Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба баъзе қарорҳои Ҳукумати Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 28 декабри соли 2006, № 610 "Дар бораи Кумитаи телевизион ва радиои назди Ҳукумати Ҷумҳурии Тоҷикистон" рақами "32" ба рақами "27" иваз карда шавад.

Дар Сохтори Дастгоҳи марказии Кумитаи телевизион ва радиои назди Ҳукумати Ҷумҳурии Тоҷикистон, ки бо замимаи қарори Ҳукумати Ҷумҳурии Тоҷикистон аз 28 декабри соли 2006, № 610 тасдиқ шудааст, сархати панҷум дар таҳрири зайл ифода карда шавад:

"Бахши истеҳсолию техникӣ".

2. Дар банди 2 қарори Ҳукумати Ҷумҳурии Тоҷикистон аз 30 октябри 2010, № 580 "Дар бораи Бозрасии давлатии назорат дар соҳаи телевизион ва радиошунавонии Кумитаи телевизион ва радиои назди Ҳукумати Ҷумҳурии Тоҷикистон" рақами "10" ба рақами "8" иваз карда шавад.

Сохтори Бозрасии давлатии назорат дар соҳаи телевизион ва радиошунавонии Кумитаи телевизион ва радиои назди Ҳукумати Ҷумҳурии Тоҷикистон, ки бо замимаи қарори Ҳукумати Ҷумҳурии Тоҷикистон аз 30 октябри 2010, № 580 тасдиқ шудааст, дар таҳрири нав тасдиқ карда шавад (замима мегардад).

3. Дар банди 3 қарори Ҳукумати Ҷумҳурии Тоҷикистои аз 31 октябри соли 2008, № 546 "Дар бораи таъсиси Муассисаи давлатии "Ҷаҳоннамо"-и Кумитаи телевизион ва радиои назди Ҳукумати Ҷумҳурии Тоҷикистон" рақами "149" ба рақами "140" иваз карда шавад.

Сохтори Бозрасии давлатии назорат дар соҳаи телевизион ва радиошунавонии Кумитаи телевизион ва радиои назди Ҳукумати Ҷумҳурии Тоҷикистон

1. Роҳбарият

2. Бахши назорати барномаҳои телевизион ва радио

3. Бахши техникӣ ва таъминоти ҳуқуқӣ