Ҳукумати Ҷумҳурии Тоҷикистон

ҚАРОР

Оид ба ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006 №604

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба қарори Ҳукумати Ҷумҳурии Тоҷикистон аз 28 декабри соли 2006 № 604 "Дар бораи Вазорати фарҳанги Ҷумҳурии Тоҷикистон" тағйиру иловаҳои зерин ворид карда шаванд:

- дар банди 2 адади "91" ба адади "67" иваз карда шавад";

- дар банди 4 адади "6" ба адади "5" иваз карда шавад.

2) Ба Низомномаи Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 №604 тасдиқ шудааст, тагйиру иловаҳои зерин ворид карда шаванд:

- аз банди 1 калимаҳои "озодии виҷдон ва фаъолияти ташкилотҳои динӣ," хориҷ карда шаванд;

- банди 2 дар таҳрири зерин баён карда шавад:

"Вазорати фарҳанг танзим ва назорати фаъолияти сохторҳои тобеи худро ба роҳ мемонад".

а) Дар банди 5:

- аз зербанди а) калимаҳои "ва озодии виҷдон" хориҷ карда шаванд;

- дар сархати ҳаштуми зербанди а) калимаи "сарисинагӣ" ба калимаи "ифтихорӣ" иваз карда шавад;

- аз сархатҳои сенздаҳум ва чордаҳуми зербанди а) калимаҳои ", озодии виҷдон ва ташкилотҳои динӣ" хориҷ карда шаванд;

- аз сархати ҳабдаҳуми зербанди а) калимаҳои "озодии виҷдон" хориҷ карда шуда, калимаҳои "ва мероси фарҳанги миллӣ" илова карда шаванд;

- аз сархати нуздаҳуми зербанди а) калимаҳои ", озодии виҷдон ва ташкилотҳои динӣ" хориҷ карда шуда, калимаҳои "ва мероси фарҳанги миллӣ" илова карда шаванд;

- аз сархати чоруми зербанди д) "калимаҳои ", озодии виҷдон ва ташкилотҳои динӣ" хориҷ карда шаванд;

- зербанди ж) хориҷ карда шавад.

б) Аз банди 6 калимаҳои ", озодии виҷдон ва ташкилотҳои динӣ" хориҷ карда шаванд.

в) Дар банди 7:

- аз сархати шашум калимаҳои ", озодии виҷдон ва ташкилотҳои динӣ" хориҷ карда шаванд;

- сархати дувоздаҳум хориҷ карда шавад;

- аз сархати понздаҳум калимаҳои "ва дин, ҳуқуқ ва манфиатҳои шаҳрвандон ба озодии виҷдон ва ташкилотҳои динӣ" хориҷ карда шаванд.

г) Дар сархати ҳабдаҳуми банди 10 баъди калимаҳои "муовинони онҳо" калимаҳои ", саркоргардон, роҳбари бадеӣ, сармуҳандис ва сармуҳосиби ташкилоту муассисаҳоро" илова карда шаванд.

д) Дар банди 11 калимаи "мутахассисон" ба калимаҳои "мутахассисони соҳа" иваз карда шавад.

3) Аз сохтори Дастгоҳи марказии Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 №604 "Дар бораи Вазорати фарҳанги Ҷумҳурии Тоҷикистон" тасдиқ шудааст, сархати дуюм хориҷ карда шавад.