Бо қарори Ҳукумати ҶТ аз 31.12.2014 № 834 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Шӯрои миллии тандурустии назди Ҳукумати Ҷумҳурии Тоҷикистон

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Шӯрои миллии тандурустии назди Ҳукумати Ҷумҳурии Тоҷикистон таъсис дода шавад.

2) Низомнома ва ҳайати Шӯрои миллии тандурустии назди Ҳукумати Ҷумҳурии Тоҷикистон тасдиқ карда шаванд (замимаҳои 1 ва 2).

3) Дар назди мақомоти иҷроияи маҳаллии ҳокимияти давлатӣ тибқи тартиби муқарраргардида шӯроҳои маҳаллии тандурустӣ таъсис дода шуда, низомнома ва ҳайати онҳо тасдиқ ва фаъолияти онҳо ба роҳ монда шавад.

4) Қарори Ҳукумати Ҷумҳурии Тоҷикистон аз 29 декабри соли 2003, № 579 "Дар бораи таъсиси Шӯрои миллии тандурустии назди Ҳукумати Ҷумҳурии Тоҷикистон" аз эътибор соқит дониста шавад.