Ҳукумати Ҷумҳурии Тоҷикистон

ҚАРОР

Дар бораи Тартиби ошкор кардан ва ба ҳисоб гирифтани партовҳои бесоҳиб

Мутобиқи моддаи 4(2) Қонуни Ҷумҳурии Тоҷикистон "Дар бораи партовҳои истеҳсолӣ ва истеъмолӣ", бо мақсади пешгирии ифлосшавии муҳити зист ва кам кардани ҳаҷми ҳосилшавии партовҳо, мукаммал намудани механизми баҳисобгирии онҳо, Ҳукумати Ҷумҳурии Тоҷикистон қарор мекунад:

1. Тартиби ошкор кардан ва ба ҳисоб гирифтани партовҳои бесоҳиб тасдиқ карда шавад (замима мегардад).

2. Мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо дар мӯҳлати се моҳ дар хусуси тасдиқи тартиби муомилот бо партовҳои бесоҳиб дар қаламрави худ қарорҳои дахлдор қабул намоянд.

3. Мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳо дар муддати шаш моҳ комиссияҳои доимоамалкунанда оид ба масъалаҳои муомилот бо партовҳои бесоҳибро таъсис дода, Ҳайат ва Низомномаи онҳоро тасдиқ намоянд.