Бо қарори Ҳукумати ҶТ аз 27.03.2018 № 169 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Муассисаи таълимии давлатии "Донишкадаи молия ва иқтисоди Тоҷикистон"

Мутобиқи моддаи 58 Кодекси граждании Ҷумҳурии Тоҷикистон ва моддаҳои 42 ва 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бомақсади танзими сохтори муассисаҳои таълимӣ, Ҳукумати Ҷумҳурии Тоҷикистон қарор мекунад:

1. Бо роҳи муттаҳидсозии Муассисаи давлатии таълимии "Донишкадаи молияи Тоҷикистон" ва Муассисаи таълимии давлатии "Донишкадаи иқтисоди Тоҷикистон" дар доираи воҳидҳои корӣ ва маблағҳои пешбинишудаи донишкадаҳои мазкур Муассисаи таълимии давлатии "Донишкадаи молия ва иқтисоди Тоҷикистон" таъсис дода шавад.

2. Вазорати молияи Ҷумҳурии Тоҷикистон дар якҷоягӣ бо Вазорати маорифи Ҷумҳурии Тоҷикистон дар мӯҳлати ду моҳ масъалаҳои ташкилию ҳуқуқии Муассисаи таълимии давлатии "Донишкадаи молия ва иқтисоди Тоҷикистон"-ро ҳал намояд ва санади супоридани муассисаҳои таълимии мазкурро тартиб дода, тибқи тартиби муқарраргардида ба Ҳукумати Ҷумҳурии Тоҷикистон барои тасдиқ пешниҳод намояд.

3. Вазорати маорифм Ҷумҳурии Тоҷикистон муассисаи таълимии давлатии мазкурро бо стандартҳои давлатӣ ва нақшаю барномаҳои таълимии дахлдор таъмин намояд.

4. Вазорати рушди иқтисод ва савдои Ҷумҳурии Тоҷикистон дар якҷоягӣ бо вазоратҳои маориф ва молия аз соли таҳсили 2012-2013 оғоз карда, барои ин муассисаи таълимӣ нақшаи қабули донишҷӯёнро пешбинӣ намояд.

5. Дар Номгӯи ташкилоту муассисаҳои системаи Вазорати молияи Ҷумҳурии Тоҷикистон, ки бо қарори Ҳукумати Ҷумхурии Тоҷикистон аз 28 декабри соли 2006, № 588 "Дар бораи Вазорати молияи Ҷумҳурии Тоҷикистон" тасдиқ шудааст, сархати якум дар таҳрири зайл ифода карда шавад:

"Муассисаи таълимии давлатии "Донишкадаи молия ва иқтисоди Тоҷикистон".

6. Дар Номгӯи муассисаҳои таълимии давлатӣ ва ғайридавлатие, ки фаъолияташонро дар соҳаи маориф дар асоси созишномаҳои сеҷониба бо Вазорати маорифи Ҷумҳурии Тоҷикистон анҷом медиҳанд, ки бо қарори Ҳукумати Ҷумҳурии Тоҷикистон аз 28 декабри соли 2006, №594 "Дар бораи Вазорати маорифи Ҷумҳурии Тоҷикистон" тасдиқ шудааст, тағйиру иловаи зерин ворид карда шавад:

- сархати нав бо мазмуни зайл илова карда шавад:

"Муассисаи давлатии таълимии "Донишкадаи молия ва иқтисоди Тоҷикистон";

- сархати "Коллеҷи молиявӣ-иқтисодии шаҳри Душанбе"хориҷкарда шавад.

7. Аз Номгӯи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №594 "Дар бораи Вазорати маорифи Ҷумҳурии Тоҷикистон" тасдиқ шудааст, сархати "Донишкадаи иқтисоди Тоҷикистон"хориҷ карда шавад.

8. Қарорҳои зерини Ҳукумати Ҷумҳурии Тоҷикистон аз эътибор соқит дониста шаванд:

- аз 3 октябри соли 2006, №466 "Дар бораи Муассисаи таълимии давлатии "Донишкадаи иқтисоди Тоҷикистон";

- аз 18 июни соли 2009, №345 "Дар бораи Муассисаи давлатии таълимии "Донишкадаи молияи Тоҷикистон".