Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, №594

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Номгӯи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 № 594 "Дар бораи Вазорати маорифи Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

-дар сархати 20 калимаҳои "Коллеҷи омӯзгории шаҳри Душанбе" ба калимаҳои "Коллеҷи омӯзгории Донишгоҳи давлатии омӯзгории Тоҷикистон ба номи Садриддин Айнӣ" иваз карда шаванд;

-дар сархати 21 калимаҳои "Коллеҷи омӯзгории шаҳри Хуҷанд" ба калимаҳои "Коллеҷи омӯзгории Донишгоҳи давлатии Хуҷанд ба номи академик Бобоҷон Ғафуров" иваз карда шаванд;

-дар сархати 22 калимаҳои "Коллеҷи омӯзгории шаҳри Кӯлоб" ба калимаҳои "Коллеҷи омӯзгории Донишгоҳи давлатии Кӯлоб ба номи Абӯабдуллоҳи Рӯдакӣ" иваз карда шаванд;

-дар сархати 23 калимаҳои "Коллеҷи омӯзгории шаҳри Қӯрғонтеппа" ба калимаҳои "Коллеҷи омӯзгории Донишгоҳи давлатии Қӯргонтеппа ба номи Носири Хусрав" иваз карда шаванд;

-аз сархати 30 калимаҳои "Омӯзишгоҳи омӯзгории шаҳри Роғун" хориҷ карда шаванд;

- дар сархати 75 калимаҳои "Омӯзишгоҳи касбӣ - техникии №75 шаҳри Хуҷанд" ба калимаҳои "Омӯзишгоҳи касбии техникии №75 ноҳияи Бобоҷон Ғафуров" иваз карда шаванд;

- дар сархати 82 калимаҳои "ноҳияи Ваҳдат" ба калимаҳои "шаҳри Ваҳдат" иваз карда шаванд;

- дар сархати 100 калимаҳои "Литсейи касбии техникии шаҳри Хоруғ" ба калимаҳои "Литсейи касбии техникии ноҳияи Шуғнон" иваз карда шаванд;

- сархатҳои нав бо мазмуни зайл илова карда шаванд:

"- Литсейи касбии дӯзандагии шаҳри Душанбе;

- Омӯзишгоҳи касбии техникии №9 шаҳри Қӯргонгеппа;

- Ҷамъияти тарбияи ҷисмонӣ ва варзиши "Захираҳои меҳнатӣ".