Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, № 617

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Дар банди 2 қарори Ҳукумати Ҷумҳурии Тоҷикистон аз 28 декабри соли 2006, № 617 "Дар бораи Саридораи геологияи назди Ҳукумати Ҷумҳурии Тоҷикистон" рақами "56" ба рақами "59" иваз карда шавад.

2) Ба Низомномаи Саридораи геологияи назди Ҳукумати Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 617 тасдиқ шудааст, тағйиру иловаҳои зерин ворид карда шавад:

дар банди 5:

а) баъд аз сархати панҷум сархати нав бо мазмуни зайл илова илова карда шавад:

"- бо мақсади ба таври мунтазам ва комплексӣ омӯхтани қаъри замин марҳилаҳо ва давраҳои гузаронидани корҳои иктишофи геологии конҳои канданиҳои фоиданокро муайян менамояд;";

б) дар сархати шашум калимаҳои "санадҳои меъёрии ҳуқуқиро (ки минбаъд дар мавридҳои муқарраршуда ба қайди давлатӣ гирифта мешаванд)" ба калимаҳои "санадҳои меъёрии ҳуқуқӣ (ки минбаъд дар мавридҳои муқарраршуда ба қайди давлатӣ гирифта мешаванд), стандартҳо, дастурҳо ва дастурамалҳои методиро" иваз карда шаванд.