Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби гузаронидани муоинаи ҳатмии давлатии техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторӣ

Мутобиқи моддаи 29 Қонуни Ҷумҳурии Тоҷикистон "Дар бораи ҳаракат дар роҳ" Ҳукумати Ҷумҳурии Тоҷикистон қарор мекунад:

1) Тартиби гузаронидани муоинаи ҳатмии давлатии техникии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторӣ, ки дар роҳҳои Ҷумҳурии Тоҷикистон ҳаракат мекунанд, тасдиқ карда шавад (замима мегардад).

2) Иҷрои қарори мазкур барои вазорату идораҳо, ташкилоту корхонаҳо, шахсони воқеӣ ва ҳуқуқӣ, ки дар ихтиёрашон (тавозунашон) трактору комбайн, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторӣ доранд, ҳатмӣ мебошад.

3) Вазорати кишоварзии Ҷумҳурии Тоҷикистон Тартиби мазкурро ба маълумоти вазорату идораҳо, корхонаҳо, муассисаҳо, ташкилотҳо ва шаҳрвандон расонида, назорати иҷрои онро таъмин намояд.