Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби бақайдгирӣ ва баҳисобгирии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторҳо

Мутобиқи моддаи 28 Қонуни Ҷумҳурии Тоҷикистон "Дар бораи ҳаракат дар роҳ" Ҳукумати Ҷумҳурии Тоҷикистон қарор мекунад:

1. Тартиби бақайдгирӣ ва баҳисобгирии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторҳо тасдиқ карда шавад (замима мегардад).

2. Иҷрои қарори мазкур барои вазорату идораҳо, ташкилоту корхонаҳо ва муассисаҳо, инчунин шахсони воқеӣ ва ҳуқуқӣ, ки дар тавозунашон трактору комбайн, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторҳо доранд, ҳатмӣ мебошад.

3. Вазорати кишоварзии Ҷумҳурии Тоҷикистон Тартиби мазкурро ба маълумоти вазорату идораҳо, корхонаҳо, ташкилотҳо, муассисаҳо ва шаҳрвандон расонида, назорати иҷрои онро таъмин намояд.