Бо қарори Ҳукумати ҶТ аз 30.03.2015 № 164-4 аз эътибор сокит дониста шуд.

Ҳукумати Ҷумҳурии Тоҷикистон

ҚАРОР

Дар бораи ташкил ва гузаронидани тендерҳои (озмунҳои) байналмилалӣ барои сохтмони Нерӯгоҳи барқи обии "Роғун"

Мувофиқи моддаи 18 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади гузаронидани тендерҳои (озмунҳои) байналмиллалӣ барои таҳия намудани асосноккунии техникию иқтисодӣ ва баҳодиҳии иҷтимоию экологии сохтмони Нерӯгоҳи барқи обии "Роғун" Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 31.01.2015 № 34):

1) Ҳайати Комиссияи тендерӣ оид ба ташкил ва гузаронидани тендерҳои (озмунҳои) байналмилалӣ барои таҳия намудани асосноккунии техникию иқтисодӣ ва баҳодиҳии иҷтимоию экологӣ, инчунин муайян намудани маҳсулотсупорандагон ва ташкилотҳои пудратии сохтмони Нерӯгоҳи барқи обии "Роғун" мутобиқи замима тасдиқ карда шавад.

2) Вазорати рушди иқтисод ва савдои Ҷумҳурии Тоҷикистон дар якҷоягӣ бо Вазорати адлияи Ҷумҳурии Тоҷикнстон, Вазорати молияи Ҷумҳурии Тоҷикистон, Вазорати энергетика ва саноати Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Агентии давлатии хариди мол, кор ва хизматрасонии назди Ҳукумати Ҷумҳурии Тоҷикистон ва Ҷамъияти саҳомии кушодаи "НБО Роғун" то 1 сентябри соли 2011 тибқи тартиби муқарраргардида лоиҳаи Низомнома оид ба фаъолияти Комиссияи тендерӣ оид ба ташкил ва гузаронидани тендерҳои (озмунҳои) байналмилалӣ барои таҳия намудани асосноккунии техникию иқтисодӣ ва баҳодиҳии иҷтимоию экологӣ, инчунин муайян намудани маҳсулотсупорандагон ва ташкилотҳои пудратии сохтмони Нерӯгоҳи барқи обии "Роғун"-ро таҳия ва ба баррасии Ҳукумати Ҷумҳурии Тоҷикистон пешниҳод намоянд (қарори Ҳукумати ҶТ аз 1.07.2010 № 342).

3) Ба Комиссияи тендерӣ иҷозат дода шавад, ки дар рафти фаъолияти худ дар ҳолатҳои зарурӣ шахсони воқеӣ ва ҳуқуқиро хамчун коршинос ба кори комиссия ҷалб намояд.

(қарори Ҳукумати ҶТ аз 31.01.2015 № 34)

Таҳрири нав

Ҳайати Комиссияи тендерӣ оид ба ташкил ва гузаронидани тендерҳои (озмунҳои) байналмилалӣ барои таҳияи минбаъдаи техникию иқтисодӣ ва баҳодиҳии иҷтимоию экологии сохтмони Нерӯгоҳи барқи обии "Роғун"

- Муовини якуми Сарвазири Ҷумҳурии Тоҷикистон (раиси Комиссия);

- Муовини Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон (муовини раиси Комиссия);

- Директори Агентии давлатии хариди давлатии мол, кор ва хизматрасонии назди Ҳукумати Ҷумҳурии Тоҷикистон;

- Мушовири бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ; - Мушовири бахши Ёрдамчии Президенти Ҷумҳурии Тоҷикистон оид ба сиёсати иқтисодӣ;

- Муовини Вазири саноат ва технологияҳои нави Ҷумҳурии Тоҷикистон;

- Муовини Вазири энергетика ва захираҳои оби Ҷумҳурии Тоҷикистон;

- Муовини Вазири рушди иқтисод ва савдои Ҷумҳурии Тоҷикистон;

- Муовини Вазири адлияи Ҷумҳурии Тоҷикистон;

- Муовини Вазири молияи Ҷумҳурии Тоҷикистон;

- Муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон;

- Директори Гурӯҳи татбиқи лоиҳаҳои сохтмони иншооти энергетикии назди Президенти Ҷумҳурии Тоҷикистон;

- Сардори Раёсати таъминоти моддию техникии Ҷамъияти саҳомии кушодаи "НБО Роғун" (котиби Комиссия).