Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии "Маркази миллии илмии пайвандсозии узв ва бофтаҳои инсон"

Мутобиқи моддаҳои 52, 132 Кодекси граждании Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ", бо мақсади ба роҳ мондани пайвандсозии узв ва бофтаҳои инсон дар Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1) Муассисаи давлатии "Маркази миллии илмии пайвандсозии узв ва бофтаҳои инсон" таъсис дода шавад.

2) Вазорати тандурустии Ҷумҳурии Тоҷикистон дар доираи маблағҳои пешбинигардидаи соҳаи тандурустӣ ва воҳидҳои кории амалкунанда масъалаҳои ташкилию ҳуқуқии Муассисаи давлатии "Маркази миллии илмии пайвандсозии узв ва бофтаҳои инсон"-ро ҳал намояд.

3) Ба Номгӯи муассисаҳо ва ташкилотҳои системаи Вазорати тандурустии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006 №603 тасдиқ шудааст, сархати нав бо мазмуни зайл илова карда шавад:

"Маркази миллии илмии пайвандсозии узв ва бофтаҳои инсон".