Ҳукумати Ҷумҳурии Тоҷикистон

ҚАРОР

Дар бораи таъсиси Шӯрои аксуламал ва ҳамоҳангсозии амалҳои мақомоти салоҳиятдори Ҷумҳурии Тоҷикистон ҳангоми ҳолатҳои фавқулодда ва дигар ҳодисаҳои марбут ба яроқи сабуки оташфишон ва лавозимоти ҷангии муқаррарӣ

Бо мақсади таъмини ҳамоҳангсозии амалҳои мақомоти ваколатдори Ҷумҳурии Тоҷикистон дар ацдешидани чораҳои мутобиқ ҳангоми ҳолатҳои фавқулодда ва дигар ҳодисаҳои марбут ба яроқи сабуки оташфишон ва лавозимоти ҷангии муқаррарӣ, мутобиқи моддаҳои 12 ва 20 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарормекунад:

1) Шӯрои аксуламал ва ҳамоҳангсозии амалҳои мақомоти салоҳиятдори Ҷумҳурии Тоҷикистон ҳангоми ҳолатҳои фавқулодда ва дигар ҳодисаҳои марбут ба яроқи сабуки оташфишон ва лавозимоти ҷангии муқаррарӣ таъсис дода шавад.

2) Низомномаи замимагардидаи Шӯрои аксуламал ва ҳамоҳангсозии амалҳои мақомоти салоҳиятдори Ҷумҳурии Тоҷикистон ҳангоми ҳолатҳои фавқулодда ва дигар ҳодисаҳои марбут ба яроқи сабуки оташфишон ва лавозимоти ҷангии муқаррарӣ тасдиқ карда шавад.

3) Вазорати корҳои дохилӣ, Вазорати тандурустӣ, Вазорати мудофиа, Вазорати нақлиёт, Кумитаи давлатии амнияти миллӣ, Агентии назорати маводи нашъаовари назди Президенти Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, мақомоти иҷроияи маҳаллии хокимияти давлатӣ барои фаъолияти устувори Шӯрои аксуламал ва ҳамоҳангсозии амалҳои мақомоти салоҳиятдори Ҷумҳурии Тоҷикистон ҳангоми ҳолатҳои фавқулодда ва дигар ҳодисахои марбут ба яроқи сабуки оташфишон ва лавозимоти ҷангии муқаррарӣ мусоидат намоянд.