Бо қарори Ҳукумати ҶТ аз 25.02.2017 № 93 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи тасдиқи Низомномаи докторантура аз рӯи ихтисос

Мутобиқи моддаи 25 Қонуни Ҷумҳурии Тоҷикистон "Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ" Ҳукумати Ҷумҳурии Тоҷикистон қарор мекунад:

1. Низомномаи докторантура аз рӯи ихтисос тасдиқ карда шавад (замима мегардад) (Қарори Ҳукумати ҶТ аз 02.11.2012 № 625).

2. Дипломи дараҷаи илмии доктор аз рӯи ихтисос ва дипломи дараҷаи илмии номзади илм баробарарзиш дониста шаванд (Қарори Ҳукумати ҶТ аз 02.11.2012 № 625).

3. Вазорати маорифи ва илми Ҷумҳурии Тоҷикистон ва Комиссияи аттестатсионии Ҷумҳурии Тоҷикистон оид ба аттестатсияи кадрҳои илмӣ ва илмию омӯзгории тахассуси олӣ Тартиби таъсис ва тасдиқи шӯроҳои диссертатсионии ҳимояи рисолаҳо барои дарёфти дараҷаи илмии доктори фалсафа (PhD), доктор аз рӯи ихтисос ва додани дараҷаи илмии мазкурро таҳия ва ба Ҳукумати Ҷумҳурии Тоҷикистон пешниҳод намоянд (Қарори Ҳукумати ҶТ аз 02.11.2012 № 625, аз 10.02.2016 № 66).