Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, № 611

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 611 тасдиқ шудааст, иловаҳои зерин ворид карда шаванд:

а) ба банди 5 сархатҳои нав бо мазмуни зайл илова карда шаванд:

- вазифаҳои асосии системаи ягонаи сиёсати ягонаи давлатӣ дар соҳаи расонидани таъсири фаъол ба ҷараёнҳои метеорологӣ, геофизикӣ ва ғайраҳоро анҷом медиҳад;

- системаи огоҳсозӣ аз офатҳои табиӣ ва техногениеро, ки боиси ба вуҷуд омадани ҳолатҳои фавқулодда ва хисорот мегардад, такмил медиҳад.

б) ба банди 6 сархатҳои нав бо мазмуни зайл илова карда шавад:

- системаи давлатии корҳоро оид ба таъсиррасонии фаъол ба ҷараён ва падидаҳои гидрометеорологӣ ва геофизикӣ амалӣ намояд;

- чорабиниҳоро оид ба таъмини бехатарии аҳолӣ ҳангоми ба кор бурдани таҷҳизоти зидди жола гузаронад.