишвари дахлдор имзонамудаи Ҷумҳурии Тоҷикистон тартиби дигари омаду рафт муқаррар нашуда бошад, дар сурати мавҷуд будани визаҳои дахлдор сурат мегирад.
Ашхоси бетабаъияте, ки дар Ҷумҳурии Тоҷикистон ба тарви доимӣ сукунат доранд, барои истиқомати доимӣ ба хориҷа бо визаҳои рафт метавонанд.
9. Визаҳои омад ба Ҷумҳурии Тоҷикистон /омад/ ва визаҳои омад ба Ҷумҳурии Тоҷикистон - рафт аз Ҷумҳурии Тоҷикисгон /омаду рафт/ ба шаҳрвандони хориҷӣ аз тарафи сафоратҳо ва консулгариҳои Ҷумҳурии Тоҷикистон дар хориҷа дар асоси дархостҳои намунаи муқарраршудаи виза, ки онҳоро Вазорати корҳои хориҷии Ҷумҳурии Тоҷикистон тасдиқ кардааст, ҳамчунин бо даъватномаҳои мақомоти корҳои дохилии ҷумҳурӣ /бо даъвати ашхоси хусусӣ/ дода мешаванд.
10. Визаҳои рафт аз Ҷумҳурии Тоҷикистон /рафт/ ва визаҳои рафт аз Ҷумҳурии Тоҷикистон - омад ба Ҷумҳурии Тоҷикистон /рафту омад/ ба шаҳрвандони хориҷӣ дар қаламрави Ҷумҳурии Тоҷикистон аз ҷониби Вазорати корҳои хориҷии Ҷумҳурии Тоҷикистон, Вазорати корҳои дохилии Ҷумҳурии Тоҷикистон ва Раёсатҳои корҳои дохилии ҳукуматҳои ВМКБ, вилоятҳо ва шаҳри Душанбе дода мешаванд.
Дар визаҳое, ки аз тарафи Вазорати корҳои хориҷӣ ва мақомоти корҳои дохилии Ҷумҳурии Тоҷикистон дода мешаванд, бояд ҳатман мақсади сафар ва номи ташкилоти қабулкунанда ва дар визаи аз ҷониби ашхоси хусусӣ даъватг шудагон бошад мақсади сафар амон зикр гардад.
11. Бо хоҳиши ташкилотҳои қабулкунанда ба шаҳрвандони хориҷӣ визаҳои бисьёркаратаи омад ба Ҷумҳурии Тоҷикистон ва рафт аз Ҷумҳурии Тоҷикистон дода мешаванд. Тартиби додани визаҳои бисьёркарата аз тарафи Вазорати корҳои хориҷӣ ва Вазорати корҳои дохилӣ муайян карда мешавад.
12. Барои визаҳои омад ба Ҷумҳурии Тоҷикистон ва рафт аз Ҷумҳурии Тоҷикистон ва тамдиди мӯҳлати эътибори онҳо асноди зайл асос мебошанд:
- барои шаҳрвандони хориҷие, ки ба Ҷумҳурии Тоҷикистон бо роҳи ташкилотҳои қабулкунанда ва намояндагиҳои доимии хориҷӣ меоянд, - муроҷиати хаттии ин ташкилот ва намояндагиҳо;
- барои шаҳрвандони хориҷие, ки ба Ҷумҳурии Тоҷикистон бо даъвати ашхоси хусусӣ ё ҷиҳати зисти доимӣ меоянд, ҳамчунин барои шаҳрвандони хориҷие, ки дар Ҷумҳурии Тоҷикистон ба таври доимӣ сукунат доранд, ҳангоми сафар ба хориҷа бо корҳои хусусӣ ё ҳангоми рафтан ҷиҳати зисти доимӣ - иҷозатномаи мақомоти корҳои дохилӣ, ки дар асоси аризаи шаҳрвандони мазкур дода мешаванд.
13. Омад ба Ҷумҳурии Тоҷикистон ва рафт аз Ҷумҳурии Тоҷикистон аз рӯи асосҳои аз ҷониби қонунҳо ва дигар асноди меъёрӣ муқаррар гардида, ки дар қаламрави Ҷумҳурии Тоҷикистон амал мекунанд, метавонад манъ карда шаванд.
14. Дар ҳолати гум шудани шиносномаҳои хориҷӣ ё ҳуҷҷатҳое, ки онҳоро иваз мекунанд, ё ин ки визаҳо, шаҳрвандони хориҷие, ки бо корҳои хусусӣ ба Ҷумҳурии Тоҷикистон омадаанд ё ба таври доимӣ дар Ҷумҳурии Тоҷикистон сукунат доранд, дар ин бобат бетаъхир ба мақомоти корҳои дохилӣ ва онҳое, ки дар Ҷумҳурии Тоҷикистон бо мақсадҳои дигар будубош доранд, ба ташкилотҳои қабулкунанда хабар медиҳанд. Аз рӯи аризаҳои дахлдори хаттии шаҳрвандон ва муроҷиатҳои ташкилотҳо Вазорати корҳои хориҷии Ҷумҳурии Тоҷикистон ва Вазорати корҳои дохилии Ҷумҳурии Тоҷикистон масъалаи ба шаҳрвандони хориҷӣ додани_ __визаҳои рафт аз Ҷумҳурии Тоҷикистонро ҳаллу фасл мекунанд.
III. БА РАСМИЯТ ДАРОВАРДАНИ АСНОДИ ШАҲРВАНДОНИ ХОРИҶӢ, КИ ДАР ҶУМҲУРИИ ТОҶИКИСТОН БА ТАВРИ МУВАҚҚАТӢ ИҚОМАТ ДОРАНД
15. Шаҳрвандони хориҷӣ, ки дар қаламрави Ҷумҳурии Тоҷикистон ба таври муваққатӣ ҳузур доранд, бо шиносномаҳои хориҷие, ки бо тартиби муқарранамудаи ҳамин Қоидаҳо ба қайд гирифта шудаанд, истиқомат мекунанд. Шиносномаҳои хориҷӣ ҷиҳати бақайдгирӣ баъди расидан ба нуқтаи таъиншуда дар давоми се шабонарӯз, ба истиснои рӯзҳои ид ва истироҳат, пешниҳод карда мешаванд.
16. Шиносномаҳои хориҷии ашхоси зайл ба қайд гирифта намешаванд:
а/ роҳбарони давлатҳо ва ҳукуматҳои кишварҳои хориҷӣ, аъзои ҳайатҳои парламентӣ ва ҳукуматӣ, ки ба Ҷумҳурии Тоҷикистон бо даъвати Президенти Ҷумҳурии Тоҷикистон, Маҷлиси Олии Тоҷикистон, Ҳукумати Ҷумҳурии Тоҷикистон омадаанд, персонали техникии ин ҳайатҳо, аъзои оилаҳои ашхоси мазкур;
б/ ашхосе, ки ба Ҷумҳурии Тоҷикистон бо шиносномаҳои аз тарафи Созмони Миллали Муттаҳид дода шуда омадаанд;
в/ шаҳрвандони хориҷие, ки ба синни 16 нарасидаанд;
г/ шаҳрвандони хориҷие, ки ба Ҷумҳурии Тоҷикистон дар рӯзҳои ид ва истироҳат ё ба мӯҳлати то се шабонарӯз дар рӯзҳои маъмулӣ омадаанд ва онҳое, ки аз Ҷумҳурии Тоҷикистон дар давоми ин рӯзҳо мераванд;
д/ туристҳои хориҷӣ, ки круиз анҷом медиҳанд;
е/ аъзои экипажи тайёраҳои ҳарбии хориҷӣ, ки ба Ҷумҳурии Тоҷикистон бо тартиби муқарраршуда омадаанд.
Дар қаламрави Ҷумҳурии Тоҷикистон аз як ҷо ба ҷои дигар рафтани аъзои экипажҳои тайёраҳои ҳарбӣ бо иҷозати сардори масъули гарнизон мувофиқи нақшаи қабули тайёраҳои ҳарбии омада сурат мегирад;
ж/ ашхосе, ки ба ҳайати экипажҳои тайёраҳои мулкии хатҳои ҳавоии байналхалқӣ дохил мешаванд, ҳангоми будубоши онҳо дар майдони ҳавоии дар ҷадвали амалкунандаи ҳаракат нишондодашуда;
з/ ашхосе, ки ба ҳайати экипажҳои воситаҳои нақлиёти автомобилии хориҷӣ дохил мешаванд, ҳангоми интиқоли борҳо ва мусофирон бо хатти сайри байналхалқӣ дар вақти будубоши онҳо дар шаҳрҳо ва маҳалҳои аҳолинишини хатти сайр, аз ҷумла дар маҳалҳои таъиншудаи бор ва мусофиркашонӣ.
17. Шиносномаҳои хориҷии ашхоси зайл дар Вазорати корҳои хориҷии Ҷумҳурии Тоҷикистон ба қайд гирифта мешаванд:
а/ роҳбарони намояндагиҳои дипломатии хориҷӣ ва консулгариҳо, аъзои персонали дипломатӣ, ашхоси мансабдори консулгариҳо, персонали маъмурӣ, текникӣ ва хизматрасони намояндагиҳои дипломатӣ ва консулгариҳо, кормандони дастгоҳи атташеи ҳарбӣ ва намояндагиҳои тиҷоратӣ ва ҳамсарҳо, фарзандон, хешу табори онҳо, ки таҳти сарпарастии ашхоси зикршуда қарор доранд, ҳамчунин меҳмонони роҳбарони намояндагиҳои дипломатии хориҷӣ ва консулгариҳо, ба шарте, ки агар меҳмонони мазкур дар қароргоҳи онҳо ё дар ҳудуди намояндагиҳо ва муассисаҳои мазкур иқомат дошта бошанд;
б/ кормандони идораҳои корҳои хориҷии давлатҳои хориҷӣ, ки ба Ҷумҳурии Тоҷикистон бо корҳои хизматӣ омадаанд ва шиносномаҳои дипломатӣ ё хизматӣ доранд ва аъзои оилаҳои онҳо;
в/ ашхоси мансабдори ташкилотҳои байналхалқӣ, кормандони намояндагиҳои ташкилотҳои мазкур дар Ҷумҳурии Тоҷикистон, ки бо корҳои хизматӣ ба Ҷумҳурии Тоҷикистон омадаанд, ҳамчунин кормандони намояндагиҳои кишварҳо дар ташкилотҳои байналхалқӣ, ки дар Ҷумҳурии Тоҷикистон қароргоҳ доранд ва мутобиқи асноди оинномавии ташкилотҳои зикршуда ё шартномаҳои байналхалқии дахлдор аз имтиёзҳои дипломатӣ истифода мебаранд, ҳамчунин аъзои оилаҳои онҳо;
г/ хабарнигорони хориҷӣ аз тарафи Вазорати корҳои хориҷии Ҷумҳурии Тоҷикистон ба қайд гирифта шудаанд.
Вазорати корҳои хориҷии Ҷумҳурии Тоҷикистон ва намондагиҳои он ба ашхоси зикршуда варақаҳои дипломатию хизматӣ ё консулӣ медиҳанд ё бевосита дар шиносномаҳои хориҷии онҳо, ё асноди ивазкунандаи ин шиносномаҳо дар бобати бақайдгирӣ сабт мегузоранд.
Шиносномаҳои хориҷии ашхоси дар ҳамин банд зикршуда дар меҳмонхонаҳо ва мақомоти корҳои дохилӣ ба қайд гирифта намешаванд.
18. Ба Вазорати корҳои хориҷии Ҷумҳурии Тоҷикистон ҳуқуқ дода мешавад, ки дар ҳолатҳои зарурӣ шиносномаҳои хориҷии ходимони давлатӣ ва ҷамъиятии кишварҳои хориҷӣ ва аъзои оилаҳои онҳоро, агар ташкилотҳои қабулкунанда, намояндагиҳои дипломатӣ ва консулгариҳо дар ин бобат муроҷиат намоянд, ба қайд гирад, ҳамчунин бақайдгирии шиносномаҳои хориҷии кормандони ташкилотҳои байналхалқиро, ки дар банди 16 ҳамин Қоидаҳо зикр нагардидаанд, анҷом диҳад.
19. Дар меҳмонхонаҳо инҳо ба қайд гирифта мешаванд:
а/ шиносномаҳои хориҷӣ ё асноди ивазкунандаи шаҳрвандони хориҷӣ, ки ба Ҷумҳурии Тоҷикистон бо корҳои хизматӣ, тиҷоратӣ ё ҷамъиятӣ, барои табобат ё истироҳат, ба ҳайси турист ва дар ҳолатҳои мустасно - ҳамчунин бо корҳои хусусӣ омадаанд.
Дар сурати барои табобат ё истироҳат ба шифохонаҳо, санаторияҳо ва осоишгоҳҳо омадани шаҳрвандони хориҷӣ шиносномаҳои онҳо дар мақомоти корҳои дохилӣ ба қайд гирифта мешаванд;
б/ шиносномаҳои /дипломатӣ ё хизматии/ хориҷии кормандони идораҳои корҳои хориҷии кишварҳои хориҷӣ ва аъзои оилаҳои онҳо, ки ба Ҷумҳурии Тоҷикистон бо корҳои хусусӣ омадаанд ва дар меҳмонхонаҳо иқомат доранд.
Бақайдгирӣ дар асоси муроҷиати шахсии шаҳрвандони мазкур ё дархостҳои хаттии ташкилотҳои қабулкунанда ва намояндагиҳои доимии хориҷӣ дар Ҷумҳурии Тоҷикистон анҷом дода мешавад. Бақайдгирии шиносномаҳои хориҷӣ барои мӯҳлате, ки дар муроҷиатҳо, турҳо ва дархостҳо зикр шудааст ва шахсоне, ки бо виза омадаанд, барои мӯҳлати эътибори виза анҷом дода мешавад.
20. Дар мақомоти корҳои дохилии Ҷумҳурии Тоҷикистон шиносномаҳои хориҷии он шаҳрвандони хориҷӣ, ки дар бандҳои 17, 19 ҳамин Қоидаҳо зикр нашудаанд ва ба Ҷумҳурии Тоҷикистон мутобиқи созишномаҳои байниҳукуматӣ барои таҳсил, таҷрибаомӯзии истеҳсолӣ, такмили ихтисос кор омадаанд ва аъзои оилаҳои онҳо ҳамчунин он шаҳрвандони хориҷӣ, ки бо корҳои хизматӣ ва даъватномаҳои ташкилотҳои ҷамъиятӣ ва ашхоси хусусӣ омадаанд, ба қайд гирифта мешаванд.
Бақайдгирӣ дар асоси муроҷиати хаттии ташкилотҳои қабулкунанда, намояндагиҳои доимии хориҷӣ дар Ҷумҳурии Тоҷикистон ва аризаи ашхоси хусусӣ анҷом дода мешавад.
Муроҷиатномаҳо бояд ба мақомоти корҳои дохилӣ на дертар аз се шабонарӯз, ба истиснои рӯзҳои ид ва истироҳат аз лаҳзае, ки ин шаҳрвандони хориҷӣ шиносномаҳои хориҷиро ба ташкилоти қабулкунанда ё намояндагӣ барои бақайдгирӣ месупоранд, пешниҳод карда шаванд.
Бақайдгирии шиносномаҳои хориҷии шаҳрвандони хориҷӣ, ки ба Ҷумҳурии Тоҷикистон бо корҳои хусусӣ омадаанд агар дар созишномаи байни Ҷумҳурии Тоҷикистон бо кишвари дахлдор тартиби дигари омадан ба Ҷумҳурии Тоҷикистон муқаррар нашуда бошад дар асоси визаҳои мавҷудаи онҳо анҷом дода мешавад.
Шаҳрвандони хориҷӣ, ки ба Ҷумҳурии Тоҷикистон омадаанд ва ҷиҳати гирифтани статуси гуреза дархост додаанд, бояд дар мақомоти корҳои дохилӣ бо мактуби Хадамоти давлатии муҳоҷирати Вазорати меҳнат ва шуғли аҳолии Ҷумҳурии Тоҷикистон ба мӯҳлате, ки ҷиҳати ҳалли масъалаи гуреза эътироф кардани онҳо зарур аст, ба қайд гирифта мешаванд. Шаҳрвандони хориҷие, ки статуси гурезаро гирифтаанд дар мақомоти корҳои дохилӣ бо пешниҳоди Хадамоти давлатии муҳоҷирати Вазорати меҳнат ва шуғли аҳолии Ҷумҳурии Тоҷикистон барои мӯҳлати эътибори гувоҳномаи гуреза ба қайд гирифта мешаванд.
21. Сабт дар бораи бақайдгирии шиносномаҳои хориҷии шаҳрвандони хориҷӣ дар Ҷумҳурии Тоҷикистон дар аввалин маҳалли воридшавии онҳо гузошта мешавад.
22. Тамдиди мӯҳлати эътибори бақайдгирӣ ва додани визаи рафт аз Ҷумҳурии Тоҷикистон ба шаҳрвандони хориҷӣ, ки шиносномаҳои хориҷии онҳо дар Вазорати корҳои хориҷии Ҷумҳурии Тоҷикистон ва намояндагиҳои он ба қайд гирифта шудаанд, аз ҷониби ташкилотҳои мазкур анҷом дода мешавад. Тамдиди мӯҳлати эътибори бақайдгирӣ ва додани визаи рафт аз Ҷумҳурии Тоҷикистон ба шаҳрвандони хориҷӣ, ки шиносномаҳои онҳо ё асноди ивазкунандаи онҳо дар мақомоти корҳои дохилӣ ва меҳмонхонаҳо ба қайд гирифта шудаанд, аз тарафи мақомоти корҳои дохилӣ анҷом дода мешавад.
23. Воситаҳои нақлиёти автомобилии шахсӣ ва хизматии шаҳрвандони хориҷие, ки ба Ҷумҳурии Тоҷикистон омадаанд, мувофиқи талаботи қонунгузории амалкунанда дар Ҷумҳурии Тоҷикистон ба қайд гирифта мешаванд.
Муоинаи давлатии техникии воситаҳои нақлиёти шаҳрвандони хориҷӣ бо тартиби барои шаҳрвандони Ҷумҳурии Тоҷикистон пешбинишуда амалӣ мегардад.
Воситаҳои нақлиёти автомобилӣ, ки аз тарафи шаҳрванди хориҷӣ бо ӯҳдадории баргашта бурдани онҳо оварда шудаанд, бояд баъди гузашти мӯҳлати муқарраршуда ба хориҷа бурда шаванд ва онҳо наметавонанд дар қаламрави Ҷумҳурии Тоҷикистон соҳиби дигар пайдо кунанд.
24. Шаҳрвандони хориҷӣ, ки ба Ҷумҳурии Тоҷикистон ба мӯҳлати зиёда аз се моҳ барои кор, таҳсил, истиқомати доимӣ ё дигар мақсадҳо меоянд, дар муддати 10 рӯзи баъди омаданашон ба истиснои шаҳрвандони хориҷӣ, ки бо шаҳодатномаи муоинаи вируси СПИД омадаанд, аз муоинаи тиббӣ гузаронида мешаванд.
25. Шаҳрвандони хориҷӣ, ки ба Ҷумҳурии Тоҷикистон барои таҳсил ё кор омадаанд, ба таври илова аз муоинаи тиббӣ мегузаранд ва дар ҳолати бо сабабҳои гуногун ба кишварҳои хориҷӣ рафшанашон баъди се моҳ баргашта омадан, аз муоинаи иловагии тиббӣ мегузаранд.
IV . БА ШАҲРВАНДОНИ ХОРИҶӢ ДОДАНИ ИҶОЗАТИ СУКУНАТИ ДОИМӢ ВА ГУВОҲНОМАИ ИҚОМАТ ДАР ҶУМҲУРИИ ТОҶИКИСТОН
26. Шаҳрвандони хориҷӣ агар иҷозатеро, ки бо гувоҳномаи иқоматии аз тарафи мақомоти корҳои дохилӣ додашаванда ба расмият дароварда шудааст, дошта бошанд, метавонанд дар Ҷумҳурии Тоҷикистон истиқомат намоянд.
27. Аризаҳо дар бораи гирифтани иҷозати сукунати доимӣ дар Ҷумҳурии Тоҷикистон аз ҷониби шаҳрвандони хориҷие, ки дар Ҷумҳурии Тоҷикистон муваққатан иқомат доранд, бевосита ба мақомоти корҳои дохилии маҳалли зист ва аз ҷониби ашхосе, ки дар хориҷа иқомат доранд, ба намояндагиҳои дипломатӣ ё консулгариҳои Ҷумҳурии Тоҷикистон пешниҳод карда мешаванд.
28. Гувоҳномаҳои иқомат дар Ҷумҳурии Тоҷикистон ба шаҳрвандони хориҷӣ, ки ба синни 16 расидаанд, аз тарафи мақомоти корҳои дохилии маҳалли зисти доимии онҳо дар Ҷумҳурии Тоҷикистон барои мӯҳлати эътибори шиносномаҳои хориҷӣ, аммо на зиёда аз 5 сол ва ба шаҳрвандоне, ки ба синни 45 расидаанд, - барои тамоми мӯҳлати эътибори шиносномаҳои хориҷӣ дода мешаванд. Ба ашхоси бетабаъият гувоҳномаҳои иқомат ба мӯҳлати 5 сол ва ба онҳое, ки ба синни 45 расидаанд, бе мӯҳлат дода мешаванд.
Аризаҳо доир ба тамдиди мӯҳлати эътибори гувоҳномаи мавҷудаи иқомат ё гирифтани гувоҳномаи нави иқомат бояд аз тарафи шаҳрвандони хориҷӣ ба мақомоти корҳои дохилии маҳалли зист на дертар аз 10 рӯз то хатми мӯҳлати эътибори гувоҳномаи иқомат ва дар ҳолати гум кардани он фавран пешниҳод карда шаванд.
29. Ба шаҳрвандони хориҷӣ, ки дар муддати шаш моҳ аз рӯзи хатми мӯҳлати эътибори шиносномаҳои мавҷудаи хориҷӣ ё асноди ивазкунандаи онҳо асноди нав ё тамдидшударо пешниҳод накардаанд, аз ҷониби мақомоти корҳои дохилӣ гувоҳномаҳои иқомат дар Ҷумҳурии Тоҷикистон, ки барои ашхоси бетабаъият муқаррар шудаанд, дода мешаванд.
30. Гувоҳномаи иқомат дар Ҷумҳурии Тоҷикистон барои ашхоси бетабаъият, агар дорандаи он ба мақомоти корҳои дохилӣ шиносномаи хориҷии дорои эътиборро пешниҳод намояд, бо гувоҳномаи иқомат дар Ҷумҳурии Тоҷикистон барои шаҳрванди хориҷӣ иваз карда мешавад.
31. Шаҳрвандони хориҷӣ, ки дар Ҷумҳурии Тоҷикистон ба таври доимӣ сукунат доранд, бояд дар қайди маҳалли зисти доимӣ бошанд, дар ин ё он маҳалли аҳолинишин ҳангоми муваққатан ба он маҳал омадан ба қайд гирифта шаванд ва дар вақти рафтан аз маҳалли зисти доимӣ бо тартиби барои шаҳрвандони Ҷумҳурии Тоҷикистон муқарраршуда аз қайд бароварда шаванд.
V. ДАР ҚАЛАМРАВИ ҶУМҲУРИИ ТОҶИКИСТОН АЗ ЯК ҶОЙ БА ҶОИ ДИГАР РАФТАНИ ШАҲРВАНДОНИ ХОРИҶӢ ВА АЗ ТАРАФИ ОНҲО ИНТИХОБ ШУДАНИ МАҲАЛЛИ ЗИСТ
32. Шаҳрвандони хориҷӣ, ки дар Ҷумҳурии Тоҷикистон муваққатан иқомат доранд, метавонанд дар он қисми қаламрави Ҷумҳурии Тоҷикистон, ки барои шаҳрвандони хориҷӣ кушода аст, оэодона рафту омад кунанд.
Шаҳрвандони хориҷӣ, ки дар Ҷумҳурии Тоҷикистон ба таври доимӣ сукунат доранд ва мехоҳанд маҳалли зисти худро тағьир диҳанд ё муваққатан ба маҳалли дигар раванд, вазифадоранд, ки барои ин аз мақомоти корҳои дохилии маҳалли зисти худ иҷозатнома гиранд.
33. Ба маҳалҳое, ки барои рафту омади шаҳрвандони хориҷӣ баста мебошанд, омадан ва аз як ҷой ба ҷои дигар рафтани шаҳрвандони мазкур танҳо бо иҷозатномаи мақомоти корҳои дохилӣ амалӣ шуда метавонад: барои шаҳрвандони хориҷӣ, ки ба Ҷумҳурии Тоҷикистон бо роҳи ташкилотҳои қабулкунанда ва намояндагиҳои доимии хориҷӣ омадаанд, дар асоси муроҷиати хаттии ин ташкилотҳо ва намояндагиҳо бо мувофиқаи пешакӣ бо мақомоти амният; барои онҳое бо корҳои хусусӣ омадаанд ё онҳое, ки дар Ҷумҳурии Тоҷикистон ба таври доимӣ сукунат доранд, дар асоси аризаи хаттии шахсии онҳо.
Бо хоҳиши ташкилотҳое, ки шаҳрвандони хориҷиро қабул мекунад, ба ин шаҳрвандон метавон иҷозатномаи бисёркаратаи омадан ва аз як ҷой ба ҷои дигар рафтан дода шавад.
Маҳалҳое, ки аёдати онҳо барои шаҳрвандони хориҷӣ манъ аст, аз тарафи Ҳукумати Ҷумҳурии Тоҷикистон муайян карда мешавад.
34. Тартиби дар қаламрави Ҷумҳурии Тоҷикистон аз як ҷой ба ҷои дигар рафтани шаҳрвандони хориҷӣ, ки шиносномаҳои хориҷии онҳо дар Вазорати корҳои хориҷии Ҷумҳурии Тоҷикистон ва намояндагиҳои он ба қайд гирифта шудаанд, аз тарафи Вазорати корҳои хориҷии Ҷумҳурии Тоҷикистон муайян карда мешавад.
Тартиби аз як ҷой ба ҷои дигар рафтани рӯзноманигорон ва хабарнигорони хориҷӣ, ки дар Идораи иттилооти Вазорати корҳои хориҷии Ҷумҳурии Тоҷикистон ба қайд гирифта шудаанд ва аъзои оилаҳои онҳо бо қарори Ҳукумати Ҷумҳурии Тоҷикистон, ки фаъолияти касбии хабарнигорони воситаҳои ахбори умумӣ давлатҳои хориҷиро дар қаламрави Ҷумҳурии Тоҷикистон танзим мекунад, муайян карда мешавад.
35. Шаҳрвандони хориҷие, ки маҳалли иқомати худро дар Ҷумҳурии Тоҷикисгон бо вайрон кардани Қоидаҳои мазкур гағъир додаанд, вазифадоранд, ки бо талаби мақоыоти корҳои дохилӣ ба маҳалли зисти пешинаи худ баргарданд, ё шутобики нуқтаҳои иктихобшудаи шаъинот ҳаракат намоянд.
VI. ҶАВОБГАРӢ БАРОИ ВАЙРОН КАРДАНИ ҚОИДАҲОИ МАЗКУР. ИХТИСОРИ МӯҲЛАТИ ИҚОМАТ ВА РОНДАН АЗ ҶУМҲУРИИ ТОҶИКИСТОН
36. Барои вайрон кардани қоидаҳои мазкур шаҳрвандони хориҷӣ мутобиқи қонунгузории ҷории Ҷумҳурии Тоҷикистон ба ҷавобрарӣ кашида мешаванд.
37. Вайрон карда шудани Қоидаҳои мазкур аз тарафи ашхосе, ки вазифадоранд талаботи онҳоро риоя намоянд /аз ҷумла ашхосе, ки шаҳрвандони хориҷиро ба Ҷумҳурии Тоҷикистон бо корҳои хусусӣ даъват кардаанд ё ба онҳо хизмат мерасонанд/ боиси ҷавобгарии пешбининамудаи қонунгузории ҷории Ҷумҳурии Тоҷикистон мегарданд.
38. Ихтисори мӯҳлати иқомат дар Ҷумҳурии Тоҷикистон ва рондани шаҳрвандони хориҷӣ аз Ҷумҳурии Тоҷикистон тибқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" амалӣ мешавад.
39. Ташкилотҳои қабулкунанда метавонанд дар ҳолатҳои аз тарафи шаҳрвандони хориҷӣ риоя нагардидани шартҳои иқомат дар қаламрави Ҷумҳурии Тоҷикистон дар бораи аз Ҷумҳурии Тоҷикистон рондани онҳо тавсия пешниҳод намоянд.
40. Рондани шаҳрвандони хориҷӣ дар асоси қарорҳое, ки бо тартиби муқарраргардида қабул шудаанд, аз тарафи мақомоти корҳои дохилӣ ё мақомоти амният тибқи қонунгузории Ҷумҳурии Тоҷикистон анҷом дода мешавад.
Хароҷоти рондан ба зиммаи худи шаҳрвандони хориҷии рондашаванда ё ташкилотҳои қабулкунанда ё ашхоси хусусӣ, ки шаҳрвандони хориҷиро ба Ҷумҳурии Тоҷикистон даъват намудаанд ва дар ҳолатҳои мустасно ба зиммаи мақомоти корҳои дохилӣ гузошта мешавад.
41. Шаҳрванди хориҷӣ ҳак дорад дар хусуси қарор оид ба рондани онҳо аз Ҷумҳурии Тоҷикистон ва ихтисори мӯҳлати иқомат дар Ҷумҳурии Тоҷикистон бо тартиб ва асосҳои пешбининамудаи қонунгузории Ҷумҳурии Тоҷикистон ба суд шикоят намоянд.
VII. ШАРТНОМАҲОИ БАЙНАЛХАЛҚӢ
42. Агар дар шартномаҳои байналхалқии Ҷумҳурии Тоҷикистон қоидаҳое муқаррар шуда бошанд, ки аз муқаррароти ҳамин қоидаҳо фарқ доранд, он гоҳ қоидаҳои шартномаҳои байналхалқӣ мавриди истифода қарор мегиранд.
Бо қарори Ҳукумати
Ҷумҳурии Тоҷикистон
аз 15 майи соли 1999, № 218
тасдиқ шудаанд
ҚОИДАҲОИ УБУРИ ТРАНЗИТИИ ШАҲРВАНДОНИ ХОРИҶӢ АЗ ТАРИҚИ ҚАЛАМРАВИ ҶУМҲУРИИ ТОҶИКИСТОН
1. Мутобиқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" ба Ҷумҳурии Тоҷикистон омадан ва аз Ҷумҳурии Тоҷикистон рафтани шаҳрвандони хориҷӣ, ки аз тариқи қаламрави Ҷумҳурии Тоҷикистон ба таври транзитӣ убур мекунанд, бо шиносномаҳои хориҷии дорои эътибор ё асноди онҳоро ивазкунанда дар сурати мавҷуд будани визаҳои транзитии аз тарафи намояндагиҳои дипломатӣ ё консулгариҳои Ҷумҳурии Тоҷикистон додашуда, агар бо қонунгузории Ҷумҳурии Тоҷикистон ё аҳдномаҳои байналхалқии Ҷумҳурии Тоҷикистон чизи дигаре пешбинӣ нашуда бошад, иҷозат дода мешавад.
2.Амали ҳамин Қоидаҳо ҳамчунин ба ашхоси бетабаъият низ татбиқ мегардад.
3. Убури транзитии шаҳрвандони хориҷӣ аз тариқи қаламрави Ҷумҳурии Тоҷикистон ба кишвари таъинот бо нақлиёти ҳавоӣ, роҳи оҳан, дарьёӣ ё нақлиёти дигар дар сурати мавҷуд будани асноде, ки барои рафтан ба давлати бо Ҷумҳурии Тоҷикистон ҳамсарҳад дорои эътибор мебошанд ва асноди дахлдори сафар бо тасдиқи санаи рафтан аз нуқтаи гузариш дар қаламрави Ҷумҳурии Тоҷикистон дар асноди мазкур, иҷозат дода мешавад.
Сафари шаҳрвандони хориҷӣ аз тариқи қаламрави Ҷумҳурии Тоҷикистон ба кишвари таъинот аз лаҳзаи расидан ба бандар, истгоҳе, ки дар қаламрави Ҷумҳурии Тоҷикистон воқеанд, дар давоми 72 соат убури транзитӣ шуморида мешавад.
4. Аз тариқи қаламрави Ҷумҳурии Тоҷикистон убур намудани шаҳрвандони хориҷӣ, ки боркашонии байналхалқии автомобилии транзитиро анҷом медиҳанд ва убури транзитии онҳо дар автомобильҳои сабукрав дар асоси созишномаҳои байналхалқӣ дар сурати мавҷуд будани асноде, ки барои рафтан ба давлати бо Ҷумҳурии Тоҷикистон ҳамсарҳад дорои эътибор мебошанд, амалӣ мегардад.
5. Визаҳои транзитӣ бе ҳуқуқи таваққуф дар қаламрави Ҷумҳурии Тоҷикистон дода мешаванд. Дар истисно ҳолатҳои истисно ба шаҳрвандони хориҷӣ метавон визаи транзитӣ бо ҳуқуқи таваққуф дар як ё якчанд маҳалли аҳолинишини қаламрави Ҷумҳурии Тоҷикистон аз рӯи хатти сайр ба сӯи давлати ҳамсарҳад дода шавад.
6. Убури транзитӣ аз тариқи қаламрави Ҷумҳурии Тоҷикистон бе виза дар ҳолатҳои зерин иҷозат дода мешавад:
а/ ҳангоми аз тариқи қаламрави Ҷумҳурии Тоҷикистон парвози бенишаст анҷом додани мусофирони нақлиёти ҳавоӣ;
б/ ҳангоми сафар дар тайёраҳои хатти сайри байналхалқӣ бо нишастан ва дар сурати дар дасти мусофирон мавҷуд будани асноди ҳуқуқи рафтан ба кишвари таъинот ва билетҳои тайёра бо тасдиқи санаи парвоз аз майдони ҳавоии нишаст дар Ҷумҳурии Тоҷикистон дар билетҳои мазкур, вақте ки давраи будубош дар қаламрави Ҷумҳурии Тоҷикистон аз 24 соат зиёд нахоҳад буд. Зимнан мусофирон ҳак надоранд, ки аз ҳудуди махсус барои онҳо ҷудошудаи майдони ҳавоӣ берун бароянд;
в/ ба шаҳрвандони кишварҳое, ки бо онҳо Ҷумҳурии Тоҷикистон созишномаҳои дахлдори байниҳукуматӣ дорад.
7. Шаҳрвандони хориҷӣ, ки мақсади анҷом додани убури транзитии туристиро бо автомобили шахсӣ ё дар ҳайати гурӯҳ бо автобусҳо доранд, вазифадоранд, ки то расидан ба Ҷумҳурии Тоҷикистон турҳои автомобилӣ харидорӣ намоянд ва визаи дахлдори туристриро бо зикри нуқтаҳои таваққуф дошта бошанд.
8. Шаҳрвандони хориҷӣ, ки аз тариқи қаламрави Ҷумҳурии Тоҷикистон ба таври транзитӣ убур мекунанд, бо риояи ҳамин Қоидаҳо ба сӯи гузаргоҳи сарҳадии баромад аз Ҷумҳурии Тоҷикистон мувофиқи хатти сайри муқарраршуда ҳаракат мекунанд ва метавонанд дар қаламрави Ҷумҳурии Тоҷикистон танҳо дар нуқтаҳое, ки дар визаҳои транзитӣ зикр шудаанд, таваққуф дошта бошанд.
9. Шаҳрвандони хориҷӣ, ки аз тариқи қаламрави Ҷумҳурии Тоҷикистон ба таври транзитӣ бо воситаҳои нақлиёти автомобилӣ убур мекунанд, аз ҷумла онҳое, ки боркашонии автомобилиро анҷом медиҳанд, метавонанд танҳо бо роҳҳои барои рафтуомади байналхалқии автомобилӣ кушода ҳаракат намоянд.
Таваққуф барои хӯрокхӯрӣ, истироҳат ё шабгузаронӣ танҳо дар нуқтаҳои воқеъ дар хатти сайр, ки дар он ҷойҳо мотельҳо, кемпингҳо ё истгоҳҳои махсус ҷудокардашуда мавҷуд бошанд, имкон дошта метавонад.
10. Шаҳрвандони хориҷӣ, ки ба Ҷумҳурии Тоҷикистон бо роҳи оҳан меоянд, аз ҷумла дар қатораҳое, ки аз тариқи қаламрави Ҷумҳурии Тоҷикистон ба таври транзитӣ убур мекунанд, ҳақ доранд ҳангоми таваққуфи қатораҳо, ки дар ҷадвали амалкунанда зикр шудааст, дар истгоҳҳо аз қатора фароянд.
11. Шаҳрвандони хориҷӣ, ки визаи транзитӣ бо зикри таваққуф дар як ё якчанд нуқта дар қаламрави Ҷумҳурии Тоҷикистонро барои мӯҳлати зиёда аз 24 соат доранд, вазифадоранд, ки баробари расидан ба ин нуқтаҳо шиносномаҳои хориҷии худ ё асноди ивазкунандаи онҳоро бо тартиби муқаррарнамудаи Қоидаҳои иқомати шаҳрвандони хориҷӣ дар Ҷумҳурии Тоҷикистон аз қайд гузаронанд ва на дертар аз мӯҳлати барои онҳо муайяншудаи будубош аз Ҷумҳурии Тоҷикистон раванд.
12. Шаҳрвандони хориҷӣ, ки ҳангоми убури транзитӣ дар қаламрави Ҷумҳурии Тоҷикистон барои мӯҳлати зиёда аз 24 соат ба таври маҷбурӣ таваққуф кардаанд, вазифадоранд, ки дар давоми шабонарӯзҳои минбаъда аз лаҳзаи таваққуф аз мақомоти корҳои дохилӣ барои будубош дар Ҷумҳурии Тоҷикистон иҷозатнома гиранд.
Таваққуфи маҷбурӣ дар ҳолатҳои зерин имкон дошта метавонад:
а/ ҳангоми офатҳои табиат, ки ҳаракати қатора, воситаи нақлиёти автомобилӣ, киштӣ ё тайёраро ба таъхир меандозанд;
б/ барои таъмири воситаи нақлиёти автомобилӣ, ки дар натиҷаи аз кор баромадани ягон қисми он ё фалокати нақлиётӣ осеб дидааст;
в/ дар ҳолати беморӣ, вақте ки мувофиқи хулосаи духтурҳо ҳаракати минбаъдаи бемор барои саломатии ӯ хатарнок дониста мешавад. Дар ин маврид аъзои оила ё ашхоси ҳамроҳ, ки якҷоя бо ӯ ҳаракат мекунанд, метавонанд ҳамроҳи бемор бимонанд;
г/ ҳангоми ба таъхир афтодани нишаст аз як навъи нақлиёт ба навъи дигар дар нуқтаи асосӣ.
Таваққуфи маҷбурӣ ба шаҳрвандони хориҷӣ ҳуқуқи будубошро танҳо дар ҳудуди шаҳр ё дигар нуқтаи аҳолинишин барои вақти то бартараф кардани сабабҳое, ки боиси таваққуфи маҷбурӣ шудаанд, медиҳад.
Ба расмият даровардани будубош ва тамдиди мӯҳлати амали визаҳои транзитӣ дар асоси аризаи шахсии шаҳрванди хориҷӣ бо пешниҳоди тасдиқномаи ташкилот ё муассисаи дахлдор, ки сабабҳои ба таъхир афтодани ҳаракат ва давомнокии онро тасдиқ мекунанд, анҷом дода мешавад.
13. Ҷои будубоши шаҳрвандони хориҷӣ ҳангоми таваққуф метавонанд инҳо бошанд:
а/ меҳмонхонаҳо;
б/ утоқҳои намояндагиҳои хориҷии бақайдгирифташуда дар сурати мавҷуд будани илтимосномаҳои хаттӣ аз тарафи онҳо бо зикри шахси мушаххаси намояндагӣ, ки мусофири транзитӣ дар хонаи ӯ иқомат мекунад.
Ҳангомм таваққуфи маҷбурӣ иқомати шаҳрвандони хориҷӣ дар хобгоҳҳо ё манзилҳои хусусӣ танҳо дар ҳолатҳои истисно ва фақат бо иҷозати мақомоти корҳои дохилӣ мумкин аст.
14. Аз Ҷумҳурии Тоҷикистон рафтани шаҳрвандони хориҷӣ, ки дар қаламрави Ҷумҳурии Тоҷикистон барои мӯҳлати зиёда аз 24 соат маҷбуран таваққуф кардаанд, метавонанд бе тамдиди визаи транзитӣ дар мақомоти корҳои дохилӣ иҷозат дода шавад.
15. Шаҳрвандони хориҷӣ, ки аз тариқи қаламрави Ҷумҳурии Тоҷикистон ба таври транзитӣ убур карда, хоҳиши бо хатти сайр ё гузаргоҳи сарҳади дигар аз Ҷумҳурии Тоҷикистон рафтанро доранд, вазифадоранд, ки барои ин аз мақомоти корҳои дохилӣ иҷозатномаи доранд.
16. Ба шаҳрвандони хориҷӣ метавон мувофиқи асосҳое, ки дар моддаи 24 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" пешбинӣ гардидаанд, омадан ба Ҷумҳурии Тоҷикистон ҷиҳати убури транзитӣ аз тарики қаламрави Ҷумҳурии Тоҷикистон иҷозат дода нашавад.
17. Аз тарафи шаҳрвандони Ҷумҳурии Тоҷикистон ба шаҳрвандони хориҷӣ пешниҳод шудани манзил, воситаҳои нақлиёт ё ба онҳо расонидани дигар хизматҳо дар ҳолатҳое, ки ин амал боиси дидаю дониста вайрон намудани ҳамин Қоидаҳо мегардад, мумкин нест.
Дар ҳамаи ҳолатҳои ба шаҳрвандони хориҷӣ пешниҳод кардани манзил ва воситаи нақлиёт соҳибони онҳо вазифадоранд, ки ба мақомоти корҳои дохилӣ дар мӯҳлати на дертар аз як шабонарӯз хабар диҳанд.
18. Барои вайрон кардани ҳамин Қоидаҳо шаҳрвандони хориҷӣ мутобиқи Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон" ба ҷавобгарӣ кашида мешаванд.
Масъалаи ҷавобгарии шаҳрвандони хориҷӣ, ки дар моддаи 33 Қонуни Ҷумҳурии Тоҷикистон "Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон зикр шудаанд, бо роҳи дипломатӣ ҳаллу фасл мегардад.
Аз тарафи ашхосе, ки риояи шартҳои убури транзитии шаҳрвандони хориҷиро аз тариқи қаламрави Ҷумҳурии Тоҷикистон таъмин менамоянд ё ба онҳо хизмат мерасонанд, вайрон карда шудани ҳамин Қоидаҳо мутобиқи қонунгузории Тоҷикистон боиси ҷавобгарӣ мегардад.
19. Назорат аз болои риояи ҳамин Қоидаҳо аз тарафи мақомоти корҳои дохилӣ ба роҳ монда мешавад.
