Ҳукумати Ҷумҳурии Тоҷикистон

ҚАРОР

Дар бораи тасдиқи Нишони Кумитаи андози назди Ҳукумати Ҷумҳурии Тоҷикистон ва Нишони сарисинагии "Аълочии мақомоти андоз"

Бо мақсади баланд бардоштани нақш ва эътибори мақомоти андоз, иҷрои босифати буҷети давлатӣ, кадрдонӣ намудани кормандони мақомоти андоз, ки саҳми арзандаи худро дар рушду такомули фаъолияти ин мақомот гузошта, ба нишондиҳандаҳои хуби корӣ ноил гардидаанд, мутобиқи моддаи 29 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

1) Нишони Кумитаи андози назди Ҳукумати Ҷумҳурии Тоҷикистон ва Нишони сарисинагии "Аълочии мақомоти андоз" тасдиқ карда шаванд.

2) Низомнома оид ба Нишони Кумитаи андози назди Ҳукумати Ҷумҳурии Тоҷикистон, Низомнома дар бораи Нишони сарисинагии "Аълочии мақомоти андоз" ва Тавсифи Онҳо тибқи замимаҳои 1, 2, 3 ва 4 тасдиқ карда шаванд.

3) Маблағгузории хароҷоти вобаста ба таъсиси Нишони Кумитаи андози назди Ҳукумати Ҷумҳурии Тоҷикистон ва Нишони сарисинагии "Аълочии мақомоти андоз" аз ҳисоби маблағҳои суратҳисоби махсуси Кумитаи андози назди Ҳукумати Ҷумҳурии Тоҷикистон амалӣ карда шавад.